“સ્ત્રી” ફિલ્મ બની હકીકત, મહિલા રડતાં રડતાં લોકોના ઘરે ડોરબેલ વગાડે છે અને પછી…

• લોકોએ ઘરની બહાર નીકળવાનું કર્યું બંધ
• રહસ્યમય મહિલા સીસીટીવી કેમેરામાં થઈ કેદ

ગ્વાલિયર, 12 જૂન, મધ્યપ્રદેશના ગ્વાલિયરમાંથી એક ચોંકાવનારો કિસ્સો સામે આવ્યો છે. રાજકુમાર રાવ, શ્રદ્ધા કપૂર અને પંકજ ત્રિપાઠીની ફિલ્મ સ્ત્રી જેવી ઘટના અહીં પ્રકાશમાં આવી છે. જણાવવામાં આવી રહ્યું છે કે શહેરના ચંદન નગરમાં રાત્રિના અંધારામાં મહિલા ઘરની બહાર નીકળીને રડવાનો અવાજ કરે છે અને ડોરબેલ વગાડીને બધાને બહાર બોલાવે છે, જેના કારણે અહીંના લોકો ભયમાં જીવી રહ્યા હતા. લોકોએ આ અંગે પોલીસમાં ફરિયાદ પણ કરી હતી, પરંતુ સત્ય સામે આવતાં પોલીસ પણ સ્તબ્ધ થઈ ગઈ હતી.

અભિનેતા રાજકુમાર રાવ, શ્રદ્ધા કપૂર અને પંકજ ત્રિપાઠી અભિનીત બોલિવૂડ ફિલ્મ ‘સ્ત્રી’ યાદ હશે. આ ફિલ્મમાં એક મહિલાના ડરથી રાતના અંધારામાં શાંતિ છવાઈ ગઈ હતી અને લોકો પોતપોતાના ઘરોમાં કેદ થઈ ગયા હતા. તે મહિલાને ભગાડવા માટે લોકોએ તેમના ઘરની બહાર સૂત્રો પણ લખ્યા હતા, ‘ઓ સ્ત્રી, કાલે આવજે…’. વાસ્તવિક જીવનમાં આવી જ એક ઘટના મધ્યપ્રદેશના ગ્વાલિયરથી સામે આવી છે. વાસ્તવમાં, છેલ્લા કેટલાક દિવસોથી, ગ્વાલિયર પોલીસ સ્ટેશન વિસ્તારના ચંદન નગરમાં મધરાતે એક સુંદર પોશાક પહેરેલી મહિલા જોવા મળી હતી. આ મહિલા રાતના અંધારામાં ચંદનનગરના ઘરોની બહાર પહોંચી જતી, ડોરબેલ વગાડીને લોકોને ઘરની બહાર બોલાવતી. ક્યારેક એ રડતા અવાજે પણ બહાર આવી જતી. જ્યારે લોકોને આ મહિલા વિશે ખબર પડી તો લોકોએ ઘરની બહાર નીકળવાનું બંધ કરી દીધું. લોકોએ આ અંગે પોલીસને જાણ કરી હતી અને આ રહસ્યમય મહિલા ઘરની બહાર લાગેલા સીસીટીવી કેમેરામાં કેદ થઈ ગઈ.

પોલીસે મહિલાને ઝડપી પાડી

લોકો સમજી શક્યા ન હતા કે આ રહસ્યમય મહિલાથી કેવી રીતે છટકી શકાય અને આ મહિલા રાતના અંધારામાં ઘરના દરવાજાની બહાર જઈને ડોરબેલ કેમ વગાડે છે? ભયમાં રહેતા લોકોએ આ અંગે પોલીસને જાણ કરી હતી. આ સાથે સીસીટીવી ફૂટેજ પણ પોલીસને ઉપલબ્ધ કરાવવામાં આવ્યા હતા. આ પછી ગ્વાલિયર પોલીસ સ્ટેશને તે મહિલાનું રહસ્ય ઉકેલવા માટે શોધખોળ શરૂ કરી. ટૂંક સમયમાં પોલીસની શોધ પૂર્ણ થઈ અને મહિલા પોલીસના હાથે ઝડપાઈ ગઈ.

સત્ય સામે આવતાં પોલીસ પણ સ્તબ્ધ થઈ

મહિલાએ પૂછપરછ દરમિયાન પોલીસને જણાવ્યું કે તે તેના પ્રેમી સાથે લિવ-ઈન રિલેશનશિપમાં રહેતી હતી, પરંતુ તેનો પ્રેમી તેનાથી ગુસ્સે થઈ ગયો અને ત્યાંથી જતો રહ્યો. તેણીએ તેના પ્રેમીનું ઘર જોયું ન હતું, પરંતુ તે જાણતી હતી કે તેનો પ્રેમી ચંદનનગરમાં રહે છે. આથી તે રાત્રિના અંધારામાં તેના પ્રેમીને શોધવા ચંદનનગર વિસ્તારમાં ભટકવા લાગી હતી. લોકોના ઘરની ઘંટડીઓ વગાડીને તે તેના પ્રેમીને શોધી રહી હતી. સત્ય સામે આવતાં પોલીસ પોલીસ અને શહેરીજનો પણ આશ્ચર્યમાં મુકાઇ ગયા હતા. પોલીસનું કહેવું છે કે સમગ્ર મામલાની હજુ તપાસ ચાલી રહી છે. ચંદનનગરમાં આ રહસ્યમયી મહિલાના ફરવાને કારણે લોકોમાં ભારે ડર લાગી ગયો હતો અને વિસ્તારમાં ફિલ્મ ‘સ્ત્રી’ની ચર્ચા થવા લાગી હતી, પરંતુ પોલીસે કરેલા આ ખુલાસાથી ચંદનનગરના રહેવાસીઓએ રાહતનો શ્વાસ લીધો છે.

આ પણ વાંચો..અજબ ઊંઘની ગજબ કહાની! ઈંગ્લેન્ડમાં રહેતી આ મહિલાએ ઊંઘમાં કરી લાખોની ખરીદી