બહુમતીથી બે ધારાસભ્ય ઓછા, થલપતિ વિજયની શપથવિધિને લાગ્યું ગ્રહણ

Two MLAs short of majority:   તમિલનાડુની રાજનીતિમાં ફરી એકવાર મોટો રાજકીય વળાંક આવ્યો છે. અભિનેતા અને રાજકારણી Vijay માટે મુખ્યમંત્રી બનવાનો માર્ગ હાલ મુશ્કેલ દેખાઈ રહ્યો છે. રાજ્યપાલ કચેરીના સૂત્રોના જણાવ્યા અનુસાર, બહુમતી માટે જરૂરી સમર્થન ન મળતા તેમને શપથવિધિ માટે આમંત્રણ આપવામાં આવ્યું નથી.

234 સભ્યોની વિધાનસભામાં સરકાર બનાવવા માટે 118 ધારાસભ્યોનું સમર્થન જરૂરી છે, પરંતુ વિજયને હાલમાં માત્ર 116 ધારાસભ્યોનું સમર્થન મળ્યું હોવાનું જણાવવામાં આવી રહ્યું છે. તેમણે વિવિધ પક્ષો સાથે સમર્થન માટે ચર્ચા કરી હતી, પરંતુ જરૂરી આંકડો સુધી પહોંચી શક્યા નથી.

સૂત્રો અનુસાર કેટલાક રાજકીય પક્ષોએ શરૂઆતમાં સમર્થન અંગે સંકેત આપ્યા હતા, પરંતુ બાદમાં ગઠબંધનનો ભાગ બનવાથી ઇનકાર કર્યો હતો. જેના કારણે સરકાર રચવાની પ્રક્રિયામાં અનિશ્ચિતતા વધી ગઈ છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2

આ દરમિયાન રાજ્યની રાજનીતિમાં નવા સમીકરણોની ચર્ચા પણ તેજ બની છે. કેટલાક અહેવાલો મુજબ મોટા રાજકીય પક્ષો વચ્ચે સંભવિત સહકાર અંગે અટકળો ચાલી રહી છે. રાજ્યપાલે સ્પષ્ટ બહુમતીના અભાવને ધ્યાનમાં રાખીને વિજયના સરકાર બનાવવાના દાવાને સ્વીકાર્યો નથી.

જોકે વિજયની પાર્ટીનું કહેવું છે કે સૌથી મોટી પાર્ટીને સરકાર બનાવવા તક આપવાના ઘણા ઉદાહરણો છે અને તેઓ વિધાનસભામાં પોતાની શક્તિ સાબિત કરવા આત્મવિશ્વાસ ધરાવે છે. તેમ છતાં હાલની પરિસ્થિતિ જોતા તેમની શપથવિધિ ટળી શકે તેવી સંભાવના વધી ગઈ છે.

તમિલનાડુની રાજનીતિમાં આ ઘટનાક્રમ આગામી દિવસોમાં વધુ રસપ્રદ બનશે તેવી ચર્ચા ચાલી રહી છે.

આ પણ વાંચો : તમિલનાડુમાં વિજયને મોટો ઝટકો, TTV દિનાકરણે FIR નોંધાવી, નકલી સમર્થન પત્ર દાખલ કરવાનો આરોપ