71 વર્ષના ધુરંધર અભિનેતાએ સારા અર્જૂનને કિસ કરતા વિવાદ, જાણો રાકેશ બેદીએ મૌન તોડતા શું કહ્યું?
- રાકેશ બેદીએ કહ્યું કે સારા જ્યારે પણ તે શૂટિંગ દરમિયાન આવતી, ત્યારે હું તેને ગળે લગાવતો અને કપાળ પર ચુંબન કરતો, મારી પોતાની પુત્રીની જેમ
Entertainment News: ભારતીય સિનેમાના ઇતિહાસમાં ઘણા બેન્ચ માર્ક સેટ કરનારી ફિલ્મ ‘ધૂરંધર 2’ બોક્સ ઓફિસ પર પ્રભુત્વ મેળવી રહી છે. આ ફિલ્મને જેટલી પ્રશંસા મળી રહી છે તેટલી જ ટીકા પણ મળી હતી. આવો જ એક વિવાદ રાકેશ બેદી સાથે પણ હતો. ગયા વર્ષે ‘ધૂરંધર’ના ટ્રેલર લોન્ચ સમયે રાકેશે સારા અર્જુનના ખભા પર ચુંબન કર્યું હતું. આ વીડિયો વાયરલ થયા પછી, રાકેશને ભારે ટ્રોલ કરવામાં આવ્યો હતો.
રાકેશ બેદીએ કર્યું રિએક્ટ
તે સમયે રાકેશે વિવાદ પર સ્પષ્ટતા કરી હતી. તેણે લોકોની નજરમાં ખામી હોવાનું કારણ આપ્યું હતું અને સારાને તેની પુત્રી પણ કહી હતી. હવે રેડ એફએમ પોડકાસ્ટમાં રાકેશ બેદીએ કહ્યું કે લોકોએ તેના હાવભાવને ખોટી રીતે લીધા હતા. તે કહે છે કે તે એક નાની ઘટના હતી. ધુરંધરમાં મારી પુત્રીનું પાત્ર ભજવનાર છોકરી સારા અર્જુન છે. જ્યારે પણ તે શૂટિંગ દરમિયાન આવતી, ત્યારે હું તેને ગળે લગાવતો અને કપાળ પર ચુંબન કરતો, મારી પોતાની પુત્રીની જેમ. હું સારાને કહેતો, ચાલો ચિંતા ન કરીને સાથે અદ્ભુત દ્રશ્યો કરીશું, પરંતુ જ્યારે મેં ટ્રેલર લોન્ચ સમયે તેનું સ્વાગત એ જ રીતે કર્યું, ત્યારે લોકોએ મારા વિશે ખરાબ વાતો કહી. મને આશ્ચર્ય થયું કારણ કે મેં હંમેશા તેને આ રીતે જ ટ્રીટ કરી હતી.
સદભાગ્યે કેટલાક લોકોએ મારો બચાવ કર્યો, પરંતુ સાચુ કહું તો લોકોને વાતો કરવાનો, ટિપ્પણી કરવાનો મોકો જોઈતો હોય છે. કુછ તો લોગ કહેંગે, લોગો કા કામ હે કહેના. ફિલ્મની સફળતા આશ્ચર્યજનક છે. આટલી મોટી સફળતા કોઈને પણ સરળતાથી મળતી નથી, પછી ભલે તે અભિનેતા હોય, લેખક હોય કે દિગ્દર્શક હોય. ઘણા લોકો એવા છે જેમને આવી સફળતા ઈચ્છવા છતા કદી મળતી નથી.
ફિલ્મમાં રાકેશ બેદીએ સારાના પિતાની ભૂમિકા શાનદાર રીતે ભજવી હતી. એકસાથે ફિલ્માવવામાં આવેલા દ્રશ્યો અદભુત હતા. યેલિના તરીકે સારાની માસૂમિયતએ લાખો લોકોના દિલ જીતી લીધા હતા. રાકેશ બેદી 71 વર્ષના છે, જ્યારે સારા 20 વર્ષની છે. આદિત્ય ધર દ્વારા દિગ્દર્શિત આ ફિલ્મ દરરોજ કમાણીના નવા રેકોર્ડ બનાવી રહી છે. ફિલ્મે વિશ્વભરમાં ₹750 કરોડથી વધુની કમાણી કરી છે.
આ પણ વાંચોઃ રજનીકાંતને પણ પસંદ પડી ‘ધુરંધર ૨’;આદિત્ય ધરને કહ્યા ‘બોક્સ ઓફિસના બાપ’,દેશવાસીઓને કરી ખાસ અપીલ
