ઉન્ની મુકુંદનનું ઈન્સ્ટાગ્રામ એકાઉન્ટ હેક, ફેન્સને અભિનેતાને આપી દીધી આ સલાહ

• અભિનેતાએ ચાહકોને કોઈપણ શંકાસ્પદ લિંક પર ક્લિક ન કરવા અને એકાઉન્ટમાંથી આવતી કોઈપણ સામગ્રી પર વિશ્વાસ ન કરવા અપીલ કરી હતી

8 જુલાઈ, ચેન્નઈઃ લોકપ્રિય મલયાલમ ફિલ્મ અભિનેતા ઉન્ની મુકુંદનનું ઇન્સ્ટાગ્રામ એકાઉન્ટ હેક કરવામાં આવ્યું છે. અભિનેતાએ પોતે ફેસબુક દ્વારા આ માહિતી શેર કરી હતી અને ચાહકોને કોઈપણ શંકાસ્પદ લિંક પર ક્લિક ન કરવા અને એકાઉન્ટમાંથી આવતી કોઈપણ સામગ્રી પર વિશ્વાસ ન કરવા અપીલ કરી હતી.

ઉન્ની મુકુંદને પોતાની ફેસબુક પોસ્ટમાં લખ્યું છે, મહત્ત્વપૂર્ણ સૂચના. મારું સત્તાવાર ઇન્સ્ટાગ્રામ એકાઉન્ટ @iamunnimukundan હેક થઈ ગયું છે. તે એકાઉન્ટમાંથી આવતા બધા અપડેટ્સ, DM, સ્ટોરી અથવા સામગ્રી મારા નથી. તે હેકર્સ દ્વારા પોસ્ટ કરવામાં આવી રહી છે.

ઉન્નીએ આગળ લખ્યું છે, કૃપા કરીને હાલમાં તે એકાઉન્ટમાંથી કોઈપણ પ્રકારની પ્રતિક્રિયામાં સામેલ થશો નહીં, કોઈપણ શંકાસ્પદ લિંક પર ક્લિક કરશો નહીં અથવા વ્યક્તિગત માહિતી શેર કરશો નહીં. અમે સમસ્યાના ઉકેલ માટે સંબંધિત ટીમો સાથે કામ કરી રહ્યા છીએ. હું તમને ચકાસાયેલ ચેનલો દ્વારા અપડેટ કરતો રહીશ. તમારા સમર્થન અને સાવધાની બદલ આભાર.

ચાહકોએ ચિંતા વ્યક્ત કરી

ઉન્નીની પોસ્ટ પર ચાહકોએ ટિપ્પણી કરી અને પોતાની ચિંતા વ્યક્ત કરી હતી અને તેમને તેમના અન્ય સોશિયલ મીડિયા એકાઉન્ટ્સ અને ઇમેઇલ્સ પણ સુરક્ષિત રાખવાની સલાહ આપી હતી.

એક ચાહકે લખ્યું, કૃપા કરીને તમારા બધા એકાઉન્ટ્સની સુરક્ષા તપાસો. ઇન્સ્ટાગ્રામ, ફેસબુક અને ઇમેઇલ બધા જોડાયેલા છે.

બીજા એક ચાહકે કહ્યું, “અમારા પ્રિય યુએમ (ઉન્ની મુકુંદન), સુરક્ષિત રહો. આશા છે કે બધું જલ્દી સામાન્ય થઈ જશે.”

ઉન્ની મુકુંદનની ફિલ્મ કારકિર્દી

ઉન્ની મુકુંદને તેમના કરિયરમાં ઘણી મલયાલમ, તમિલ અને તેલુગુ ફિલ્મોમાં કામ કર્યું છે. 2024માં રિલીઝ થયેલી તેમની ફિલ્મ ‘માર્કો’ માટે તેમને ઘણી પ્રશંસા મળી હતી. એક તરફ હિંસા માટે ફિલ્મની ટીકા થઈ હતી, તો બીજી તરફ તેની શૈલી અને પ્રસ્તુતિની પણ પ્રશંસા થઈ હતી. SACNILC અનુસાર, ‘માર્કો’ એ વિશ્વભરમાં 102.55 કરોડનો વ્યવસાય કર્યો હતો.

ઉલ્લેખનીય છે કે અભિનેતા તાજેતરમાં ‘ગેટ સેટ બેબી’માં જોવા મળ્યો હતો અને હવે તેની આગામી ફિલ્મ ‘મિંડિયમ પરંજુમ’ રિલીઝ માટે તૈયાર છે.

આ પણ વાંચોઃ કાંતારા ચેપ્ટર 1: ઋષભ શેટ્ટીનો પહેલો લુક Out, રિલીઝની તારીખ નક્કી, સેટ પર અનેક મૃત્યુ