ઈઝરાયલના હુમલા દરમ્યાન ઈરાનમાં 2 કાશ્મીરી યુવાન ઘાયલ, ભારતીય નાગરિકોના રેસ્ક્યૂ માટે સરકારે બનાવ્યો ખાસ પ્લાન
Israel Iran Tension: ઈરાન અને ઈઝરાયલ વચ્ચે ચાલી રહેલા તણાવને કારણે ફરી એક વાર વિશ્વ સ્તરે તેની માઠી અસર જોવા મળી રહી છે. આ સંઘર્ષની ચપેટમાં સામાન્ય લોકો પણ આવી રહ્યા છે. તેની અસર હવે વિદેશી વિદ્યાર્થીઓની સુરક્ષા પર પણ પડી રહી છે.
ગઈકાલે રાત્રે તેહરાન યુનિવર્સિટી ઓફ મેડિકલ સાયન્સના આંતરરાષ્ટ્રીય વિદ્યાર્થીઓ માટેની બોયઝ હોસ્ટેલ પાસે હુમલો થયો હતો. આ હુમલામાં બે ભારતીય વિદ્યાર્થીઓ ઘાયલ થયા હતા. આ બંને વિદ્યાર્થીઓ જમ્મુ અને કાશ્મીરના છે.
An attack occurred near the boys’ dormitory for international students at Tehran University of Medical Sciences last night. Two Indian students from Kashmir were injured. Fortunately, both are stable and are relocated to Ramsar by the university for safety. @ANI @PTI_News
— J&K Students Association (@JKSTUDENTSASSO) June 16, 2025
જોકે, બંને વિદ્યાર્થીઓની હાલત હવે સ્થિર છે અને યુનિવર્સિટી વહીવટીતંત્રે તેમની સલામતીને ધ્યાનમાં રાખીને તેમને રામસરમાં શિફ્ટ કર્યા છે. આ ઘટનાએ ઈરાનમાં અભ્યાસ કરતા ભારતીય વિદ્યાર્થીઓની સુરક્ષા અંગે ચિંતા વ્યક્ત કરી છે. સ્થાનિક વહીવટીતંત્ર અને ભારતીય દૂતાવાસ આ ઘટનાના કારણો અને જવાબદારોને શોધવા માટે આ મામલાની તપાસ કરી રહ્યા છે.
ભારત સરકાર ઈરાનમાં ફસાયેલા ભારતીયોને બહાર કાઢવા માટે કાર્યવાહી શરૂ કરવા જઈ રહી છે. ઈરાની સરકારે કહ્યું છે કે, ભારતીયો સહિત વિદેશી નાગરિકોને સુરક્ષિત રીતે તેમના દેશમાં મોકલવામાં આવશે.
મીડિયા રિપોર્ટ્સ અનુસાર, ઈરાનમાં ફસાયેલા ભારતીય નાગરિકોને અઝરબૈજાન, તુર્કમેનિસ્તાન અને અફઘાનિસ્તાન સરહદો દ્વારા બહાર કાઢવામાં આવશે.
આ પણ વાંચો: ગુજરાતમાં છેલ્લા 24 કલાકમાં 130 તાલુકામાં વરસાદ નોંધાયો, આગામી 6 દિવસ અતિ ભારે વરસાદની આગાહી
