અમેરિકાની દિગ્ગજ કંપની AMD ભારતમાં ચિપ ડિઝાઇન અને AI સોફ્ટવેર કંપનીઓમાં રોકાણ કે હસ્તાંતરણ માટે તૈયાર
ન્યુયોર્ક, 20 સપ્ટેમ્બર, 2025: અમેરિકાના સાંતા ક્લારામાં વડુમથક ધરાવતી દિગ્ગજ વૈશ્વિક ટેકનોલોજી કંપની AMD ભારતમાં ચિપ ડિઝાઇન કરવા અને સોફ્ટવેર બનાવવાવાળી કંપનીઓમાં રોકાણ અથવા હસ્તાંતરણ કરવા માટે તૈયાર છે. AMD હાઇ પર્ફોમન્સ કોમ્પ્યુટીંગ હાર્ડવેરની ડિઝાઇન ક્ષેત્રમા ક્ષેત્રમાં કારોબાર કરે છે.
ભારતમાં AMDના મેનેજિંગ ડિરેક્ટર (સેલ્સ) વિનય સિંહાએ કહ્યું, “જો તમે વૈશ્વિક સ્તરે એક્વિઝિશન પર નજર નાખો, તો તમે અમને ખૂબ વ્યસ્ત જોશો. અમે ભારતમાં પણ તેના માટે ખુલ્લા છીએ. મને લાગે છે કે દેશમાં ઘણી પ્રતિભા છે. જો કોઈ સારો સોદો અમારી યોજનાઓ સાથે સુસંગત હોય, તો અમે રોકાણ અથવા હસ્તગત કરવામાં પાછા નહી પડીએ.”
AIM ઇન્કૃટેલિજન્ત્રિસ ઇન્ટેલિજન્ટ બુદ્ધિ (AI) પર ચાલતા પર્સનલ કમ્પ્યુટર્સ (PCs)ને પાવર આપવામાં અગ્રણી વૈશ્વિક ખેલાડી રહી છે. ભારતમાં AI PCs અપનાવવા અંગે, સિંહાએ કહ્યું, “તે હવે રોલઆઉટનો એક ભાગ છે. વિશ્લેષકો માને છે કે ભારતમાં ત્રણમાંથી એક PC આગામી બે વર્ષમાં AI PC હશે. અપનાવવાનો પ્રારંભિક તબક્કો હમણાં જ શરૂ થયો છે.”
સિંહાએ કહ્યું કે AI PCs અને પરંપરાગત PCs વચ્ચેનો ખર્ચ તફાવત, જે પહેલા ઘણો ઊંચો હતો, હવે સંકોચાઇ ગયો છે. તેમણે ઉમેર્યું હતું કે, “જેમ જેમ AI PCs મુખ્ય પ્રવાહમાં આવશે, તેમ તેમ ખર્ચ ઘટશે.” છ મહિના પહેલાની સરખામણીમાં અમે કિંમતોમાં નોંધપાત્ર ઘટાડો જોઈ રહ્યા છીએ.
સરકારના AI મિશન હેઠળ ભારતના ડિજિટલ ઈન્ફ્રાસ્ટ્રક્ચરના નિર્માણમાં AMD મુખ્ય ભૂમિકા ભજવી રહ્યું છે. AI ક્ષેત્રમાં ભારતની પ્રગતિ વિશે બોલતા, સિંહાએ કહ્યું, “રાજકીય ઇચ્છાશક્તિ છે. એ જોઈને સારું લાગે છે કે સરકાર AIને વહેલા અપનાવવા માંગે છે અને તેના માટે ઈન્ફ્રાસ્ટ્રક્ચર અને ઇકોસિસ્ટમ બનાવવા માટે પ્રોત્સાહિત કરી રહી છે.” સિંહાએ ઉમેર્યું હતું કે, “મને લાગે છે કે તેમાં સુધારો થઈ રહ્યો છે. તેનો સંપૂર્ણ ઉપયોગ થયો નથી, પરંતુ વધુ વધુ ડેવલપર્સ જોડાતા, અમે અપેક્ષા રાખીએ છીએ કે તે વધુ મજબૂત બનશે.”
વૈશ્વિક GPUની અછત અને માંગ અને પુરવઠા વચ્ચેના વિશાળ અંતર અંગે, સિંહાએ કહ્યું, “પુરવઠા પડકાર પહેલા જેટલો ગંભીર નથી. મને લાગે છે કે તે અમારી અને Nvidia, બે મુખ્ય GPU ઉત્પાદકો સાથે છે. અમારી પાસે હવે 180-દિવસનું ડિલિવરી શિડ્યૂલ નથી. અમે 30 દિવસથી ઓછા સમયમાં ડિલિવરી કરી છે.” સ્પર્ધાની વાત આવે ત્યારે વાર્તા સમાન છે. પરંતુ જેમ જેમ માંગ વધે છે, અમે ખાતરી કરી છે કે અમે પાછળથી અમારી પુરવઠા કાર્યક્ષમતા વધારી રહ્યા છીએ. એક ઉદ્યોગ તરીકે, અમે માંગમાં આ વધારા જેવા પડકારો માટે તૈયાર છીએ.”
આ પણ વાંચોઃ ભારત અમેરિકાનો વેપાર સોદો પાટા પર, ટૂંક સમયમાં પિયુષ ગોયલ જશે અમેરિકા
