આઈપીએલ 2025 : સૂર્યા અને પંડ્યાની તાબડતોબ બેટિંગ, મુંબઈએ રાજસ્થાનને આપ્યો આ ટાર્ગેટ
જયપુર, 1 મે : ઇન્ડિયન પ્રીમિયર લીગ (IPL) 2025 ની 50મી મેચ આજે રાજસ્થાન રોયલ્સ (RR) અને મુંબઈ ઇન્ડિયન્સ (MI) વચ્ચે જયપુરના સવાઈ માનસિંહ સ્ટેડિયમમાં છે. આ મેચમાં મુંબઈ ઈન્ડિયન્સ ટોસ હારી ગયું છે અને પહેલા બેટિંગ કરી રહ્યું છે. જેને નિર્ધારિત 20 ઓવરમાં 2 વિકેટે 217 રન કરી જીત માટે રાજસ્થાનને 218 રનનો ટાર્ગેટ આપ્યો છે.
મુંબઈ ઈન્ડિયન્સની શરૂઆત શાનદાર રહી. રોહિત શર્મા અને રાયન રિકેલ્ટન વચ્ચે ૧૧.૫ ઓવરમાં ૧૧૬ રનની ભાગીદારી થઈ. બંને બેટ્સમેનોએ શરૂઆતમાં સાવધાનીપૂર્વક બેટિંગ કરી હતી પરંતુ એકવાર તેઓ ક્રીઝ પર સ્થિર થયા પછી, તેઓ મોટા શોટ રમવાથી અચકાયા નહીં. આ દરમિયાન, રિકેલ્ટને 29 બોલમાં પોતાની ફિફ્ટી પૂરી કરી. રોહિતે તેના 31મા બોલ પર 50 રનનો આંકડો પાર કર્યો.
મહેશ તીક્ષ્ણાએ રાયન રિકેલ્ટનને બોલ્ડ આઉટ કરીને આ સદીની ભાગીદારીનો અંત લાવ્યો. રિકેલ્ટને ૩૮ બોલમાં સાત ચોગ્ગા અને ત્રણ છગ્ગાની મદદથી ૬૧ રન બનાવ્યા. રિકેલ્ટન પછી, મુંબઈએ પણ રોહિત શર્માની વિકેટ ગુમાવી, જેને રિયાન પરાગના બોલ પર યશસ્વી જયસ્વાલ દ્વારા કેચ આઉટ કરવામાં આવ્યો. રોહિતે 36 બોલમાં 53 રન બનાવ્યા, જેમાં 9 ચોગ્ગાનો સમાવેશ થાય છે.
