Stocks to Buy or Sell: 50% તૂટ્યા બાદ Bajaj Housing, ICICI AMC અને TATAના આ સ્ટોર વિશે જાણો

Business News: શેરબજારમાં ચાલી રહેલી અનિશ્ચિતતા વચ્ચે રોકાણકારો ઇક્વિટીથી દૂર ભાગી રહ્યા છે. હાલમાં મોટાભાગના રોકાણકારોનો પોર્ટફોલિયો લાલ નિશાનમાં આવી ગયો છે. આવી સ્થિતિમાં તેમની સામે સૌથી મોટો પડકાર એ છે કે પૈસા ક્યાંથી ઉપાડવા અને ક્યાં રોકાણ કરવું. વર્તમાન બજારની સ્થિતિને ધ્યાનમાં રાખીને અગ્રણી બ્રોકરેજ ફર્મ HDFC Securitiesએ તેનો તાજેતરનો રિપોર્ટ બહાર પાડ્યો છે. આમાં રોકાણકારોને બે શેરો પર દાવ લગાવવાની સલાહ આપવામાં આવી છે, જ્યારે એક શેરથી દૂર રહેવાની સલાહ આપવામાં આવી છે. આ શેરમાં બજાજ હાઉસિંગ ફાઇનાન્સ, ICICI AMC અને ટાટા ગ્રુપની એક કંપનીનો સમાવેશ થાય છે. ચાલો વિગતવાર જાણીએ કે નિષ્ણાતોના મતે ક્યાં પૈસા કમાવવાની અપેક્ષા છે અને ક્યાં નુકસાન થઈ શકે છે.

BHFL શેર ભાવ ટાર્ગેટ

એક બ્રોકરેજ ફર્મે બજાજ હાઉસિંગ ફાઇનાન્સ (BHFL) ખરીદવાની સલાહ આપી છે. HDFC સિક્યોરિટીઝ કહે છે કે તે મજબૂત ફંડામેન્ટલ્સ ધરાવતી કંપનીઓમાંની એક છે. જોકે તાજેતરમાં તેની હાઈ વેલ્યુએશનના કારણે આ સ્ટોકે રોકાણકારોને થોડા પરેશાન કર્યા હતા. આ શેર તેના 52 વીક હાઈના સ્તરથી લગભગ 50 ટકા નીચે આવી ગયો છે . જોકે તે હવે ધીમે ધીમે ખરીદીના ક્ષેત્રમાં આગળ વધી રહ્યો છે. નિષ્ણાતો બજાજ હાઉસિંગ ફાઇનાન્સ (BHFL) ના શેર ₹75 થી ₹77 ની રેન્જમાં ખરીદવાની ભલામણ કરે છે. જો ઘટાડો થાય છે, તો તેને તમારા પોર્ટફોલિયોમાં ₹69-₹71 પર ઉમેરવા એ એક સમજદારીભર્યો નિર્ણય હોઈ શકે છે. આગામી ચાર ક્વાર્ટર માટે તેનો મૂળ ટાર્ગેટ ₹85 છે, જ્યારે બુલ કેસ ટાર્ગેટ ₹90 છે.

તમારા પોર્ટફોલિયોમાં ICICI AMC એડ કરવા સલાહ

ICICI AMC ને પણ પોર્ટફોલિયોમાં સામેલ કરવાની ભલામણ કરવામાં આવી છે. બ્રોકરેજ કહે છે કે કંપનીનો એસેટ બેઝ સતત વધી રહ્યો છે અને તેની પાસે આશરે 140 થી 150 વિવિધ સ્કીમ્સનો મોટો પોર્ટફોલિયો છે . કંપનીની મજબૂત હાજરી છે, ખાસ કરીને ઈક્વિટી સેગમેન્ટમાં. રોકાણકારો 2840-2920 બેન્ડમાં સ્ટોક ખરીદી શકે છે અને જો તે 2600-2650 સુધી ઘટે તો વધુ ખરીદી કરી શકે છે. આગામી એક વર્ષમાં તેનો બેઝ-કેસ લક્ષ્ય ₹3130 છે અને ઉપરની સ્થિતિમાં તે ₹3335 સુધી પહોંચી શકે છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ટાટાનો આ સ્ટોકને વેચવાની સલાહ

HDFC સિક્યોરિટીઝે તેના પોર્ટફોલિયોમાંથી એક સ્ટોકને ડિલિસ્ટ કરવાની ભલામણ કરી છે. બ્રોકરેજ ટાટા ગ્રુપની ટેલિકોમ કંપની ટાટા ટેલિસર્વિસિસ (TTML) પર સેલ રેટિંગ આપ્યું છે. બ્રોકરેજ કહે છે કે TTML માટે મુશ્કેલીઓ ઓછી થતી નથી. જોકે કંપની ક્લાઉડ અને સાયબર સુરક્ષા જેવા આધુનિક ક્ષેત્રોમાં વિસ્તરણ કરી રહી છે અને તેને ટાટા ગ્રુપનો સંપૂર્ણ ટેકો છે, તેમ છતાં નાણાકીય બોજ નોંધપાત્ર રહે છે. સૌથી મોટી ચિંતા કંપનીની AGR જવાબદારી છે.

બ્રોકરેજ કંપનીએ તેના અહેવાલમાં વધુમાં જણાવ્યું હતું કે માર્ચ 2025 સુધીમાં કંપની પર કુલ ₹19,300 કરોડનું દેવું હતું. સપ્ટેમ્બર 2024માં સુપ્રીમ કોર્ટે તેની ક્યુરેટિવ પિટિશન ફગાવી દીધા પછી, કંપનીએ હવે નોંધપાત્ર હપ્તાઓ ચૂકવવા પડશે. માર્ચ 2026 થી શરૂ કરીને કંપનીએ વાર્ષિક ₹4,167 કરોડના છ હપ્તા ચૂકવવા પડશે. આ સંજોગોમાં શેરનું વાજબી મૂલ્ય લગભગ ₹29.5 છે, જ્યારે તે હાલમાં બજારમાં ઊંચા ભાવે ટ્રેડ થઈ રહ્યો છે.

આ પણ વાંચોઃ Gold-Silver Price Today: સોનાની ચળકાટ અને ચાંદીની ચમક વધી, જાણો કેટલો થયો ભાવ