દિલ્હીના મુખ્યમંત્રી રેખા ગુપ્તાને મળી જાનથી મારી નાખવાની ધમકી, આરોપીએ ગાઝિયાબાદ પોલીસને ફોન કર્યો

નવી દિલ્હી, 6 જૂન 2025 : દિલ્હીના મુખ્યમંત્રી રેખા ગુપ્તાને જાનથી મારી નાખવાની ધમકી મળી છે. આરોપીએ પોલીસ કંટ્રોલ રૂમમાં ફોન કરીને મુખ્યમંત્રીને જાનથી મારી નાખવાની ધમકી આપી છે. પોલીસે જણાવ્યું કે મોડી રાત્રે ગાઝિયાબાદ પોલીસને પીસીઆર કોલ કરવામાં આવ્યો હતો. કહેવામાં આવી રહ્યું છે કે આરોપીનો ફોન રાત્રે 11 વાગ્યે આવ્યો હતો, ત્યારબાદ ગાઝિયાબાદ પોલીસે દિલ્હી પોલીસને આ અંગે જાણ કરી હતી. હાલમાં આરોપીનો ફોન બંધ છે, જ્યારે પોલીસ આ મામલાની તપાસ કરી રહી છે.

ગાઝિયાબાદ પોલીસે દિલ્હી પોલીસને જાણ કરી

ગઈકાલે રાત્રે એક વ્યક્તિએ ગાઝિયાબાદ પોલીસના પીસીઆર પર ફોન કર્યો હતો. ફોન કરનારે દિલ્હીના CM રેખા ગુપ્તાને મારી નાખવાની ધમકી આપી હતી. આ પછી, ગાઝિયાબાદ પોલીસે મોડી રાત્રે ઉત્તર પશ્ચિમ જિલ્લા પોલીસને આ અંગે જાણ કરી. આ ઘટના પછી, પોલીસ વિભાગમાં ખળભળાટ મચી. પોલીસે ફરીથી ફોન કરનારને ફોન કરવાનો પ્રયાસ કર્યો, પરંતુ જે નંબર પરથી ફોન કરવામાં આવ્યો હતો તે નંબર હાલમાં બંધ છે. ગાઝિયાબાદ અને દિલ્હી પોલીસ હાલમાં આરોપીઓની શોધ કરી રહી છે.

સતત મળી રહી ધમકીઓ
છેલ્લા ઘણા મહિનાઓથી, વિવિધ કેસોમાં ધમકીઓના અહેવાલો સતત સામે આવી રહ્યા છે. અગાઉ, ભારતમાં ઘણી પેસેન્જર ફ્લાઇટ્સને બોમ્બથી ઉડાવી દેવની ધમકીઓ મળી છે. વર્ષ 2024 માં સૌથી વધુ નકલી ધમકીઓ મળી છે. એક સત્તાવાર અહેવાલ મુજબ, દેશમાં નાગરિક ઉડ્ડયન ક્ષેત્ર દ્વારા મળેલા નકલી બોમ્બ ધમકીઓમાં છેલ્લા છ વર્ષમાં રેકોર્ડ 300 ગણો વધારો થયો છે. મોટાભાગની નકલી ધમકીઓ સોશિયલ મીડિયા પ્લેટફોર્મ ‘X’ દ્વારા મોકલવામાં આવી હતીa. એક અહેવાલ મુજબ, ભારતીય ફ્લાઇટ્સને ગયા વર્ષે કુલ 1,019 નકલી બોમ્બ ધમકીઓ મળી હતી, જ્યારે 2018 થી 2023 દરમિયાન આવી 330 ધમકીઓ મળી હતી.

આ પણ વાંચો: CM સિદ્ધારમૈયાની વધુ એક કાર્યવાહી, આ વરિષ્ઠ અધિકારીને કર્યા બરતરફ