છત્તીસગઢમાં મોટો અકસ્માત, પીકઅપ ખાડામાં પલટી જતાં 15 મૃત્યુ, 10 ઘાયલ

કબીરધામ (છત્તીસગઢ), 20 મે : છત્તીસગઢના કબીરધામ જિલ્લાના કુક દરવાજા પોલીસ સ્ટેશન વિસ્તારમાં એક મોટો અકસ્માત થયો છે. અહીં બાહપાણી વિસ્તારમાં તેંદુના પાન તોડીને પરત ફરી રહેલ પીકઅપ વાહન ઉંડી ખાઈમાં પડી ગયું હતું. પીકઅપમાં સવાર 15 લોકો નાળામાં પડી જવાથી અવસાન થયા છે. આ દુર્ઘટનામાં 10 લોકો ઘાયલ થયા હોવાનું પણ કહેવાય છે. કબીરધામના પોલીસ અધિક્ષક ડો. અભિષેક પલ્લવે ઘટનાની પુષ્ટિ કરી છે. તેમણે કહ્યું કે આ અકસ્માતમાં 15 લોકોના મોત થયા છે, જ્યારે 10 લોકો ઘાયલ હોવાનું કહેવાય છે. પોલીસના વાહનોમાં સવાર ઘાયલ લોકોને સારવાર માટે હોસ્પિટલમાં મોકલવામાં આવ્યા છે.

ઘટના સ્થળ જંગલ વિસ્તાર હોવાનું કહેવાય છે. પ્રાપ્ત માહિતી અનુસાર, તમામ લોકો પીકઅપમાં મુસાફરી કરી રહ્યા હતા. આ તમામ લોકો બાહપાણી વિસ્તારમાં તેંદુના પાન તોડીને પરત ફરી રહ્યા હતા. દરમિયાન અચાનક પીકઅપ કાબુ બહાર જઈને ખાડામાં પલટી ગઈ હતી. અકસ્માત બાદ સ્થળ પર હોબાળો મચી ગયો હતો. આ ઘટનામાં 15 લોકોના મોત થયા છે, જ્યારે 10 લોકો ઘાયલ થયા છે. મૃતકોમાં 14 મહિલાઓનો સમાવેશ થાય છે, જ્યારે એક પુરૂષનું મોત થયું છે. તમામ મૃતકો સેમરાહ ગામના રહેવાસી છે.

દરમિયાન, નાયબ મુખ્યમંત્રી વિજય શર્માએ કવર્ધામાં પીકઅપ વાહન પલટી જવાથી 15 લોકોના મોતના સમાચાર પર શોક વ્યક્ત કર્યો છે. દુર્ઘટનાની માહિતી મળતા જ નાયબ મુખ્યમંત્રી વિજય શર્મા ઘટનાસ્થળે રવાના થઈ ગયા હતા. ડેપ્યુટી સીએમ વિજય શર્માએ પોતાના એક્સ હેન્ડલ પર લખ્યું છે કે ‘કવર્ધામાં મજૂરોથી ભરેલ પીકઅપ વાહન પલટી જવાથી 15 લોકોના મોતના સમાચાર અત્યંત દુઃખદાયક છે. મારી સંવેદના એ તમામ પરિવારો સાથે છે જેમણે આ અકસ્માતમાં પોતાના પ્રિયજનોને ગુમાવ્યા છે. આ સાથે જ હું તમામ ઘાયલોના ઝડપથી સ્વસ્થ થવાની કામના કરું છું. રાજ્ય સરકારની દેખરેખ હેઠળ, સ્થાનિક વહીવટીતંત્ર પીડિતો અને તેમના પરિવારોને શક્ય તમામ સહાય પૂરી પાડવામાં રોકાયેલ છે.

कवर्धा में मजदूरों से भरी पिकअप वाहन पलटने से 15 लोगों के निधन की खबर अत्यंत पीड़ादायक है। मेरी शोक-संवेदनाएं उन सभी परिवारों के साथ हैं, जिन्होंने इस दुर्घटना में अपनों को खोया है।

इसके साथ ही मैं सभी घायलों के शीघ्र स्वस्थ होने की कामना करता हूं।

राज्य सरकार की देखरेख में…

— Vijay sharma (मोदी का परिवार) (@vijaysharmacg) May 20, 2024

આ પણ વાંચો :આ દેશમાં ‘અંતિમ સંસ્કાર’ બન્યા મોંઘા, લોકો પોતાના જ સ્વજનોની લાશને ઓળખવાનો કરી રહ્યા છે ઇન્કાર