ભારત સાથે વેપાર સમજૂતિ પર ટ્રમ્પનું નિવેદનઃ અત્યંત ઓછી ટેરિફ સાથે સમજૂતિ થશે

નવી દિલ્હી, 2 જુલાઇ, 2025: અમેરિકાના પ્રમુખ ડોનાલ્ડ ટ્રમ્પે વેપાર સમજૂતિ અંગેના એક નિવેદનમાં જણાવ્યું છે કે અમેરિકા અત્યંત ઓછી ટેરિફ સાથે સમજૂતિ કરશે. આ એક અલગ પ્રકારની સમજૂતિ હશે એમ રોઇટર્સનના હવાલાથી જારી કરાયેલા એક વીડિયોમાં કહેવામાં આવ્યા છે. જેમાં ટ્રમ્પને વેપાર સમજૂતિ પર ટિપ્પણી કરતા જોવામાં આવ્યા હતા.

આ એક અલગ પ્રકારની સમજૂતિ હશે

ભારતની સાથે વેપાર સમજૂતિ પર અમેરિકન પ્રમુખ ડોનાલ્ડ ટ્ર્મ્પે કહ્યુ હતું કે મને લાગે છે કે અમે ભારત સાથે એક સમજૂતિ કરવા જઇ રહ્યા છીએ અને આ એક પ્રકારની હશે. આ એક એવી સમજૂતિ હશે જેમાં અમે આગળ જતા પ્રતિસ્પર્ધા કરવામાં સક્ષમ બનીશું.

જો ભારત આવું કરે છે, તો આપણે ઘણા ઓછા ટેરિફ માટે સમાધાન કરીશું

અમેરિકન પ્રમુખે કહ્યું કે, અત્યારે ભારત કોઈને સ્વીકારતું નથી, પરંતુ મને લાગે છે કે જો ભારત આમ કરશે અને જો તેઓ આવું કરે છે, તો આપણે ઘણા ઓછા ટેરિફ માટે સમાધાન કરીશું.

અમેરિકામાં ખરીદી કરવાની પરવાનગી

ભૂતકાળમાં, ટ્રમ્પે કહ્યું હતું કે અમેરિકા સમયમર્યાદા પૂરી થાય તે પહેલાં દેશોને એક પત્ર મોકલશે, જેમાં કહેવામાં આવશે કે અમે તમને અમેરિકામાં ખરીદી કરવાની મંજૂરી આપી રહ્યા છીએ, તમારે 25, 35, 50 અથવા 10 ટકા ટેરિફ ચૂકવવી પડશે. તેમણે કહ્યું કે, ‘અમે જોઈશું કે કયો દેશ અમારી સાથે સારું કે ખરાબ વર્તન કરે છે. અમને કેટલાક દેશોની પરવાહ નથી, તેમને ફક્ત વધુ ટેક્સ ચૂકવવો પડશે.

ભારત અને અમેરિકા એકબીજા પાસેથી શું ઇચ્છે છે

ભારત ઇચ્છે છે કે પ્રસ્તાવિત 26 ટકા ડ્યુટી પાછી ખેંચી લેવામાં આવે અને સ્ટીલ અને ઓટો પાર્ટ્સ પર પહેલાથી જ લાદવામાં આવેલી યુએસ ડ્યુટી પર ડિસ્કાઉન્ટ મળવું જોઈએ. પરંતુ અમેરિકા પહેલા ભારત પાસેથી સોયાબીન, મકાઈ, કાર અને વાઇન પર આયાત ડ્યુટી ઘટાડવા અને નોન-ટેરિફ અવરોધોને હળવા કરવા માટે પ્રતિબદ્ધતા ઇચ્છે છે.

દ્વિપક્ષીય વેપાર કરારને સમજો

કહેવાય છે કે આ કરાર માટેની વાટાઘાટોનો ઉદ્દેશ્ય 2030 સુધીમાં બંને દેશો વચ્ચેના વાર્ષિક દ્વિપક્ષીય વેપારને વર્તમાન 190 અબજ ડોલરથી વધારીને 500 અબજ ડોલર કરવાનો છે. 10 જૂનના રોજ, જ્યારે વાટાઘાટો પૂર્ણ થઈ, ત્યારે કેન્દ્રીય વાણિજ્ય અને ઉદ્યોગ પ્રધાન પિયુષ ગોયલે કહ્યું હતું કે ભારત અને અમેરિકા એક વાજબી અને સમાન વેપાર સોદા માટે વાટાઘાટો કરી રહ્યા છે જેનો લાભ બંને અર્થતંત્રોને થશે.

આ પણ વાંચોઃ 2 જુલાઈ, 2025, બુધવારઃ મકર રાશિના લોકોએ આજે ગુસ્સા પર નિયંત્રણ રાખવું જોઈએ