મિઝોરમ વિધાનસભાની 40 બેઠકો માટે મતગણતરી શરૂ, ત્રિકોણીય જંગ

• ઝોરમ પીપલ્સ મૂવમેન્ટ 19, મિઝો નેશનલ ફ્રન્ટ 10, કોંગ્રેસ 5 અને ભાજપ 1 બેઠક પર આગળ

આઈઝોલ, 4 ડિસેમ્બર : ચાર રાજ્યો રાજસ્થાન, મધ્યપ્રદેશ, છત્તીસગઢ અને તેલંગાણા બાદ હવે મિઝોરમ વિધાનસભા ચૂંટણી માટે મતગણતરીનો વારો છે. મિઝોરમ વિધાનસભા ચૂંટણીની તમામ 40 બેઠકો માટે મતગણતરી શરૂ થઈ ગઈ છે. જેમાં શરૂઆતના તબક્કામાં સવારે 9 વાગ્યા સુધી ઝોરમ પીપલ્સ મૂવમેન્ટ (ZPM) 19, મિઝો નેશનલ ફ્રન્ટ (MNF) 10, કોંગ્રેસ 5 અને ભાજપ 1 બેઠક પર આગળ જોવા મળી છે. રાજ્યમાં ઉભા કરાયેલા 13 મતગણતરી કેન્દ્રો પર મત ગણતરી ચાલી રહી છે. તેમાંથી, 3 મતગણતરી કેન્દ્રો રાજધાની આઈઝોલમાં છે, બાકીના 10 અન્ય એસેમ્બલીઓમાં છે.

#WATCH आइज़ोल: मिज़ोरम विधानसभा चुनाव के लिए मतगणना जारी है। वीडियो आइज़ोल गवर्नमेंट कॉलेज से है। pic.twitter.com/STkTwDoweX

— ANI_HindiNews (@AHindinews) December 4, 2023

મિઝોરમ વિધાનસભા માટે 7 નવેમ્બરે મતદાન થયું હતું. જેમાં 18 મહિલાઓ સહિત કુલ 174 ઉમેદવારો મેદાનમાં ઉતાર્યા હતા. રાજ્યના 8.57 લાખ મતદારોમાંથી 80 ટકાથી વધુ મતદારોએ તેમના મતાધિકારનો ઉપયોગ કર્યો હતો.  2018માં 84.9 ટકા મતદાન નોંધાયું હતું જ્યારે આ વર્ષે રાજ્યમાં 80.66 ટકા મતદાન થયું છે જે 2018 કરતાં 4 ટકા ઓછું છે. અગાઉ મિઝોરમમાં મતગણતરી 3 ડિસેમ્બરે થવાની હતી, પરંતુ રાજકીય પક્ષો, NGO, વિદ્યાર્થી સંગઠનો અને ચર્ચની અપીલ બાદ ચૂંટણી પંચે તેની તારીખ બદલીને 4 ડિસેમ્બર કરી દીધી, કારણ કે ત્યાંના લોકો માટે રવિવારનું વિશેષ મહત્વ હતું. ખ્રિસ્તી પ્રભુત્વ ધરાવતું રાજ્ય છે.

#WATCH आइज़ोल: मिज़ोरम विधानसभा चुनाव के लिए मतगणना शुरू हुई। ईवीएम और बैलेट बॉक्स को स्ट्रांग रूम से मतगणना हॉल में ले जाया गया। pic.twitter.com/udaRlXU3Fk

— ANI_HindiNews (@AHindinews) December 4, 2023

મિઝોરમમાં પક્ષોનો ત્રિકોણીય મુકાબલો

મિઝોરમમાં મતગણતરી માટે કડક સુરક્ષા વ્યવસ્થા કરવામાં આવી છે. આ વખતે મિઝો નેશનલ ફ્રન્ટ (MNF), જોરમ પીપલ્સ મૂવમેન્ટ (ZPM) અને કોંગ્રેસ વચ્ચે ત્રિકોણીય મુકાબલો છે. મિઝોરમમાં MNF, ZPM અને કોંગ્રેસે 40-40 બેઠકો પર ચૂંટણી લડી હતી, જ્યારે ભાજપે 13 બેઠકો પર ઉમેદવારો ઊભા રાખ્યા હતા. મિઝોરમમાં પહેલીવાર વિધાનસભા ચૂંટણી લડનાર આમ આદમી પાર્ટી (AAP) ચાર સીટો પર ચૂંટણી લડી હતી. આ ઉપરાંત 17 અપક્ષ ઉમેદવારોના ભાવિનો પણ ફેંસલો થવાનો છે. મિઝોરમની કુલ 40 વિધાનસભા બેઠકોમાંથી 1 બેઠક સામાન્ય શ્રેણી માટે અને 39 બેઠકો ST (અનુસૂચિત જનજાતિ) માટે અનામત છે. અહીં સરકાર બનાવવા માટે બહુમતનો આંકડો 21 છે.

#WATCH मिज़ोरम: मिज़ोरम विधानसभा चुनाव के लिए मतगणना शुरू हुई। वीडियो सेरछिप के एक मतगणना केंद्र से है। pic.twitter.com/VlTXyzmWkC

— ANI_HindiNews (@AHindinews) December 4, 2023

મિઝોરમ ચૂંટણી 2018માં શું થયું?

મિઝો નેશનલ ફ્રન્ટ (MNF) એ 2018ની મિઝોરમ વિધાનસભા ચૂંટણીમાં જીત મેળવી હતી. તેણે 26 બેઠકો જીતી અને અસરકારક રીતે વર્તમાન કોંગ્રેસ પાર્ટીને સત્તામાંથી બહાર કરી દીધી. એક વર્ષ પહેલા રચાયેલી ZPM 8 બેઠકો સાથે બીજા ક્રમે રહી હતી. મિઝોરમમાં એક સમયે શાસન કરી રહેલી કોંગ્રેસ પાર્ટીને માત્ર 5 બેઠકો મળી હતી. ભાજપે ખ્રિસ્તી બહુમતી ધરાવતા રાજ્યમાં એક બેઠક જીતીને તેની શરૂઆત કરી હતી.

આ પણ જાણો :3 રાજ્યોમાં જીત બાદ હવે કોણ બનશે મુખ્યમંત્રી ? જાણો સમીકરણ