ઓક્ટોબરમાં કેટલા દિવસ બંધ રહેશે શેરબજાર, શું 2 ઓક્ટોબરે ટ્રેડિંગ નહીં થાય?
HD ન્યુઝ ડેસ્ક, 29 સપ્ટેમ્બર 2025: ભારતીય શેરબજાર ઓક્ટોબર મહિનામાં 3 દિવસ માટે બંધ રહેશે. ગાંધી જયંતી અને દશેરાને લઈને 2 ઓક્ટોબર (ગુરુવાર)ના રોજ નિયમિત ટ્રેડિંગ થઈ શકશે નહીં. બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE)ની સત્તાવાર વેબસાઈટ પર આ માહિતી આપવામાં આવી છે. આ ઉપરાંત, 21 અને 22 ઓક્ટોબરે દિવાળી, લક્ષ્મી પૂજન અને બલિપ્રતિપદાને લઈને બજાર બંધ રહેશે. જોકે, 21 ઓક્ટોબરે સ્ટોક એક્સચેન્જમાં ‘મુહૂર્ત ટ્રેડિંગ’ માટે 1 કલાકનું ખાસ ટ્રેડિંગ સેશન રાખવામાં આવ્યું છે.
આ સાથે, 5 નવેમ્બરે પ્રકાશ ગુરુપર્વને લઈને બજારમાં લેનદેન થઈ શકશે નહીં. તેમજ, 25 ડિસેમ્બરે ક્રિસમસના કારણે લોકો ટ્રેડિંગ કરી શકશે નહીં. આ વર્ષે 27 ઓગસ્ટે ગણેશ ચતુર્થીના કારણે શેરબજાર બંધ કરવામાં આવ્યું હતું.
દિવાળી મુહૂર્ત ટ્રેડિંગ શું છે?
ભારતીય માન્યતા અનુસાર, દિવાળીને ખરાબ પર સારાની જીતનું પ્રતીક માનવામાં આવે છે. તેવી જ રીતે, દિવાળી મુહૂર્ત ટ્રેડિંગ ભારતીય શેરબજારોમાં નવા હિન્દુ કેલેન્ડર વર્ષની શરૂઆતનું પ્રતીક છે. બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE)એ ‘મુહૂર્ત ટ્રેડિંગ’ના સમયની જાહેરાત કરી દીધી છે. આ વર્ષે 21 ઓક્ટોબરે બપોરે 1:45 વાગ્યે થી 2:45 વાગ્યા સુધી ટ્રેડિંગ સેશન રાખવામાં આવ્યું છે. ભારતીય શેરબજારમાં આને એક રિવાજ તરીકે ઉજવવામાં આવે છે.
એવી માન્યતા છે કે આ શુભ સમયમાં મુહૂર્ત ટ્રેડિંગ કરવાથી રોકાણકારોને આખા વર્ષ દરમિયાન નફો થાય છે અને તેમને આર્થિક લાભ મળે છે. ગયા વર્ષે મુહૂર્ત ટ્રેડિંગ સાંજે 6 વાગ્યે થી 7 વાગ્યા વચ્ચે યોજાયું હતું.
આ પણ વાંચો :બરેલી હિંસાના બીજા માસ્ટરમાઇન્ડ નદીમની ધરપકડ, તૌકીરના રાઈટ હેન્ડને પોલીસે પકડી પાડ્યો
