ચીનના હુમલાનો તાઈવાન આપશે જડબાતોડ જવાબ, ગુપ્ત ટનલની અંદર આવી છે તૈયારી, જુઓ Photo
તાઈવાન, 27 મે : ચીન તાઈવાનની આસપાસ સૈન્ય ઘૂસણખોરીની કવાયત કરી રહ્યું છે. જેથી જ્યારે યોગ્ય સમય આવે ત્યારે તે તાઈવાન પર હુમલો કરી શકે. ચીનની સેના ઘણી મોટી છે પરંતુ તાઈવાનની એવી રણનીતિ છે કે ચીનને હારનો સામનો કરવો પડશે. તાઈવાને દેશમાં ઘણા એરબેઝ બનાવ્યા છે. તમામ એરબેઝ ભૂગર્ભ ટનલ દ્વારા જોડાયેલા છે.
આ ટનલની અંદર F-16 ફાઈટર જેટ, હાર્પૂન મિસાઈલ અને સાઈડવિન્ડર મિસાઈલ સહિત અનેક અત્યાધુનિક હથિયારોનો ભંડાર રાખવામાં આવ્યો છે. તાઈવાનના ફાઈટર જેટ્સ આ મજબૂત બંકરોની અંદર સુરક્ષિત રહે છે. અહીં ફાઈટર જેટનું સમારકામ પણ કરવામાં આવે છે. અહીં બોમ્બ, રોકેટ અને મિસાઈલ લગાવવામાં આવે છે.
તાઈવાનના ફાઈટર જેટ્સ અહીંથી ટેક ઓફ કરે છે. અને પાછા અહીં આવી જે છે. તાઈવાની એરફોર્સને રિપબ્લિક ઓફ ચાઈના એર ફોર્સ (ROCAF) પણ કહેવામાં આવે છે. તાઇવાનની વાયુસેનાએ ગયા વર્ષે આ સુરંગોના ફોટા વિશ્વ સમક્ષ રજૂ કર્યા હતા.
આ તસવીરોમાં તમે જોઈ શકો છો કે તાઈવાનના એરફોર્સના એન્જિનિયરો F-16V વાઈપર ફાઈટર જેટમાં હાર્પૂન એન્ટી-શિપ મિસાઈલ તૈનાત કરી રહ્યા છે. આ તસવીરો તાઈવાની એરફોર્સની પાંચમી ટેક્ટિકલ કમ્પોઝિટ વિંગની છે.
તાઈવાનની વાયુસેનાએ જણાવ્યું નથી કે આ કયા પ્રકારના ફાઈટર જેટ છે. પરંતુ તસવીરો પરથી સ્પષ્ટપણે જણાય છે કે આ અપગ્રેડેડ F-16V વાઇપર ફાઇટર જેટ્સ છે. તેમના પર હાર્પૂન એન્ટી શિપ મિસાઈલ લગાવવામાં આવી છે. આ સિવાય AIM સાઇડવિન્ડર મિસાઇલ્સ પણ જોઇ શકાય છે.
બંકરની અંદર સાઇડવિન્ડર મિસાઇલોનો સ્ટોક પણ દેખાય છે.
તાઇવાન હાર્પૂન મિસાઇલનો મુખ્ય ઉપયોગકર્તા દેશ છે. આ સિવાય AIM-120 C એડવાન્સ્ડ મીડિયમ રેન્જ એર-ટુ-એર મિસાઈલ્સ પણ તસવીરોમાં દેખાઈ રહી છે. AIM-9L/M સાઇડવાઇન્ડર્સ મિસાઇલો કેટલાક ફાઇટર જેટની પાંખો નીચે તૈનાત કરવામાં આવે છે.
આ મિસાઈલો પરના પટ્ટાઓ સૂચવે છે કે આ મિસાઈલો જીવંત છે. તેનો અર્થ એ કે ક્રિયા માટે સંપૂર્ણપણે તૈયાર છે. એટલે કે તેમની અંદર હથિયારો ભરેલા છે. જ્યાં આ તસવીરો લેવામાં આવી છે તે હુઆલીન પ્રાંતમાં ચિયાશાન એરફોર્સ બેઝ પાસે સ્થિત પહાડના તળિયે છે. આ અંડરગ્રાઉન્ડ હેંગર આ પર્વતની નીચે બનાવવામાં આવ્યા છે.
ચીનના હુમલાનો તાઈવાન આપશે જડબાતોડ જવાબ, તૈયારીઓ પૂર્ણ
તાઇવાનની સેના તેના રહસ્યો જાળવવા માટે જાણીતી છે. તેના હથિયારો, વિમાન વગેરેનું સ્થાન જાણી શકાયું નથી. તાઈવાને આ તસવીરો ઓનલાઈન શા માટે પોસ્ટ કરી તે હજુ સુધી જાણી શકાયું નથી. પરંતુ કદાચ તે સંદેશ આપવા માંગે છે કે ચીનના હુમલાનો જડબાતોડ જવાબ આપવા માટે તૈયારીઓ પૂર્ણ છે.
આ પણ વાંચો :એક્ઝિટ પોલ કેટલા સચોટ? પરિણામોની કેટલી નજીક હોઇ શકે? આવો જાણીએ
