મેષ સંક્રાંતિથી હવે પૂરા થશે કમુરતા, શું છે દાન-સ્નાનનું મહત્ત્વ?

• મેષ સંક્રાંતિ પર કમૂરતા સમાપ્ત થાય છે અને તમામ શુભ કાર્યોની શરૂઆત કરી શકાય છે. એવું માનવામાં આવે છે કે જે લોકો મેષ સંક્રાંતિ પર સૂર્યની ઉપાસના કરે છે તેમને કરિયરમાં ઉચ્ચ પદ, પૈસા અને પ્રગતિ મળે છે. જાણો ક્યારે છે મેષ સંક્રાંતિ?

મેષ સંક્રાંતિને હિન્દુ નવા વર્ષની પ્રથમ સંક્રાંતિ માનવામાં આવે છે.આ દિવસે સૂર્ય તેની ઉચ્ચ રાશિ મેષમાં પ્રવેશ કરે છે. સોલર કેલેન્ડર માનનારા લોકો આ દિવસને નવવર્ષની શરૂઆતના રૂપમાં ઉજવે છે. મેષ સંક્રાંતિ પર કમૂરતા સમાપ્ત થાય છે અને તમામ શુભ કાર્યોની શરૂઆત કરી શકાય છે. એવું માનવામાં આવે છે કે જે લોકો મેષ સંક્રાંતિ પર સૂર્યની ઉપાસના કરે છે તેમને કરિયરમાં ઉચ્ચ પદ, પૈસા અને પ્રગતિ મળે છે. 2024માં મેષ સંક્રાંતિ ક્યારે છે તે જાણો. સ્નાન અને દાનનું મુહૂર્ત પણ જાણો.

આ છે મેષ સંક્રાંતિ 2024ની તારીખ

મેષ સંક્રાંતિ 13 એપ્રિલ 2024ના રોજ છે. આ દિવસે સૂર્ય મેષ રાશિમાં ગોચર કરશે. આ દિવસે શીખ ધર્મના લોકો બૈસાખી ઉજવે છે. સંક્રાંતિને ધાર્મિક ગ્રંથોમાં તહેવાર કહેવામાં આવે છે. સંક્રાંતિ પર ગંગા સ્નાન કરવાથી પૂર્વ જન્મના પાપોમાંથી મુક્તિ મળે છે.

મેષ સંક્રાંતિ 2024 મુહૂર્ત

પંચાંગ અનુસાર, મેષ સંક્રાંતિ પર, 13 એપ્રિલે, પુણ્યકાળ બપોરે 12.22 વાગ્યે શરૂ થશે અને 06.46 વાગ્યે સમાપ્ત થશે. જ્યારે મહા પુણ્યકાળ બપોરે 04.38 થી 06.46 સુધી રહેશે. આ અવસર પર ભગવાન સૂર્યની વિશેષ પૂજા કરવી જોઈએ. આ દિવસે કરવામાં આવેલ શુભ કાર્ય અનેક ગણું ફળ આપે છે. જેનો ક્યારેય ક્ષય થતો નથી.

મેષ સંક્રાંતિની મુહૂર્ત – રાત્રે 09.15 કલાકે (આ સમયે સૂર્ય મેષ રાશિમાં પ્રવેશ કરશે)

મેષ સંક્રાંતિ પછી શુભ કાર્યોની શરૂઆત

સૂર્ય મીન રાશિમાં હોવાને કારણે છેલ્લા એક મહિનાથી ચાલી રહેલા કમૂરતા મેષ સંક્રાંતિ પર સમાપ્ત થાય છે. મીન સંક્રાંતિથી કમૂરતાના કારણે શુભ કાર્યો પર લાગેલો પ્રતિબંધ હવે દૂર થાય છે અને શુભ કાર્યોની શરૂઆત થાય છે. આ વખતે કમૂરતા 13 એપ્રિલથી સમાપ્ત થશે અને લગ્નનો સમયગાળો શરૂ થઈ જશે. કમૂરતા સમાપ્ત થતા ગૃહ પ્રવેશ, મુંડન, જનોઈ સંસ્કાર, સગાઈ, લગ્ન વગેરે જેવા શુભ કાર્યો કરી શકાય છે.

આ પણ વાંચોઃચૈત્ર નવરાત્રિમાં માંગલિક કાર્ય, વાહન અને સોનાની ખરીદી માટે આ દિવસો છે શુભ