Skyroot Aerospace Makes History: ભારતની અગ્રણી ખાનગી સ્પેસ કંપની, સ્કાયરૂટ એરોસ્પેસે તેના પ્રથમ ઓર્બિટલ રોકેટ ‘વિક્રમ-1’ ના સફળ પ્રક્ષેપણ સાથે સ્પેસ ટેકનોલોજીના ઈતિહાસમાં એક નવો અધ્યાય લખ્યો છે. આ મિશનની અભૂતપૂર્વ સફળતા સાથે જ સ્કાયરૂટે પૃથ્વીની નીચલી ભ્રમણકક્ષામાં રોકેટ લોન્ચ કરનારી વિશ્વની ગણતરીની ખાનગી કંપનીઓની એલિટ ક્લબમાં સ્થાન મેળવી લીધું છે. આ ઐતિહાસિક ક્ષણ વૈશ્વિક સ્તરે ભારતના ખાનગી અવકાશ ક્ષેત્રના પ્રભુત્વને મજબૂત રીતે રેખાંકિત કરે છે.

વૈશ્વિક સ્મોલ સેટેલાઇટ માર્કેટ પર ફોકસ

અત્યાર સુધી રોકેટ લોન્ચ કરવાની ક્ષમતા વૈશ્વિક સ્તરે માત્ર સરકારી સંસ્થાઓ અથવા ખૂબ જ મર્યાદિત વૈશ્વિક કંપનીઓ પાસે જ હતી. ભારત સરકારે વર્ષ 2020 માં દેશના સ્પેસ સેક્ટરને ખાનગી પ્લેયર્સ માટે ખુલ્લું મૂક્યું હતું, જેના પરિણામે ભારતે માત્ર થોડા જ વર્ષોમાં આ સીમાચિહ્ન પ્રાપ્ત કર્યું છે. સ્કાયરૂટનું મુખ્ય લક્ષ્ય હવે વિશ્વભરમાં ઝડપથી વિકસતા નાના ઉપગ્રહોના લોન્ચિંગ માર્કેટ પર કબજો જમાવવાનો છે. હાલમાં હવામાન, સંરક્ષણ અને પૃથ્વી નિરીક્ષણ માટે નાના સેટેલાઇટ્સની માંગ ખૂબ વધારે છે, જેમાં સ્કાયરૂટ સસ્તી અને ઝડપી લોન્ચિંગ સેવાઓ પૂરી પાડશે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

3D પ્રિન્ટેડ એન્જિન અને અદ્યતન ટેકનોલોજીથી સજ્જ વિક્રમ-1

વિક્રમ-1 રોકેટમાં અત્યંત અદ્યતન અને આધુનિક એન્જિનિયરિંગનો ઉપયોગ કરવામાં આવ્યો છે. આ રોકેટમાં 3D પ્રિન્ટિંગ ટેકનોલોજી દ્વારા તૈયાર કરાયેલા અત્યાધુનિક એન્જિન, એડવાન્સ એવિઓનિક્સ સિસ્ટમ્સ અને વજનમાં હળવા છતાં અતિ મજબૂત સંયુક્ત મટિરિયલનો ઉપયોગ કરવામાં આવ્યો છે. આ હાઈ-ટેક સિસ્ટમ રોકેટના લોન્ચિંગ ખર્ચમાં મોટો ઘટાડો કરે છે અને મિશનની સફળતાની ગેરંટી વધારે છે, જે તેને ગ્લોબલ માર્કેટમાં વધુ સ્પર્ધાત્મક બનાવે છે.

ભારતીય સ્પેસ ઈકોસિસ્ટમને મોટો બુસ્ટ

અવકાશ ક્ષેત્રના નિષ્ણાતોના મતે, આ સફળતા માત્ર સ્કાયરૂટ પૂરતી મર્યાદિત નથી પરંતુ સમગ્ર ભારતીય અવકાશ ઈકોસિસ્ટમ માટે ટર્નિંગ પોઈન્ટ સાબિત થશે. તેનાથી ભારતીય રાષ્ટ્રીય અવકાશ પ્રમોશન અને ઓથોરાઇઝેશન સેન્ટર (IN-SPACE) ની પ્રોત્સાહક નીતિઓ હેઠળ કામ કરતા અન્ય ભારતીય સ્પેસ સ્ટાર્ટઅપ્સને પણ નવી ઊર્જા મળશે. હવે કંપનીનું આગામી લક્ષ્ય ઇન્ટરનેશનલ ગ્રાહકો માટે નિયમિત કોમર્શિયલ મિશન્સ શરૂ કરવાનું છે. આ યોજના ભારતને આગામી વર્ષોમાં વૈશ્વિક સ્પેસ લોન્ચિંગનું હબ બનાવવામાં 1 મહત્વની ભૂમિકા ભજવશે.

આ પણ વાંચો: રિલાયન્સમાં પ્રમોટર્સનો વધતો વિશ્વાસ: હિસ્સામાં 0.5 ટકાનો વધારો, ₹8,500 કરોડથી વધુનું રોકાણ