લો બોલો! પત્નીએ પતિના અંતિમ સંસ્કાર પર શોક મનાવવાના બદલે વૈભવી પાર્ટી આપી

• 500 લોકોને આમંત્રણ આપીને ભેટોનું વિતરણ કરવામાં આવ્યું 

એરિઝોના, 8 જુન: અમેરિકાના એરિઝોનામાં આવેલા ફિનિક્સ(Phoenix)માં એક પત્નીએ તેના પતિના મૃત્યુ બાદ બિનપરંપરાગત અંતિમ સંસ્કારરાખવાની ઘટના વાયરલ થઈ રહી છે. કેટી યંગ(Katie Young) નામની આ મહિલાના 39 વર્ષીય પતિ બ્રાન્ડોન(Brandon)નું 17 મેના રોજ સ્ટ્રોકથી અવસાન થયું હતું. જેથી કેટી યંગે તેના સ્વર્ગસ્થ પતિ બ્રાન્ડનની યાદમાં ફ્યુનરલ તરીકે વૈભવી પાર્ટીનું આયોજન કર્યું હતું, જેમાં તેણીએ મહેમાનોને ભેટો(રિટર્ન ગિફ્ટ)નું વિતરણ કર્યું હતું અને 500 લોકોને આમંત્રણ આપ્યું હતું. આ પાર્ટીમાં ઘણી પ્રવૃત્તિઓ જેવી કે સંગીત અને છોકરાઓ માટે રમત-ગમતની પ્રવૃતિઓને સામેલ કરવામાં આવી હતી. તેણીના TikTok વીડિયોએ ઘણા ઓનલાઈન લોકોનું ધ્યાન ખેંચ્યું હતું. કેટી યંગ 2007માં બ્રાન્ડોનને મળી અને 2008માં લગ્ન કર્યાં હતા.

જ્યારે પણ આપણા જીવનમાં કોઈ ખાસ વ્યક્તિનું મૃત્યુ થાય છે, ત્યારે આ દુઃખને સ્વીકારવામાં આપણને ઘણા મહિનાઓ અને ક્યારેક વર્ષો લાગે છે. કોઈ પ્રિય વ્યક્તિનું આ દુનિયા છોડીને જવાનું દુઃખ એટલું મુશ્કેલ હોય છે કે કોઈ તેને સરળતાથી સ્વીકારી શકતું નથી. ખાસ કરીને જો કોઈ વ્યક્તિ સાથેનો સંબંધ ખૂબ જ ગાઢ બની ગયો હોય, તો તે વધુ પીડાદાયક બની જાય છે. જો કોઈના જીવનસાથીનું મૃત્યુ થાય છે, તો તે જાણે છે કે કોઈની દુનિયા નાશ પામી છે.

એરિઝોનાની મહિલાએ સ્વર્ગસ્થ પતિ માટે અંતિમ સંસ્કાર પર પાર્ટી આપી 

40 વર્ષીય કેટી યંગે સાઉથ વેસ્ટ ન્યૂઝ સર્વિસને કહ્યું હતું કે, ‘હું નહોતી ઇચ્છતી હતી કે મારા 8, 10 અને 12 વર્ષના ત્રણેય બાળકો તેમના પિતાના અંતિમ સંસ્કારથી આઘાત પામે. તેના બદલે, હું ઇચ્છતી હતી કે તેઓ તે ઘટના જુએ અને તેમના પિતાને યાદ કરે. જ્યારે પણ મેં બ્રાન્ડોન માટે પરંપરાગત અંતિમ સંસ્કારનું આયોજન કરવાનું વિચાર્યું, ત્યારે હું બીમાર થઈ ગઈ. હું ચર્ચમાં બેસીને ભાષણો દ્વારા રડવાની કલ્પના પણ કરી શકતી ન હતી. તે મારા બાળકો માટે પીડા હોત અને મારા માટે અસહ્ય. હું બ્રાન્ડેનને આ રીતે દુઃખી થઈને યાદ રાખવા માંગતી ન હતી.

કેટી યંગે ન્યૂઝવીકને કહ્યું હતું કે, ‘બ્રાન્ડેન પાસે એક વિશાળ સંગીત રેકોર્ડ સંગ્રહ હતો જે તેને લોકો સાથે શેર કરવાનું પસંદ હતું, અને તેથી અમે લોકોને તેનો સંગ્રહ બતાવ્યો જેથી તેઓ તેમની સાથે તેની યાદો ઘરે લઈ જઈ શકે.’ યંગે સુનિશ્ચિત કરવા માંગતી હતી કે, બ્રાન્ડેનની વિદાય એક એવી પાર્ટી હતી જેમાં તેની દુ:ખી થવાને બદલે ખુશ થવાનું પસંદ કરશે. યંગે કહ્યું કે, આ તેની પ્રિય જગ્યા હતી… અમારું ઘર… પાર્ટીમાં એવું લાગ્યું કે તે ત્યાં જ છે.”

આ પણ જુઓ: મીડિયા અને મનોરંજન ક્ષેત્રના દિગ્ગજ રામોજી રાવનું નિધન, PM મોદીએ પાઠવી શ્રદ્ધાંજલિ