શ્રદ્ધા કપૂરે બોયફ્રેન્ડ રાહુલ મોદી સાથે તેના સંબંધોની કરી પુષ્ટિ, રોમેન્ટિક પોસ્ટ મૂકી કર્યું જાહેર
- અભિનેત્રી શ્રદ્ધા કપૂર છેલ્લા ઘણા દિવસોથી રાહુલ મોદીને ડેટ કરવાને કારણે ચર્ચામાં
મુંબઈ, 19 જૂન: શ્રદ્ધા કપૂર આ દિવસોમાં આગામી ફિલ્મ સ્ત્રી 2ને લઈને ચર્ચામાં છે. જો કે, તે સોશિયલ મીડિયા પર પણ ખૂબ જ એક્ટિવ છે અને સુંદર તસવીરો પોસ્ટ કરતી અને તેના ચાહકો માટે પ્રશ્નો પૂછતી જોવા મળે છે. આ દરમિયાન, તેણીએ હાલમાં ઇન્સ્ટાગ્રામ પર એક ફોટો શેર કર્યો, જેણે ચાહકોનું ધ્યાન ખેંચ્યું. હકીકતમાં, આ ફોટો ફિલ્મ લેખક રાહુલ મોદી સાથેનો છે. જેઓ નથી જાણતા તેમને જણાવી દઈએ કે, અભિનેત્રી શ્રદ્ધા કપૂર છેલ્લા ઘણા દિવસોથી રાહુલ મોદીને ડેટ કરવાને કારણે ચર્ચામાં છે. જ્યાં તાજેતરમાં તેણે પોતાના R નામના પેન્ડન્ટથી લોકોનું ધ્યાન ખેંચ્યું હતું. તો વેકેશનની તસવીરો અને વીડિયો વાયરલ થયા બાદ તેમના સંબંધોની ચર્ચા થવા લાગી હતી. જો કે, અભિનેત્રીએ આ અંગે ક્યારેય પ્રતિક્રિયા આપી નથી અને ન તો તે સત્તાવાર હોવા અંગે કોઈ માહિતી આપી છે.
અભિનેત્રીએ પોસ્ટ કરીને સતાવાર કર્યું
આ દરમિયાન, અભિનેત્રી શ્રદ્ધા કપૂરે ઇન્સ્ટાગ્રામ પર તેના સંબંધોને સત્તાવાર બનાવ્યા હોવાનું જણાય છે. અભિનેત્રીએ તેની ઇન્સ્ટા સ્ટોરી પર એક સેલ્ફી શેર કરી છે, જેમાં શ્રદ્ધા કપૂર રાહુલ મોદી સાથે પોઝ આપતી જોઈ શકાય છે. મોડી રાત્રે શેર કરાયેલા આ ફોટોના બેકગ્રાઉન્ડમાં ઈશ્ક ફિલ્મનું ગીત ‘નીંદ ચુરાઈ મેરી’ વાગતું સાંભળી શકાય છે. જ્યારે કેપ્શનમાં લખ્યું છે કે, “હૃદય રાખી લે, ઊંઘ પાછી આપી દે યાર રાહુલ મોદી”
View this post on Instagram
અગાઉ, આશિકી 2 અભિનેત્રીએ તેની કેટલીક સેલ્ફી શેર કરી હતી, જેમાં તેના ખુશ ચહેરાએ તેના ચાહકોનો દિવસ બનાવી દીધો હતો. જ્યારે ચાહકોએ R નામનો હાર જોયો, તો ચાહકોએ તેને પૂછવાનું શરૂ કર્યું કે શું આ પ્રેમ વ્યક્ત કરવાની રીત છે. આ તસવીરોની સાથે અભિનેત્રીએ કેપ્શનમાં લખ્યું કે, “કઈ નહીં ભાઈ, રવિવાર છે એટલે કઈ કરી રહી નથી.” વર્ક ફ્રન્ટની વાત કરીએ તો, આ દિવસોમાં શ્રદ્ધા 15 ઓગસ્ટે રિલીઝ થનારી સ્ત્રી 2ના શૂટિંગમાં વ્યસ્ત છે. તાજેતરમાં જ ફિલ્મની પ્રથમ ઝલક જોવા મળી હતી.
આ પણ જુઓ: સોનાક્ષી અને ઝહીરે મિત્રો સાથે સેલિબ્રેટ કરી બેચરલ પાર્ટી, જુઓ PHOTOS
