ટૉયલેટમાં ‘સિંહાસન’, ઝાડ કાપીને બનાવી ડિઝાઇન; જુઓ ટેરેન્સનું એન્ટીક લૈવિશ ઘર
Terence Lewis House Tour: ટેરેન્સ લુઈસ (Terence Lewis) બોલિવૂડ ઈન્ડસ્ટ્રીના ફેમસ કોરિયોગ્રાફર અને ડાન્સર છે. ડાન્સ ઈન્ડસ્ટ્રીમાં ટેરેન્સનું ખૂબ મોટું નામ છે અને તેઓ અત્યાર સુધીમાં ઘણા રિયાલિટી ડાન્સ શો જજ કરી ચૂક્યા છે. ફેન્સ તેમના ડાન્સ અને યુનિક સ્ટાઈલના દીવાના છે. ટેરેન્સ મુંબઈમાં ખૂબ જ લક્ઝુરિયસ લાઈફ જીવે છે અને ત્યાં તેમનું એક આલીશાન ઘર આવેલું છે. હાલમાં જ જાણીતા ડાયરેક્ટર અને કોરિયોગ્રાફર ફરાહ ખાને (Farah Khan) ટેરેન્સના કરોડોના આશિયાનાની અંદરની ઝલક ફેન્સને બતાવી છે.
ફરાહ ખાન પોતાના કુકિંગ વ્લોગના શૂટિંગ માટે ટેરેન્સ લુઈસના ઘરે પહોંચી હતી. આ દરમિયાન ટેરેન્સના ઘરનું એન્ટિક અને અત્યંત સુંદર ઈન્ટિરિયર જોઈને ફરાહ ખાનની આંખો પણ ખુલ્લી રહી ગઈ હતી. ટેરેન્સના ઘરની સજાવટ સામાન્ય ઘરો કરતાં સાવ અલગ અને અદભુત છે.
ઘરની એન્ટ્રી પર જ રાખ્યું છે આખું ઝાડ
ટેરેન્સના ઘરના મેઈન ગેટ એટલે કે એન્ટ્રી પર જ એક બેન્ચ રાખવામાં આવી છે, જે સામાન્ય રીતે ગાર્ડન કે પાર્કમાં જોવા મળતી હોય છે. આ બેન્ચની સાથે એક અસલી ઝાડનું મૂળ (ટ્રંક) કનેક્ટ કરવામાં આવ્યું છે, જેને જોઈને ફરાહ ખાન દંગ રહી ગઈ હતી. ટેરેન્સના લિવિંગ રૂમમાં પણ સુંદર સોફા સેટ સાથે અસલી ઝાડના મૂળને જ કલાત્મક રીતે ડિઝાઈન કરીને ગોઠવવામાં આવ્યું છે. ટેરેન્સે આ વિશે જણાવ્યું હતું કે, કોઈએ આ ઝાડને કાપીને ફેંકી દીધું હતું, જેને તેઓ પોતાના ઘરે લઈ આવ્યા અને ઈન્ટિરિયરનો હિસ્સો બનાવી દીધું.
જયપુરનો શાહી દરવાજો અને ચર્ચ લુક
ઘરની સજાવટમાં આર્ટ અને ક્રિએટિવિટીનો અદભુત સંગમ જોવા મળે છે. ઘરની એક મુખ્ય દીવાલને જયપુરના શાહી દરવાજા (Jaipur Royal Door) થી શણગારવામાં આવી છે. આ દરવાજા પર ઘણી બધી ઈલેક્ટ્રિક મીણબત્તીઓ લગાવવામાં આવી છે, જે તેને કોઈ ચર્ચ જેવો પવિત્ર અને યુનિક લુક આપે છે. આખા ઘરને ક્લાસિક એન્ટિક શો-પીસ, ઈન્ડોર પ્લાન્ટ્સ અને સુંદર પેઈન્ટિંગ્સથી સજાવવામાં આવ્યું છે. ઘરના દરેક ખૂણામાં કલાત્મકતા અને ક્રિએટિવિટી સ્પષ્ટપણે દેખાઈ આવે છે.
બાલકનીમાં મધર મેરીની મૂર્તિ અને વાઇબ્રન્ટ લુક
ટેરેન્સના ઘરની બાલકની પણ ખૂબ જ આકર્ષક છે. બાલકનીમાં મધર મેરીની એક સુંદર મૂર્તિ સ્થાપિત કરવામાં આવી છે. આ સિવાય ઘણા બધા લીલાછમ છોડ અને ઝાડવાઓ લગાવીને બાલકનીને એકદમ વાઈબ્રન્ટ અને નેચરલ ટચ આપવામાં આવ્યો છે. બાલકનીના કોર્નરમાં એક સ્ટાઇલિશ લેમ્પ અને બેસવા માટે આધુનિક ચેર-ટેબલ ગોઠવવામાં આવ્યા છે.
ટોઇલેટ જોઈને લાગશે કે રાજા-મહારાજાનું સિંહાસન છે!
સૌથી વધુ ચોંકાવનારી બાબત ટેરેન્સ લુઈસના ઘરનું ટોઇલેટ છે, જે સામાન્ય ઘરો કરતાં સાવ જુદું છે. તેમના ટોઇલેટની સીટ સામાન્ય નથી પરંતુ એક ભવ્ય ‘સિંહાસન સ્ટાઈલ’ (Throne Style) માં ડિઝાઈન કરવામાં આવી છે. તેને જોઈને પહેલી નજરે અંદાજ પણ ન લગાવી શકાય કે તે ટોઇલેટ સીટ છે. એટલું જ નહીં, આ લક્ઝુરિયસ ટોઇલેટની અંદર એક ખૂબ જ સુંદર અને મોંઘું ઝુમ્મર (Chandelier) પણ લગાવવામાં આવ્યું છે.
આ પણ વાંચોઃ Explainer: શું 2032 સુધી ચાંદ પર હશે માનવ વસાહત? સરળ ભાષામાં સમજો NASAનો પ્લાન
આ પણ વાંચોઃ Stock Market: સેન્સેક્સ 508 અને નિફ્ટી 165 પોઈન્ટના ઘટાડા સાથે બંધ, IT સ્ટોક્સમાં જબરજસ્ત તેજી
અમારી WhatsApp ચેનલમાં જોડાવા આ લિંક પર ક્લીક કરો
