રાજસ્થાન ચૂંટણી પરિણામ 2023: અશોક ગેહલોતે રાજ્યપાલને રાજીનામું આપ્યું
રાજસ્થાન વિધાનસભા ચૂંટણીના પરિણામો બાદ સ્પષ્ટ થઈ ગયું છે કે આ વખતે પણ રાજ્યની પરંપરા અકબંધ રહી. ભારતીય જનતા પાર્ટીએ જંગી જીત હાંસલ કરી છે. હવે સીએમ અશોક ગેહલોતે પોતાનું રાજીનામું રાજ્યપાલ કલરાજ મિશ્રાને સોંપી દીધું છે.
Jaipur: Rajasthan CM Ashok Gehlot tenders his resignation to Governor Kalraj Mishra
BJP won 104 seats and is currently leading on 11 seats.
(Source: Raj Bhawan)
#RajasthanElection2023 pic.twitter.com/uhRzUWX880
— ANI (@ANI) December 3, 2023
ગેહલોતે સીએમ પદ પરથી રાજીનામું આપી દીધું
વિધાનસભા ચૂંટણીમાં કોંગ્રેસની હાર બાદ હવે સીએમ અશોક ગેહલોતે રાજીનામું આપી દીધું છે. CM લગભગ 6.15 વાગે રાજભવન પહોંચ્યા. ત્યાં સીએમ ગેહલોતે રાજ્યપાલ કલરાજ મિશ્રાને પોતાનું રાજીનામું સોંપ્યું. દરમિયાન, નવી સરકારની રચનાને લઈને ભાજપમાં પ્રયાસો તેજ થયા છે, ભાજપ ટૂંક સમયમાં દિલ્હીથી તેના નિરીક્ષકોને જયપુર મોકલશે.
વડાપ્રધાન નરેન્દ્ર મોદીએ ત્રણ રાજ્યમાં ભાજપની જીત બદલ નાગરિકોનો આભાર માન્યો
ભાજપ સ્પષ્ટ બહુમતી સાથે સત્તામાં પરત ફર્યું
રાજસ્થાનમાં ભાજપ સ્પષ્ટ બહુમતી સાથે સત્તામાં પરત ફરી રહ્યું છે. આ પછી સીએમ ચહેરાને લઈને કવાયત શરૂ થઈ ગઈ છે. આવતીકાલે સાંજે અથવા પરમ દિવસે ધારાસભ્ય દળની બેઠક મળી શકે છે. હવે ધારાસભ્ય દળની બેઠકનો સમય નક્કી કરવાની તૈયારીઓ ચાલી રહી છે. સીએમની પસંદગી માટે ભાજપ હાઈકમાન્ડ નિરીક્ષકોને જયપુર મોકલશે. ત્યારપછી ધારાસભ્યોના અભિપ્રાયના આધારે સંસદીય બોર્ડ સીએમનું નામ નક્કી કરશે.
