ટ્રમ્પ પર હુમલાનો પ્રયાસ? વ્હાઇટ હાઉસ ઘટનાથી દુનિયા ચોંકી ગઈ
Attempted attack on Trump? : અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ સાથે જોડાયેલી એક ચોંકાવનારી ઘટના સામે આવી છે. વોશિંગ્ટન સ્થિત વ્હાઇટ હાઉસમાં યોજાયેલી એક ડિનર પાર્ટી દરમિયાન અચાનક સુરક્ષા વ્યવસ્થામાં ખલેલ સર્જાતા ભારે અફરાતફરી મચી ગઈ હતી. અહેવાલો મુજબ, એક અજાણ્યો વ્યક્તિ સુરક્ષા ઘેરો તોડીને અંદર પ્રવેશવાનો પ્રયાસ કરતો જોવા મળ્યો, જેના કારણે તાત્કાલિક સુરક્ષા દળોએ કાર્યવાહી હાથ ધરી હતી.
“A man charged a security checkpoint armed with multiple weapons, and he was taken down by some very brave members of Secret Service.” – President Donald J. Trump pic.twitter.com/N3UTveVNFM
— The White House (@WhiteHouse) April 26, 2026
ઘટનાના સમયે ડોનાલ્ડ ટ્રમ્પ કેટલાક મહેમાનો અને અધિકારીઓ સાથે ડિનર પાર્ટીમાં હાજર હતા. અચાનક ખતરની સૂચના મળતા જ અમેરિકન સિક્રેટ સર્વિસ સક્રિય થઈ ગઈ અને ટ્રમ્પને તરત જ સુરક્ષિત સ્થળે ખસેડવામાં આવ્યા. સુરક્ષા કર્મચારીઓએ પરિસ્થિતિ પર ઝડપથી નિયંત્રણ મેળવ્યું હતું.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
અમેરિકી અધિકારીઓએ જણાવ્યું કે, ઘટનાની સંપૂર્ણ તપાસ શરૂ કરી દેવામાં આવી છે. હુમલાખોરની ઓળખ, તેની મંજિલ અને પાછળ કોઈ સંગઠન કે વિદેશી કનેક્શન છે કે નહીં તેની તપાસ કરવામાં આવી રહી છે.
આ ઘટના એવા સમયે બની છે જ્યારે અમેરિકા અને ઈરાન વચ્ચે તણાવપૂર્ણ પરિસ્થિતિ ચાલી રહી છે. મધ્ય પૂર્વમાં સતત વધી રહેલા સંઘર્ષને કારણે સુરક્ષા એજન્સીઓ પહેલાથી જ એલર્ટ પર હતી. જેના કારણે આ ઘટનાને આંતરરાષ્ટ્રીય રાજકીય દૃષ્ટિએ પણ ગંભીરતાથી જોવામાં આવી રહી છે.
President Donald J. Trump delivers a statement following a shooter near the White House Correspondents’ Dinner. pic.twitter.com/wOr1SjdfvP
— The White House (@WhiteHouse) April 26, 2026
ટ્રમ્પે ઘટનાના બાદ નિવેદન આપતા કહ્યું કે રાષ્ટ્રપતિ બનવું જોખમી કામ છે, પરંતુ તેઓ આવા પ્રયાસોથી ડરવાના નથી. તેમણે સિક્રેટ સર્વિસ અને સુરક્ષા દળોની પ્રશંસા કરી હતી.
ઘટનાના કારણે ડિનર કાર્યક્રમ તાત્કાલિક રદ કરાયો હતો. હાલમાં સમગ્ર વિસ્તારને સીલ કરીને તપાસ ચાલી રહી છે. આ ઘટનાએ ફરી એકવાર અમેરિકાની સુરક્ષા વ્યવસ્થાને લઈને ચર્ચા શરૂ કરી દીધી છે.
આ પણ વાંચો : કેદારનાથ ધામમાં શ્રદ્ધાળુઓની ભારે ભીડ, અફવાઓનું સત્તાવાર ખંડન
સ્થાનિક સ્વરાજની ચૂંટણી : 10 હજાર સીટ માટે મતદાન શરૂ, રાજકોટમાં જાગૃત મતદારોની લાઈનો લાગી
