લોકસભામાં 8 વિપક્ષી સાંસદોનું સસ્પેન્શન ખતમ, હવે કાર્યવાહીમાં ભાગ લઈ શકશે

Lok Sabha: વિપક્ષ માટે થોડી રાહતના સમાચાર છે. લાંબા સમયથી સસ્પેન્ડ કરાયેલા આઠ લોકસભા સાંસદોને પુનઃસ્થાપિત કરવામાં આવ્યા છે. ગઈકાલે શાસક પક્ષ અને વિપક્ષ વચ્ચે સર્વસંમતિ સધાઈ હતી. હવે તમામ આઠ સભ્યો લોકસભાની કાર્યવાહીમાં ભાગ લઈ શકશે. 11 ફેબ્રુઆરીના રોજ, સ્પીકર ઓમ બિરલાએ કાર્યવાહીમાં વિક્ષેપને કારણે આઠ વિપક્ષી સાંસદોને સસ્પેન્ડ કર્યા હતા.

જણાવી દઈએ કે સંસદમાં બજેટ સત્રનો બીજો તબક્કો ચાલી રહ્યો છે. ગયા સોમવારે, લોકસભાની કાર્યવાહી દરમિયાન, કોંગ્રેસ પાર્ટીએ આઠ વિપક્ષી સાંસદોના સસ્પેન્શનનો મુદ્દો ઉઠાવ્યો હતો. તેમણે સ્પીકર ઓમ બિરલાને આઠ સસ્પેન્ડ કરાયેલા સાંસદોના સસ્પેન્શનને રદ કરવા વિનંતી કરી હતી. કોંગ્રેસના વરિષ્ઠ નેતા કેસી વેણુગોપાલે ગૃહમાં આ મુદ્દો ઉઠાવ્યો હતો. વેણુગોપાલે કહ્યું હતું કે, “અમારા આઠ સભ્યોને સસ્પેન્ડ કરવામાં આવ્યા છે અને તેઓ ગૃહની બહાર બેઠા છે. અમે આ મુદ્દો પહેલા પણ ઉઠાવ્યો છે. અમે તમને આજે જ નિર્ણય લેવા વિનંતી કરીએ છીએ.”

#WATCH | Delhi | On the revocation of suspension of 8 Opposition MPs, Congress MP Priyanka Gandhi Vadra says, “This is a good thing…” pic.twitter.com/uoOX437jSs

— ANI (@ANI) March 17, 2026

આ પણ વાંચો: હરીશ રાણા પાસે કેટલો સમય? ધીમે-ધીમે હટાડવામાં આવશે બધી લાઈફ સપોર્ટ સિસ્ટમ, જાણો ડોક્ટર્સનો પ્લાન