રેપર બાદશાહની નવી પોસ્ટે ઇન્ટરનેટ પર ધૂમ મચાવી, લખ્યું- ‘હું પાછો આવીશ…’
- બાદશાહ અવારનવાર પોતાના ગીતોને કારણે રહે છે ચર્ચામાં
- હાલમાં બાદશાહ પોતાની એક પોસ્ટને કારણે આવ્યો ચર્ચામાં, શું છે પોસ્ટ…
મુંબઈ, 16 જૂન: રેપર બાદશાહે દુનિયાભરમાં ઘણું નામ કમાવ્યું છે. આટલું જ નહીં, તેઓ મ્યુઝિક ઈન્ડસ્ટ્રીમાં રેપિંગ ગીતોને એક નવા સ્તરે પહોંચાડ્યા છે. બાદશાહ અવારનવાર પોતાના ગીતોને કારણે ચર્ચામાં રહે છે. જો કે બાદશાહ અત્યારે ચર્ચામાં છે તેનું કારણ તેમની એક પોસ્ટ છે. વાસ્તવમાં, તાજેતરમાં જ બાદશાહને ટેક્સાસના ડલાસમાં કેટલાક કારણોસર પોતાનો શો અધવચ્ચે બંધ કરવો પડ્યો હતો. આ બધાની વચ્ચે બાદશાહની લેટેસ્ટ પોસ્ટ સોશિયલ મીડિયા પર વાયરલ થઈ છે, જેમાં તે ફેન્સની માફી માંગી રહ્યો છે. આ સાથે બાદશાહે ડલાસ કોન્સર્ટ અધવચ્ચે અટકાવવાનું કારણ પણ જાહેર કર્યું છે. ચાલો જાણીએ પુરી વાત.
બાદશાહે પોસ્ટમાં લખી પોતાના દિલની વાત
બાદશાહે ડલાસ કોન્સર્ટ અધવચ્ચે જ રોકવાનું કારણ જણાવ્યું અને કહ્યું- ‘ડલાસ, આજે જે બન્યું તેના કારણે હું સંપૂર્ણ રીતે દિલગીર અને નિરાશ છું. પ્રમોટર્સે દરેક વસ્તુનું યોગ્ય રીતે ધ્યાન રાખવું જોઈએ, ખાસ કરીને મોટા શો માટે કારણ કે ટુરમાં ઘણી મહેનત કરવી પડે છે. જેઓ તેમની મહેનતના પૈસાથી ટિકિટ ખરીદે છે અને ટુર માટે તેમની તમામ મહેનત લગાવનાર ક્રૂ માટે પણ તે ખોટું છે. અમે અઠવાડિયાઓ સુધી રિહર્સલ કરીએ છીએ, મહિનાઓ માટે પ્લાન કરીએ છીએ અને શ્રેષ્ઠ અનુભવ મેળવવા માટે ખૂબ જ મુસાફરી કરીએ છીએ. સંગીત ઉદ્યોગમાં સન્માન હોવું જોઈએ. ક્રૂ અને ચાહકોનું એક કલાકાર જેટલું જ સન્માન હોવું જોઈએ.
ચાહકોને આપ્યું આ વચન
આ સિવાય બાદશાહે પોતાની પોસ્ટમાં ચાહકોની માફી પણ માંગી હતી – ‘મેનેજમેંટ ટીમે બધું ઠીક કરવાનો પ્રયાસ કર્યો હતો, પરંતુ તે થઈ શક્યું નહીં…’ બાદશાહે તેના ચાહકોને આગળ કહ્યું – ‘હું વચન આપું છું કે હું હવે પાછો આવીશ અને હવે મોટી બેટલ અને હિંમત સાથે.’ બાદશાહની આ પોસ્ટે સોશિયલ મીડિયા પર ધૂમ મચાવી દીધી છે.
અહીં જૂઓ બાદશાહની પોસ્ટ:
View this post on Instagram
આ પણ વાંચો: ચિરાગ પાસવાનની દિવાની થઈ આ ભોજપુરી અભિનેત્રી, જાહેરમાં કર્યો પ્રેમનો એકરાર
