ઝહીર ઈકબાલ સાથેના લગ્ન પર સોનાક્ષીએ પહેલીવાર તોડ્યું મૌન, કહ્યું…

• ઝહીર ઈકબાલ સાથેના લગ્નની અફવાઓ વચ્ચે સોનાક્ષી સિન્હાએ એક ઈન્ટરવ્યુમાં કહ્યું હતું કે તેને સમજાતું નથી કે લોકો આટલો રસ કેમ લઈ રહ્યા છે. તેમને આ રમુજી લાગે છે

મુંબઈ, 11 જૂન: સોનાક્ષી સિન્હા અત્યારે એક ખાસ કારણોસર ચર્ચામાં છે. એવા અહેવાલો છે કે તે તેના બોયફ્રેન્ડ ઝહીર ઈકબાલ સાથે લગ્ન કરવા જઈ રહી છે. લગ્ન 23 જૂનના રોજ થવાના અહેવાલ છે. એક ઈન્ટરવ્યુ દરમિયાન સોનાક્ષીએ પોતાના લગ્ન વિશે વાત કરી હતી. તેણીએ કહ્યું હતું કે તે લગ્નના મુદ્દાઓ પર વધુ ધ્યાન આપતી નથી. સોનાક્ષી માને છે કે તેના લગ્ન સાથે અન્યને કોઈને કંઈ લેવાદેવા ના હોવું જોઈએ.

લોકો આટલી ચિંતા કેમ કરે છે?

સોનાક્ષી સિન્હાને ઈન્ટરવ્યુમાં લગ્નનો પ્રશ્ન પુછવામાં આવતા તેણીએ કહ્યું કે, મને આ પ્રશ્ન હંમેશા પૂછવામાં આવે છે. પરંતુ હવે તો એક કાનથી સાંભળીને બીજા કાનથી નીકાળી દવું છું.’ વધુમાં તેણીએ કહ્યું કે, ‘સૌ પ્રથમ, મારા લગ્ન સાથે કોઈને કંઈ લેવાદેવા ના હોવુ જોઈએ. બીજી વાત એ કે તે મારી પસંદગી છે, તો પછી મને એ નથી ખબર પડતી કે લોકોને તેની આટલી બધી ચિંતા કેમ છે. મારા માતાપિતા કરતાં તો લોકો મને મારા લગ્ન વિશે વધુ પૂછે છે, તેથી મને તે ખૂબ રમુજી લાગે છે. જો કે હવે તો મને આની આદત પડી ગઈ છે એટલે મને કોઈ તકલીફ નથી આ બધા પ્રશ્નોથી. લોકો ઉત્સુક છે, આપણે શું કરી શકીએ?’

શું સોનાક્ષી લગ્ન કરવા તૈયાર છે?

સોનાક્ષી સિન્હા હાલમાં જ ધ ગ્રેટ ઈન્ડિયન કપિલ શોમાં આવી ત્યારે કપિલ શર્માએ તેને લગ્ન વિશે ચીડવી હતી. સોનાક્ષીએ કહ્યું હતું કે કપિલ તેના ઘા પર મીઠું લગાવી રહ્યો છે. તેઓ જાણે છે કે કેવી રીતે ઉત્સાહથી લગ્ન કરવા. સોનાક્ષીએ કહ્યું હતું કે તે લગ્ન માટે તૈયાર છે.

લગ્ન પર સોનાક્ષી સિન્હાના પિતા શત્રુઘ્ન સિંહાએ શું કહ્યું?

સોનાક્ષી સિન્હાના પિતા શત્રુઘ્ન સિન્હાએ પણ તેના લગ્નના સમાચાર પર પ્રતિક્રિયા આપી છે. ટાઈમ્સ નાઉ સાથે વાત કરતા તેમણે કહ્યું કે હું પણ એટલું જ જાણું છું જેટલું મીડિયા જાણે છે. તેમણે કહ્યું કે જ્યારે સોનાક્ષી તેમને કહેશે ત્યારે તે તેની પત્ની સાથે તેને આશીર્વાદ આપવા આવશે.

આ પણ વાંચો: ‘…તો તો તમે રેપ અને મર્ડર સાથે પણ સહમત હશો’: CISF જવાનને સપોર્ટ કરનાર પર ભડકી કંગના