યમન એરપોર્ટ પર માંડ બચેલા WHO ચીફે ઈઝરાયેલના હુમલાનો વીડિયો કર્યો જાહેર, જાણો શું કહ્યું

યમન, 29 ડિસેમ્બર : WHO (વર્લ્ડ હેલ્થ ઓર્ગેનાઈઝેશન) ના વડા ટેડ્રોસ અધાનમ ઘેબ્રેયસસે શનિવારે દાવો કર્યો હતો કે તેઓ યમનની હુતી વિદ્રોહી-નિયંત્રિત રાજધાની સનાના એરપોર્ટ પર ઈઝરાયેલના હવાઈ હુમલામાં બચી ગયા હતા. WHO ચીફ ટેડ્રોસે બીબીસી રેડિયો સાથેની વાતચીત દરમિયાન કહ્યું કે ગુરુવારે થયેલા હુમલાનો અવાજ હજુ પણ તેમના કાનમાં ગુંજી રહ્યો છે.

WHO ચીફે કહ્યું કે તે સના એરપોર્ટ પર ફ્લાઇટની રાહ જોઈ રહ્યા હતા. તેમણે એમ પણ કહ્યું કે આંતરરાષ્ટ્રીય કાયદા હેઠળ નાગરિકોની સુરક્ષા માટેની જોગવાઈઓનું સન્માન કરવું જોઈએ. મહત્વનું છે કે, ગુરુવારે ઈઝરાયેલે સનાના ઈન્ટરનેશનલ એરપોર્ટ અને અન્ય સ્થળોને નિશાન બનાવ્યા હતા. આ હુમલાઓ અંગે ઈઝરાયેલે કહ્યું હતું કે તેઓ બળવાખોરોને નિશાન બનાવી રહ્યા છે. આ હુમલો 19 ડિસેમ્બર પછી બીજી વખત થયો હતો, જ્યારે ઇઝરાયેલે યમનમાં હુથી બળવાખોરોની જગ્યાઓને નિશાન બનાવી હતી.

Thank you to all my friends, colleagues, and everyone who has wished me well during the ordeal in the past few days.

I’m especially grateful to the colleagues and airport staff, who were selfless as they tried to protect me.

We faced a very dangerous attack, but my @UN… pic.twitter.com/hGsA8J9XCI

— Tedros Adhanom Ghebreyesus (@DrTedros) December 28, 2024

WHOના ચીફે શું કહ્યું?

આ હુમલાનો ઉલ્લેખ કરતાં WHO ચીફ ટેડ્રોસે કહ્યું કે અવાજ એટલો જોરદાર હતો કે તે સુન્ન થઈ ગયો હતો. તેણે કહ્યું કે વિસ્ફોટ એટલો ભયંકર હતો કે હું તેનું વર્ણન કરી શકાતું નથી. તેણે કહ્યું કે એક પછી એક અનેક વિસ્ફોટ થયા જેણે તેને હચમચાવી નાંખ્યા હતા. તેણે કહ્યું કે લોકો અહીં-ત્યાં દોડી રહ્યા હતા અને ત્યાં કોઈ સુરક્ષા નહોતી, અમે સંપૂર્ણ રીતે ડરી ગયા હતા. જો મિસાઈલ સહેજ પણ ખસી ગઈ હોત તો અમારો જીવ લઈ શકત. મારા સાથીદારે કહ્યું કે અમે મોતથી બચી ગયા હતા.

દરમિયાન, હુથી વિદ્રોહી જૂથના નાયબ પરિવહન પ્રધાન, યાહ્યા અલ-સાયનીએ કહ્યું કે હુમલામાં ચાર લોકો માર્યા ગયા અને 20 ઘાયલ થયા હતા. WHO ચીફ ટેડ્રોસે ટ્વિટર પર હુમલાનો વિડિયો શેર કર્યો અને સાથીદારો અને એરપોર્ટ સ્ટાફનો આભાર માન્યો જેમણે ખૂબ જ ખતરનાક હુમલા દરમિયાન તેને બચાવવાનો પ્રયાસ કર્યો હતો. તેણે એમ પણ કહ્યું કે તે અને તેની ટીમ સુરક્ષિત રીતે જોર્ડન પહોંચી ગઈ છે.

આ પણ વાંચો :- Video : દક્ષિણ કોરિયામાં મોટી દુર્ઘટના, 181 લોકોને લઈને જતું પ્લેન ક્રેશ, 28ના મૃત્યુ