NEET મામલે તેજસ્વી યાદવના PS પ્રીતમ કુમારની થશે પૂછપરછ, EOU દ્વારા સમન્સની તૈયારી
- પેપર લીકના કિંગપિન સિકંદર કુમાર યાદવેન્દુ સાથે પ્રીતમ કુમારના સીધા કનેકશન વિશે ઘણા તથ્યો બહાર આવ્યા
નવી દિલ્હી, 21 જૂન: NEET પેપર લીક કેસમાં તેજસ્વી યાદવના ખાનગી સચિવ(Personal Secretary) પ્રીતમ કુમારની પૂછપરછ કરવામાં આવશે. ઇકોનોમિક ઓફેન્સીસ યુનિટ (EOU) તેને સમન્સ મોકલવાની તૈયારી કરી રહ્યું છે. મળતી માહિતી મુજબ, EOU પ્રીતમને પૂછપરછ માટે EOU ઓફિસ બોલાવશે અને ત્યાં તેની પૂછપરછ કરશે. હકીકતમાં, પેપર લીકના કિંગપિન સિકંદર કુમાર યાદવેન્દુ સાથે પ્રીતમ કુમારના સીધા કનેકશન વિશે ઘણા તથ્યો બહાર આવ્યા છે.
NEET પેપર લીક થયા બાદ, સિકંદર યાદવેન્દુ માટે તેમની પોસ્ટિંગ સુધી સરકારી ગેસ્ટ હાઉસ બુક કરાવવામાં પ્રીતમ કુમારની ભૂમિકા બહાર આવી રહી છે. તેથી, EOU તેને બોલાવીને પૂછપરછ કરવાની તૈયારી કરી રહ્યું છે. પેપર લીક મામલામાં બિહારના નાયબ મુખ્યમંત્રી વિજય સિન્હાએ પણ ઘણા તથ્યો જાહેર કર્યા છે અને સિકંદરના લાલુ સાથે સીધા કનેક્શન વિશે કહ્યું છે.
તેજસ્વીએ લીક કર્યું NEETનું પેપર: વિજય સિંહા
NEET પરીક્ષા મુદ્દે બિહારના નાયબ મુખ્યમંત્રી વિજય કુમાર સિન્હાએ કહ્યું કે, આ ખૂબ જ ગંભીર મામલો છે અને તેની ઉચ્ચ સ્તરે તપાસ થવી જોઈએ. કારણ કે આ મામલો વિપક્ષના નેતા તેજસ્વી યાદવ સાથે સંબંધિત છે. તેમના PS રૂમ બુક કરે છે અને અનુરાગ યાદવને ત્યાં રાખે છે. આ દુઃખદ અને કમનસીબી છે. વિજય કુમાર સિંહાએ જણાવ્યું હતું કે, 1 મેના રોજ તેજસ્વી યાદવના અંગત સચિવ પ્રીતમ કુમારે ગેસ્ટહાઉસના કાર્યકર પ્રદીપ કુમારને ફોન કર્યો હતો અને સિકંદર કુમાર યાદવેન્દુ માટે રૂમ બુક કરવાનું કહ્યું હતું.
#WATCH | Patna: On NEET issue, Bihar Deputy CM Vijay Sinha says, “On May 1, Tejashwi Yadav’s personal secretary Pritam Kumar called guesthouse worker Pradip Kumar to book a room for Sikander Kumar Yadavendu… On May 4, Pritam Kumar called Pradip Kumar again for booking the… pic.twitter.com/nG7UAFJTs7
— ANI (@ANI) June 20, 2024
વિજય કુમાર સિંહાએ વધુમાં જણાવ્યું કે, “4 મેના રોજ પ્રીતમ કુમારે પ્રદીપ કુમારને રૂમ બુક કરવા માટે ફરીથી ફોન કર્યો અને તેજસ્વી યાદવ માટે ‘મંત્રી’ શબ્દનો ઉપયોગ કરવામાં આવ્યો હતો.” તેમણે વધુમાં કહ્યું કે, “આખો પરિવાર કૌભાંડોથી ભરેલો છે. પિતા લાલુ યાદવ ચારા કૌભાંડ અને પુત્ર તેજસ્વી યાદવ NEET પેપર કૌભાંડ. તેજસ્વી યાદવના PAએ સિકંદર માટે ગેસ્ટ હાઉસ બુક કરાવ્યું હતું. સિકંદર એ જ વ્યક્તિ છે જેણે NEETનું પેપર લીક કર્યું હતું.
EOUના નિશાના પર બે સેટર
પોલીસ સુત્રો પાસેથી મળતી માહિતી મુજબ, બે સેટર પણ EOUના નિશાન બન્યા છે. તેમાંથી એકનું નામ અતુલ વત્સય છે જ્યારે બીજાનું નામ અંશુલ સિંહ છે. આ બંને વૈશાલીના રહેવાસી હોવાનું કહેવાય છે. EOU આ મામલાની તપાસ કરી રહી છે. આ બંનેની મદદથી અમિત આનંદ અને નીતિશ કુમાર બિહારમાં સ્પર્ધાત્મક પરીક્ષાઓમાં સેટર તરીકે કામ કરે છે. તે ઉમેદવારોને વિવિધ સ્પર્ધાત્મક પરીક્ષાઓમાં પાસ કરાવવા માટે મોટી રકમ વસૂલવાનું કામ કરે છે.
અતુલ વત્સય છેલ્લા ઘણા મહિનાઓથી મહારાષ્ટ્રના એક શહેરમાં રહે છે. આંતરરાજ્ય સોલ્વર ગેંગનો લીડર અતુલ વત્સય એ એક નિવૃત્ત વહીવટી અધિકારીનો પુત્ર હોવાનું કહેવાય છે. તે મૂળ જહાનાબાદના બંધુગંજ ગામના રહેવાસી અરુણ કેસરીનો પુત્ર છે. કોમનવેલ્થ ગેમ્સ કૌભાંડમાં ડેપ્યુટી ડાયરેક્ટર રહેલા તેના પિતા CBIની ચુંગાલમાં ફસાઈ ગયા હતા.
આ પણ જુઓ: દિલ્હી શરાબ નીતિ કેસમાં કેજરીવાલને નીચલી કોર્ટમાંથી મળેલા જામીન પર હાઇકોર્ટે લગાવી રોક
