વાઈસ એડમિરલ દિનેશ કુમાર ત્રિપાઠી નૌકાદળના આગામી વડા તરીકે નિયુક્ત

નવી દિલ્હી, 19 એપ્રિલઃ  ભારત સરકારે વાઈસ એડમિરલ દિનેશ કુમાર ત્રિપાઠીની નૌકાદળના આગામી વડા તરીકે નિમણૂક કરી છે. વાઈસ એડમિરલ દિનેશ કુમાર ત્રિપાઠી હાલમાં નૌકાદળના વાઇસ ચીફ તરીકે સેવા આપી રહ્યા છે. તેઓ 30 એપ્રિલ, 2024ની બપોરથી નૌકાદળના આગામી વડા તરીકે હોદ્દો સંભાળશે. હાલના નૌકાદળના વડા એડમિરલ આર. હરિ કુમાર 30 એપ્રિલ, 2024ના રોજ સેવામાંથી નિવૃત્ત થઈ રહ્યા છે.

15 મે, 1964ના રોજ જન્મેલા વાઈસ એડમિરલ દિનેશ કુમાર ત્રિપાઠીને 01 જુલાઈ, 1985ના રોજ ભારતીય નૌકાદળની એક્ઝિક્યુટિવ બ્રાન્ચમાં જોડાયા હતા. કોમ્યુનિકેશન અને ઈલેક્ટ્રોનિક વૉરફેર નિષ્ણાત એવા દિનેશ કુમાર ત્રિપાઠીએ લગભગ 39 વર્ષ સુધી લાંબી અને વિશિષ્ટ સેવા આપી છે. નૌકાદળના વાઇસ ચીફ તરીકે કાર્યભાર સંભાળતા પહેલા, તેઓ પશ્ચિમી નૌકા કમાન્ડના ફ્લેગ ઓફિસર કમાન્ડિંગ-ઇન-ચીફ તરીકે કાર્યરત હતા.

વીએડીએમ ડીકે ત્રિપાઠીએ ભારતીય નૌકાદળના જહાજ વિનાશ, કિર્ચ અને ત્રિશુલની કમાન સંભાળી છે. તેમણે વિવિધ મહત્ત્વપૂર્ણ ઓપરેશનલ અને સ્ટાફની નિમણૂકો પર પણ કામ કર્યું છે જેમાં પશ્ચિમી ફ્લીટના ફ્લીટ ઓપરેશન્સ ઑફિસર; નેવલ ઓપરેશન્સ ડિરેક્ટર; નવી દિલ્હી ખાતે પ્રિન્સિપલ ડાયરેક્ટર, નેટવર્ક સેન્ટ્રિક ઓપરેશન્સ અને પ્રિન્સિપલ ડિરેક્ટર, નેવલ પ્લાન્સનો સમાવેશ થાય છે.

રીઅર એડમિરલ તરીકે, તેમણે આસિસ્ટન્ટ ચીફ ઑફ નેવલ સ્ટાફ (નીતિ અને યોજનાઓ) અને ફ્લેગ ઑફિસર કમાન્ડિંગ ઈસ્ટર્ન ફ્લીટ તરીકે સેવા આપી છે. વાઇસ એડમિરલના હોદ્દા પર, તેમણે પ્રતિષ્ઠિત ભારતીય નેવલ એકેડેમી, એઝિમાલાના કમાન્ડન્ટ તરીકે સેવા આપી છે; નેવલ ઓપરેશન્સના મહાનિર્દેશક; ચીફ ઑફ પર્સનલ અને ફ્લેગ ઓફિસર કમાન્ડિંગ-ઈન-ચીફ, વેસ્ટર્ન નેવલ કમાન્ડ તરીકે પણ કાર્ય કર્યું છે.

સૈનિક સ્કૂલ, રીવા અને નેશનલ ડિફેન્સ એકેડમી, ખડકવાસલાના ભૂતપૂર્વ વિદ્યાર્થી, વાઈસ એડમિરલ દિનેશ કુમાર ત્રિપાઠીએ ડિફેન્સ સર્વિસ સ્ટાફ કૉલેજ, વેલિંગ્ટનમાં અભ્યાસક્રમો પૂરો કર્યા છે; નેવલ હાયર કમાન્ડ કોર્સ, કારંજા અને યુનાઈટેડ સ્ટેટ્સ નેવલ વૉર કોલેજ, યુએસએ ખાતે નેવલ કમાન્ડ કૉલેજ કરી છે.

આ પણ વાંચોઃ અમદાવાદની છ વર્ષીય તક્ષવી વાઘાણીએ રચ્યો ઈતિહાસ: સ્કેટિંગમાં બનાવ્યો ગિનીસ વર્લ્ડ રેકોર્ડ