Silver Price Crash: સોના-ચાંદીના ભાવમાં આજે પણ કડાકોઃ ચાંદી હવે 2.06 લાખ સસ્તી, સોનું 56000 સસ્તુ

• આજે મલ્ટી-કોમોડિટી એક્સચેન્જ (MCX) પર ચાંદી તેના અગાઉના બંધ ભાવની તુલનામાં લગભગ 4.5 ટકા અથવા ₹11,000 થી વધુ ઘટ્યો હતો

Gold-Silver Price: મિડિલ ઈસ્ટમાં છેલ્લા 24 દિવસથી ચાલી રહેલા યુદ્ધ વચ્ચે અમેરિકી રાષ્ટ્રપ્રમુખ ડોનાલ્ડ ટ્રમ્પ દ્વારા 5 દિવસના સીઝફાયરની જાહેરાત કરવામાં આવતા જ વૈશ્વિક બજારોમાં તેજી જોવા મળી હતી. આ પોઝિટિવ સેન્ટિમેન્ટની અસર આજે ભારતીય શેરબજાર પર પણ જોવા મળી છે. જ્યાં મંગળવારે સેન્સેક્સ અને નિફ્ટી મોટા ઉછાળા સાથે ખુલ્યા હતા.

બુલિયન માર્કેટમાં સોના-ચાંદીના ભાવમાં ગાબડું

એક તરફ શેરબજારમાં હરિયાળી જોવા મળી રહી છે, તો બીજી તરફ બુલિયન માર્કેટ (સોના-ચાંદી) પર દબાણ વધ્યું છે. સુરક્ષિત રોકાણ તરીકે સોનાની માંગ ઘટતા મંગળવારે સોનાના ભાવમાં મોટો કડાકો જોવા મળ્યો છે, જ્યારે ચાંદી પણ ગગડી છે.

સોના અને ચાંદીના ભાવમાં ઘટાડો ચાલુ છે. મંગળવારે મલ્ટી-કોમોડિટી એક્સચેન્જ (MCX) પર ચાંદી તેના અગાઉના બંધ ભાવની તુલનામાં લગભગ 4.5 ટકા અથવા ₹11,000 થી વધુ ઘટ્યો હતો. આ તાજેતરના ઘટાડા પછી 1 કિલો ચાંદીનો ભાવ હવે તેના ઉચ્ચતમ સ્તરથી ₹2.06 લાખથી વધુ નીચે છે.

ચાંદીની જેમ સોનાના ભાવમાં પણ ઘટાડો ચાલુ રહ્યો છે. અઠવાડિયાના બીજા ટ્રેડિંગ દિવસે કિંમતી ધાતુ વધુ સસ્તી થઈ ગઈ છે. સોમવારે તીવ્ર ઘટાડા પછી તે ₹2,500 પ્રતિ 10 ગ્રામથી વધુ સસ્તી થઈ ગઈ છે.

પાછલા ટ્રેડિંગ દિવસે ચાંદી ઝડપથી ઘટીને 2 લાખ રૂપિયા પ્રતિ કિલોગ્રામથી નીચે આવી ગઈ હતી. જોકે આ સ્તર સુધી ઘટ્યા પછી તેમાં સુધારો જોવા મળ્યો અને MCX ચાંદીનો ભાવ 2,25,167 રૂપિયા પર બંધ થયો છે. તે 2,13,562 રૂપિયા પર ખુલ્યો હતો. પરિણામે ચાંદી એક જ ઝટકામાં 11,605 રૂપિયા સસ્તી થઈ ગઈ છે.

ચાંદીના હાઈ લેવલ સાથે તુલના કરીએ તો હજુ ચાંદીનો આ સ્તર કરતા અડધો થઈ ગયો છે. 29 જાન્યુઆરીએ પહેલી વાર વાયદા બજારમાં ચાંદીના ભાવ 4 લાખને પાર થઈ ગયા હતા. જોકે ત્યારપછી ચાંદી ક્રેશ થતી ચાલી ગઈ. અને હાલમાં 2,06,486 કિલોના ભાવે મળી રહી છે.

અમારી WhatsApp ચેનલમાં જોડાવા આ લિંક પર ક્લીક કરો

સોનાના ભાવ આખરે ક્યારે સુધરશે?

સોનાના ભાવની સ્થિતિ ચાંદી જેવી જ છે. જો આપણે MCX Gold Rate પર નજર કરીએ તો 2 એપ્રિલે એક્સપાયર થયેલું સોનું મંગળવારે ખુલતાની સાથે જ તેના પાછલા બંધ ભાવની સરખામણીમાં 2,576 રૂપિયા પ્રતિ 10 ગ્રામ સસ્તું થઈ ગયું છે. સોમવારે તીવ્ર ઘટાડા અને પછી રિકવરી પછી 10 ગ્રામ 24 કેરેટ સોનાનો ભાવ 1,39,260 રૂપિયા પર બંધ થયો અને જ્યારે ટ્રેડિંગ ખુલ્યું ત્યારે તે પણ ઘટીને 1,36,684 રૂપિયા થઈ ગયો. જો આપણે સોનાના ઘટાડાની તુલના તેના ઉચ્ચ સ્તરથી કરીએ, તો તે 29 જાન્યુઆરીએ પ્રતિ 10 ગ્રામ રૂ. 1,93,096 ના ઉચ્ચતમ સ્તરને સ્પર્શી ગયો હતો અને મંગળવારે ઘટાડા પછી, તે હવે પ્રતિ 10 ગ્રામ રૂ. 56,412 સસ્તું ઉપલબ્ધ છે.

સેન્સેક્સમાં 1100 પોઈન્ટની તેજી

સોમવારે 1836 પોઈન્ટના કડાકા સાથે બંધ થયેલું બજાર આજે ગ્રીન ઝોનમાં ખુલ્યું હતું. પ્રી-ઓપનિંગમાં જ સેન્સેક્સ 1800 પોઈન્ટ સુધી ઉછળી ગયો હતો. સવારે 9:54 વાગ્યે જ્યારે બજાર ખુલ્યું ત્યારે સેન્સેક્સ +1157.58 પોઈન્ટની તેજી સાથે ટ્રેડ કરી રહ્યો હતો. જોકે, શરૂઆતની 15 મિનિટમાં સામાન્ય પ્રોફિટ બુકિંગ જોવા મળ્યું હતું અને સેન્સેક્સ 996 પોઈન્ટના વધારા સાથે 73,677.10 પર પહોંચ્યો હતો.

આ પણ વાંચોઃ વૈશ્વિક સંકટ વચ્ચે ભારતની અર્થવ્યવસ્થા ખોરવાઈ, શેરબજારથી લઈને MSME સુધી અસર