આંધ્ર પ્રદેશના વેંકટેશ્વર મંદિરમાં નાસભાગ, 10 શ્રદ્ધાળુઓના મોત, અનેક ઈજાગ્રસ્ત
- પીએમ મોદી તેમજ આંધ્રપ્રદેશના મુખ્યમંત્રી એન. ચંદ્રબાબુ નાયડુએ આ દુર્ભાગ્યપૂર્ણ ઘટના પર ઊંડો શોક વ્યક્ત કર્યો
HD ન્યુઝ ડેસ્કઃ આંધ્રપ્રદેશ Andhra Pradeshના શ્રીકાકુલમ જિલ્લામાં શનિવારે એક દુ:ખદ અકસ્માત થયો છે. એકાદશી નિમિત્તે કાસીબુગ્ગા વેંકટેશ્વર મંદિર Venkateswara temple માં ભક્તોની ભારે ભીડ ઉમટી પડતાં દસ શ્રદ્ધાળુઓના મોત થયા છે અને અનેક લોકો ઘાયલ થયા છે. Stampede at Venkateswara temple ઘાયલ શ્રદ્ધાળુઓને તાત્કાલિક નજીકની હોસ્પિટલોમાં દાખલ કરવામાં આવ્યા. મૃત્યુઆંક વધી શકે છે. મૃતકોમાં મોટાભાગની મહિલાઓ હતી.
આ મંદિરને ઉત્તરા તિરુપતિ કહેવામાં આવે છે
વેંકટેશ્વર મંદિરને સ્થાનિક લોકો “ઉત્તરા તિરુપતિ” તરીકે પણ ઓળખે છે. તે આંધ્રપ્રદેશનું એક પ્રાચીન અને પ્રખ્યાત મંદિર છે. એવું માનવામાં આવે છે કે તે 11મી અને 12મી સદીમાં ચોલ અને ચાલુક્ય શાસકો દ્વારા બાંધવામાં આવ્યું હતું. અહીં ભગવાન વેંકટેશ્વર (ભગવાન વિષ્ણુ) ની પૂજા કરવામાં આવે છે, જેમને ભક્તો શ્રીનિવાસ, બાલાજી અને ગોવિંદા તરીકે પણ ઓળખે છે.
પીએમ મોદીએ ₹2 લાખની સહાય જાહેર કરી
પ્રધાનમંત્રી નરેન્દ્ર મોદીએ આ ઘટના પર શોક વ્યક્ત કર્યો. તેમણે ટ્વિટર પર લખ્યું છે કે આંધ્રપ્રદેશના શ્રીકાકુલમમાં વેંકટેશ્વર સ્વામી મંદિરમાં થયેલી ભાગદોડથી ખૂબ જ દુઃખ થયું છે. મારી સંવેદનાઓ તે લોકો સાથે છે જેમણે પોતાના પ્રિયજનો ગુમાવ્યા છે. હું ઘાયલોના ઝડપથી સ્વસ્થ થવા માટે પ્રાર્થના કરું છું. પ્રધાનમંત્રી રાષ્ટ્રીય રાહત ભંડોળમાંથી મૃતકોના પરિવારજનોને ₹2 લાખની સહાય આપવામાં આવશે. ઘાયલોને ₹50,000 આપવામાં આવશે.
VIDEO | Andhra Pradesh: Stampede reported at Venkateswara Temple in Kashibugga in Srikakulam district; several devotees injured, rushed to hospital. More details are awaited.
(Source: Third Party)#AndhraPradesh pic.twitter.com/dOJxEI4JHC
— Press Trust of India (@PTI_News) November 1, 2025
મુખ્યમંત્રીએ ઊંડા શોકની લાગણી વ્યક્ત કરી
આંધ્રપ્રદેશના મુખ્યમંત્રી એન. ચંદ્રબાબુ નાયડુએ આ દુર્ભાગ્યપૂર્ણ ઘટના પર ઊંડો શોક વ્યક્ત કર્યો હતો. તેમણે કહ્યું કે કાસી બુગ્ગા વેંકટેશ્વર મંદિરમાં થયેલી ભાગદોડ અત્યંત દુ:ખદ છે. હું મૃતકોના પરિવારો પ્રત્યે મારી ઊંડી સંવેદના વ્યક્ત કરું છું. મુખ્યમંત્રીએ અધિકારીઓને ઘાયલોને શ્રેષ્ઠ શક્ય સારવાર પૂરી પાડવા નિર્દેશ આપ્યો છે. તેમણે સ્થાનિક અધિકારીઓ અને જનપ્રતિનિધિઓને સ્થળની મુલાકાત લેવા અને રાહત કામગીરીનું નિરીક્ષણ કરવા પણ કહ્યું છે.
Andhra Pradesh CM N Chandrababu Naidu (@ncbn) posts, “The stampede incident at the Venkateswara Temple in Kashibugga in Srikakulam district has caused a shock. The death of devotees in this tragic incident is extremely heartbreaking. I express my deepest condolences to the… pic.twitter.com/gdnXifQn5Q
— Press Trust of India (@PTI_News) November 1, 2025
એકાદશી પર હજારો લોકો ભેગા થયા હતા
એકાદશી અને કાર્તિક મહિનામાં હજારો ભક્તો મંદિરમાં દર્શન કરવા આવે છે. શનિવારે પણ ભારે ભીડ હતી. મંદિર વહીવટીતંત્રે સુરક્ષાના પગલાં લીધા હતા, પરંતુ ભીડ નિયંત્રણના પગલાં અપૂરતા હતા. ભક્તોના મતે મુખ્ય પ્રવેશદ્વાર પાસેની રેલિંગ તૂટી ગયા પછી, લોકો એકબીજા પર પડવા લાગ્યા, જેના કારણે ભાગદોડ મચી ગઈ હતી.
વહીવટીતંત્ર સતર્ક, તપાસના આદેશ
ઘટના બાદ જિલ્લા વહીવટીતંત્ર અને પોલીસ ઘટનાસ્થળે પહોંચી ગયા હતા અને રાહત કામગીરી શરૂ કરી હતી. રાજ્ય સરકારે તપાસના આદેશ આપ્યા છે અને ઘાયલોને શક્ય તમામ સહાયની ખાતરી આપી છે.
આ પણ વાંચોઃ MCX પર લાગશે મોટો દંડઃ 4 કલાકના ટ્રેડિંગ હોલ્ટ પર SEBI કરશે મોટી કાર્યવાહી
