કાર ચલાવતી વખતે રીલ બનાવતી યુવતી કાર સાથે ખીણમાં ખાબકી! જુઓ વીડિયો

• મૃત્યુનો વીડિયો મિત્રના કેમેરામાં રેકોર્ડ થઈ ગયો 

મહારાષ્ટ્ર, 18 જૂન: લોકો રીલ બનાવવામાં એટલા મશગૂલ થઈ ગયા છે કે તેઓ રીલ સિવાય કંઈ જોઈ શકતા જ નથી. ઘણા લોકો ફક્ત સોશિયલ મીડિયા પર કેટલાક વ્યુઝ અને લાઇક્સ મેળવવા માટે રીલ બનાવવા માટે પોતાનો જીવ પણ જોખમમાં મૂકે છે. તે જ સમયે, ઘણા લોકો રીલ બનાવતી વખતે અકસ્માતનો ભોગ પણ બને છે. જીવન કરતાં રીલ વધુ મહત્ત્વની છે? ત્યારે મહારાષ્ટ્રના છત્રપતિ સંભાજીનગરમાંથી તાજો મામલો બહાર આવ્યો છે. જ્યાં એક છોકરી માટે રીલ બનાવવી એટલી મોંઘી પડી કે તેણીએ પોતાનો જીવ ગુમાવવો પડ્યો. યુવતી કાર ચલાવતી વખતે રીલ બનાવી રહી હતી ત્યારે તે કાર સાથે ખીણમાં ખાબકી. જેના કારણે તેણીનું મૃત્યુ થઈ ગયું.

बापरे! मागे रिव्हर्स घेत ती #reel शूट करत होती, कार दरीत कोसळली अन् क्षणात होत्याचं नव्हतं झालं. छत्रपती #संभाजीनगर मधील घटना#accident #sambhajinagar #caraccident pic.twitter.com/rn0cSfMyPd

— फटका-Fatka (@MahaFatka) June 17, 2024

રીલ બનાવવાનું પરિણામ રિયલ લાઈફમાં ભોગવવું પડ્યું 

મળતી માહિતી અનુસાર, આ ભયાનક અકસ્માત છત્રપતિ સંભાજીનગર જિલ્લાના દૌલતાબાદ વિસ્તારમાં સુલીભંજન પાસે આવેલા દત્ત મંદિર પાસે થયો હતો. અહીં એક છોકરી કારમાં બેસીને રીલ બનાવી રહી હતી. 23 વર્ષની યુવતીએ હમણાં જ કાર ચલાવતા શીખી હતી. યુવતીનો મિત્ર કાર ચલાવતી વખતે રીલ બનાવી રહ્યો હતો. રીલ બનાવતી વખતે કાર આગળ વધવાને બદલે પાછળની તરફ લઈ ગઈ અને ખીણમાં ખાબકી. કાર ખીણમાં પડતાં યુવતીનું ઘટનાસ્થળે જ મૃત્યુ થઈ ગયું  હતું.

વીડિયો સોશિયલ મીડિયા પર વાયરલ

મૃતક યુવતીનું નામ શ્વેતા દીપક સુરવસે હોવાનું કહેવાય છે. યુવતી અને તેનો મિત્ર શિવરાજ સંજય મુલે બંને કોઈ કામ અર્થે સંભાજીનગરથી દત્ત મંદિર વિસ્તારમાં આવ્યા હતા. આ જગ્યાએ મોબાઈલ પર રીલ બનાવતી વખતે તેણીએ તેના મિત્રને કહ્યું કે, તે પણ કાર ચલાવવા માંગે છે, પરંતુ યુવતીએ અકસ્માતે કારને આગળ લઈ જવાને બદલે રિવર્સ ગિયરમાં મૂકી દીધી અને કાર ખીણમાં ખાબકી ગઈ. આ સમગ્ર ઘટના રીલ બનાવતા તેના મિત્રના મોબાઈલ ફોનમાં કેદ થઈ ગઈ હતી. જે હવે સોશિયલ મીડિયા પર ઝડપથી વાયરલ થઈ રહ્યો છે.

આ પણ જુઓ: પન્નુની હત્યાના કાવતરાના કેસમાં ભારતીય નાગરિક US કોર્ટમાં હાજર, જાણો શું-શું થયું