- હોમ લોન, પર્સનલ લોન, ઓટો અને ગોલ્ડ લોન પર વ્યાજ વસૂલવા માટે મોટાભાગની બેંકો દ્વારા રિડ્યુસિંગ બેલેન્સ પદ્ધતિ ઉપયોગમાં લેવાય છે
HD ન્યૂઝ ડેસ્ક, 29 એપ્રિલ: કેટલીકવાર ગ્રાહકો માટે લોન પર વસૂલવામાં આવતા વ્યાજને સમજવું ખૂબ મુશ્કેલ બની જાય છે કે બેંક લોનની રકમ પર કેવી રીતે વ્યાજ વસૂલ કરવામાં આવે છે. આજે આ અહેવાલ દ્વારા તેમને હોમ લોન, પર્સનલ લોન, ઓટો અને ગોલ્ડ લોન પર વ્યાજ વસૂલવા માટે મોટાભાગની બેંકો દ્વારા ઉપયોગમાં લેવાતી રિડ્યુસિંગ બેલેન્સ પદ્ધતિને શું છે તે જણાવીશું.
રિડ્યુસિંગ બેલેન્સ પદ્ધતિ શું છે?
રિડ્યુસિંગ બેલેન્સ હેઠળ, દરેક હપ્તાની ચુકવણી પછી તમારી બાકીની મૂળ રકમ((principal amount) પર વ્યાજ વસૂલવામાં આવે છે. તેનો સૌથી મોટો ફાયદો એ છે કે તમે જેમ જેમ લોન ચૂકવતા રહેશો તેમ તેમ તમારી લોનની રકમ ઓછી થતી જાય છે અને તેથી તમારે ઓછું વ્યાજ ચૂકવવું પડે છે.
ઉદાહરણ તરીકે, જો તમે 10 લાખ રૂપિયાની લોન લીધી હોય અને તમે તેના પર દર મહિને 10,000 રૂપિયાની EMI ચૂકવો છો અને મહિને દર મહિને હપ્તો ચૂકવવાની સાથે-સાથે તમારી લોનની રકમ પણ ઓછી થઈ જશે અને તમારે ઓછું વ્યાજ ચૂકવવું પડશે.
રિડ્યુસિંગ બેલેન્સના ફાયદા
- ઓછું વ્યાજ: તેનો શ્રેષ્ઠ ફાયદો એ છે કે લોનની ચુકવણી સાથે મૂળ રકમ ઘટતી હોવાથી, તમારે લાંબાગાળે ઓછું વ્યાજ ચૂકવવું પડશે.
- સમયસર ચુકવણી: આમાં, વ્યાજની ગણતરી મૂળ રકમના આધારે કરવામાં આવે છે. જેને કારણે લોન લેનારો વ્યક્તિ પણ સમયસર હપ્તા ભરવા માટે પ્રોત્સાહિત થાય છે.
- પારદર્શિતા: રિડ્યુસિંગ બેલેન્સમાં, જેમ જેમ હપ્તાની ચૂકવણી કરવામાં આવે છે, તેમ તેમ મૂળ રકમ ઓછી થતી જય છે અને ઓછું વ્યાજ ચૂકવવું પડે છે. આ કારણોસર રિડ્યુસિંગ બેલેન્સ પદ્ધતિને લોનની પારદર્શક પદ્ધતિઓમાંની એક ગણવામાં આવે છે.
આ પણ જુઓ: કોટક મહિન્દ્રા બેંક પર લાદવામાં આવ્યા આ નિયંત્રણો, ગ્રાહકો પર શું થશે અસર? જાણો
