VIDEO : કુલતાલી નકલી સોનાનો કેસ, બંગાળ પોલીસે આરોપીના ઘરમાંથી બાંગ્લાદેશ તરફ જતી ટનલ શોધી કાઢી

• આરોપીએ નકલી સોનાની મૂર્તિઓ વેચીને ઘણા લોકોને છેતર્યા હતા
• આરોપીની ધરપકડ કરવા ગયેલ પોલીસ ટિમ પર કરાયો હતો હુમલો
• પોલીસને તપાસ દરમિયાન આરોપીના ઘરમાંથી 40 મીટર લાંબી કોન્ક્રીટ ટનલ મળી આવી

કોલકાતા, 19 જુલાઈ : પશ્ચિમ બંગાળ પોલીસે કુલતાલી નકલી સોનાની મૂર્તિ કેસના મુખ્ય આરોપી સદ્દામ સરદારના ઘરની નીચે એક ગુપ્ત સુરંગ શોધી કાઢી છે. 40-મીટર લાંબી કોન્ક્રીટ ટનલ સુંદરવનમાં માટલા નદીમાં વહેતી નહેરને જોડે છે જેની બહાર ભારત-બાંગ્લાદેશ આંતરરાષ્ટ્રીય સરહદ આવેલી છે. પોલીસે કહ્યું કે આરોપીએ 15 જુલાઈ સોમવારે પશ્ચિમ બંગાળના દક્ષિણ 24 પરગણા જિલ્લામાં કુલતાલીમાં તેના ઘર પર દરોડો પાડ્યો ત્યારે આરોપીએ ભાગી જવાના માર્ગ તરીકે આ ટનલનો ઉપયોગ કર્યો હતો. ઉલ્લેખનીય છે કે, 15 જુલાઈના રોજ સદ્દામના પરિવારના સભ્યો અને ગ્રામજનો દ્વારા પોલીસ પર હુમલો કરવામાં આવ્યો હતો જ્યારે તેઓ તેની ધરપકડ કરવા ગયા હતા.

નકલી સોનાની મૂર્તિઓ વેચીને ઘણા લોકોને છેતર્યા

15 જુલાઈના રોજ, પશ્ચિમ બંગાળ પોલીસે સદ્દામ સરદાર અને તેના ભાઈ સૈરુલ વિરુદ્ધ મળેલી ફરિયાદો પર કાર્યવાહી કરી. તેમના પર આરોપ છે કે તેઓ સોશિયલ મીડિયા પર નકલી સોનાની મૂર્તિઓ વેચીને ઘણા લોકોને છેતરતા હતા અને લોકો પાસેથી પૈસા પણ લેતા હતા અને તેમને વસ્તુઓ ન પહોંચાડતા હતા. બરુઇપુર પોલીસ જિલ્લાના એક અધિકારીએ જણાવ્યું હતું કે, “સદ્દામ અને તેનો ભાઈ સૈરુલ બહુવિધ કેસોમાં આરોપી છે, અને એવી શંકા છે કે જો પોલીસ તેના ઘર પર દરોડો પાડશે તો બચવાના માર્ગ તરીકે કામ કરવા માટે તેના ઘરમાં સુરંગ બનાવવામાં આવી હતી.”

પોલીસ ટિમ પર ટોળાએ હુમલો કર્યો

સોમવારે પોલીસે સદ્દામના ઘરે દરોડો પાડીને તેની ધરપકડ કરી હતી. તેની એક કેસના સંબંધમાં ધરપકડ કરવામાં આવી હતી જેમાં તેણે નાદિયા જિલ્લાના એક વ્યક્તિને રૂ. 12 લાખની કિંમતની નકલી સોનાની મૂર્તિ વેચીને છેતરપિંડી કરી હતી. બાદમાં જ્યારે પોલીસ સદ્દામને લઈ જઈ રહી હતી ત્યારે મહિલા અને તેના ભાઈ સહિત તેના પરિવારના સભ્યોએ પોલીસ સાથે ઝપાઝપી કરી હતી. પોલીસ ટીમ પર હુમલો કરવામાં એક ટોળું પણ તેમની સાથે જોડાયું અને સદ્દામને ભાગી જવાની સુવિધા આપી. અહેવાલ મુજબ, સરદારના ભાઈએ પોલીસને ડરાવવા માટે હવામાં અનેક રાઉન્ડ ફાયરિંગ પણ કર્યું હતું.

આ પણ વાંચો : કાશ્મીરના ડોડામાં આતંકીઑને ઘણા દિવસોથી આશરો આપનાર મદદગાર પકડાયો, પાક. કનેક્શન

હુમલામાં ત્રણ પોલીસ અધિકારીઓ ઘાયલ થયા

હુમલામાં ઓછામાં ઓછા ત્રણ પોલીસ અધિકારીઓ ઘાયલ થયા છે. સરદાર અને તેનો ભાઈ સૈરુલ નાસી છૂટવામાં સફળ રહ્યા હતા અને હાલમાં તેઓ ફરાર છે. પોલીસે આ દરમિયાન હુમલાના સંબંધમાં સદ્દામની પત્ની મસુદા અને સૈરુલની પત્ની રાબિયાની ધરપકડ કરી છે. સદ્દામના ઘરની તપાસ કરવા માટે મોટી પોલીસ ટુકડી ગામમાં પરત આવી. જ્યારે પોલીસે આરોપીના ઘરની નીચે ગુપ્ત સુરંગ શોધી કાઢી હતી.

ઓરડામાં એક ખાટલો હતો, જેની નીચે સુરંગ હતી

આછા લીલા, વાદળી અને જાંબુડિયા રંગમાં દોરવામાં આવેલા એક માળના ઘરનો બાહ્ય ભાગ ખૂબ જ સામાન્ય અને વિસ્તારના અન્ય ઘરોની જેમ દેખાય છે. પરંતુ જ્યારે પોલીસે ઘરમાં પ્રવેશ કર્યો ત્યારે તેમને એક અંડરગ્રાઉન્ડ રૂમ મળ્યો. ઓરડામાં એક ખાટલો હતો, જેની નીચે એક સુરંગ હતી. પોલીસના જણાવ્યા અનુસાર કોંક્રિટ અને ઈંટની ટનલ ઓછામાં ઓછી આઠથી 10 ફૂટ ઊંડી હતી. તેની ઊંચાઈ ઓછામાં ઓછી પાંચથી છ ફૂટ, પહોળાઈ ચારથી પાંચ ફૂટ અને લંબાઈ વીસથી ત્રીસ ફૂટ હતી. તેમાં એક નાનો લોખંડનો જાળીવાળો દરવાજો પણ હતો. ટનલમાં પાણી કમરથી ઊંડું હતું. રૂમની અંદર ટનલનું બાકોરું માંડ બે કે ત્રણ ફૂટ પહોળું હતું.

આ પણ વાંચો : બદ્રી કે કેદારનાથ ધામના નામે ટ્રસ્ટ બનાવનાર સામે થશે કડક કાર્યવાહી