લો બોલો, દિલ્હી મેટ્રોની કેબલ ચોરી ગયા ચોર! કીર્તિ નગર અને મોતી નગર વચ્ચે સ્પીડ પડી ધીમી

• ઘટનાને પગલે પીક ટાઈમમાં વધુ અસર પડી છે અને લોકોને મેટ્રો માટે લાંબો સમય રાહ જોવી પડી રહી છે

નવી દિલ્હી, 05 ડિસેમ્બર: રાજધાની દિલ્હીની સૌથી વ્યસ્ત મેટ્રો બ્લૂ લાઇન પર કેબલ ચોરીની ઘટના બની છે, જેના કારણે મેટ્રોની સ્પીડ ધીમી પડી ગઈ છે. દ્વારકાથી વૈશાલી/નોઈડા લાઇન પર કીર્તિ નગર અને મોતી નગર વચ્ચે રાત્રે આ ઘટના બની હતી. પીક ટાઈમમાં આ ઘટનાની વધુ અસર પડી છે અને લોકોને મેટ્રો માટે લાંબો સમય રાહ જોવી પડી રહી છે.

Blue Line Update

The cable theft issue on the Blue Line between Moti Nagar and Kirti Nagar will be rectified only after the end of operational hours in the night.

Since the trains will operate on restricted speed on the affected section during the day, there would be some…

— Delhi Metro Rail Corporation (@OfficialDMRC) December 5, 2024

CCTV ફૂટેજમાં કઈં કેદ થયું નહીં

કેબલ ચોરીની ઘટના દ્વારકાથી વૈશાલી/નોઈડા લાઇન પર કીર્તિ નગર અને મોતી નગર વચ્ચે રાત્રે બની હતી, જ્યારે મેટ્રો સેવા સમાપ્ત થઈ ગઈ હતી. સ્ટેશનોથી વિપરીત ટ્રેક વિસ્તાર સીસીટીવી કવરેજ હેઠળ ન હતો, વળી જ્યાંથી કેબલ ચોરવામાં આવ્યો હતો તે વિસ્તાર ઔદ્યોગિક વિસ્તારને અડીને આવેલો છે, ત્યાં અંધારું હોવાને કારણે સ્ટેશનના સીસીટીવીમાં વધુ કઈં કેદ થયું નહીં. જેના કારણે દિવસભર બ્લુ લાઇન પરની કામગીરીને અસર થશે.

દિલ્હી મેટ્રો રેલ કોર્પોરેશન (DMRC)એ મુસાફરોને વિનંતી કરી છે તેઓ મુસાફરીમાં થોડો વધારાનો સમય લાગશે, તે મુજબ તેમની મુસાફરીની યોજના બનાવે. અગાઉ ઓગસ્ટ મહિનામાં પણ આવી જ એક ઘટના બહાર આવી હતી. ત્યારે રેડ લાઇન પર કેબલ ચોરીનો બનાવ બન્યો હતો. ત્યારે ઝિલમિલ અને માનસરોવર પાર્ક વચ્ચેના મેટ્રો કોરિડોર પર સિગ્નલ કેબલની ચોરી થઈ હતી. જેના કારણે દિલશાદ ગાર્ડનથી શહાદરા સુધીનો માર્ગ પ્રભાવિત થયો હતો.

આ પણ જૂઓ: દિલ્હીમાં AAPને મોટો ફટકો! સ્પીકર રામ નિવાસ ગોયલે ચૂંટણી રાજકારણમાંથી લીધી નિવૃત્તિ