પાલનપુર: ડીસામાં ફરીથી માવઠાની આગાહીથી ખેડૂતો ચિંતાતુર

પાલનપુર: હવામાન વિભાગ દ્વારા તાજેતરમાં જ કરવામાં આવેલી માવઠાની આગાહી સાચી પડી હતી જેમાં ખેડૂતોને નુકસાન થયું હતું. ત્યારે હવે ફરીથી તારીખ 13 અને 14 માર્ચના રોજ ગાજવીજ પવન સાથે હળવા વરસાદની આગાહી કરાતા ખેડૂતો ચિંતાતુર બન્યા છે.

તારીખ 13 અને 14 માર્ચના રોજ પવન સાથે વરસાદની આગાહી

હવામાન વિભાગ દ્વારા તારીખ 5 અને 6 માર્ચના રોજ કમોસમી વરસાદની આગાહી કરવામાં આવી હતી. જે મુજબ રાજ્યના અનેક ભાગોમાં વરસાદી છાંટણા પડ્યા હતા.જેમાં બનાસકાંઠા જિલ્લામાં પણ ડીસા સહિત ના વિસ્તારોમાં હળવાથી ભારે વરસાદી ઝાપટા પડતા ખેડૂતોને ખૂબ જ મોટું નુકસાન થવા પામ્યું છે. જોકે હવામાન વિભાગની આગાહી ના કારણે જિલ્લા કલેકટરે તેમજ ખેતીવાડી ઉત્પન્ન બજાર સમિતિઓએ ખેડૂતોને વરસાદ થવાની આગાહી હોય પોતાનો માલ પલડે નહીં તે દિશામાં પગલાં લેવા જણાવ્યું હતું.

જોકે ખેડૂતોને કાપણીની સિઝન હોય મોટાભાગના ખેડૂતો નો માલ પલળી જતા ભારે નુકસાન થયું છે. ત્યારે હજુ તમાકુ ,જીરું, વરિયાળી તેમજ ઘઉં નો પાક લેવાની સીઝન ચાલી રહી હોય અનેક ખેડૂતોને કાપણી કરવાની બાકી છે ત્યારે ફરીથી 13 અને 14 માર્ચના રોજ વરસાદની આગાહીથી ખેડૂતોમાં ભારે ચિંતા ની લાગણી જોવા મળી રહી છે.

આ પણ વાંચો :વિધાનસભામાં મહાભારત ! કોંગ્રેસ ધારાસભ્ય સી. જે. ચાવડાએ કહ્યું…