દક્ષિણ ભારતમાં ગંભીર જળ સંકટ, જળાશયોમાં માત્ર 17% પાણી બચ્યું: CWC રિપોર્ટ

•  આંધ્રપ્રદેશ, તેલંગાણા, કર્ણાટક, કેરળ અને તમિલનાડુ રાજ્યોના જળાશયોમાં પાણીની અછત 

નવી દિલ્હી, 27 એપ્રિલ: ઉનાળાની શરૂઆત સાથે જ દક્ષિણ ભારત ગંભીર જળ સંકટ(South India Water Crisis)નો સામનો કરી રહ્યું છે. આ વિસ્તારમાં પાણી સંગ્રહ કરવાની ક્ષમતા ધરાવતા જળાશયોમાં માત્ર 17 ટકા પાણી જ બાકી છે. સેન્ટ્રલ વોટર કમિશન (CWC)ના બુલેટિનમાંથી આ માહિતી મળી છે. દક્ષિણ પ્રદેશમાં આંધ્રપ્રદેશ, તેલંગાણા, કર્ણાટક, કેરળ અને તમિલનાડુ રાજ્યોનો સમાવેશ થાય છે. CWC દ્વારા ગુરુવારે ભારતના વિવિધ પ્રદેશોમાં જળાશયોના સંગ્રહ સ્તરને લઈને જારી કરવામાં આવેલા બુલેટિનમાં જણાવવામાં આવ્યું હતું કે, દક્ષિણ ભારતમાં પંચની દેખરેખ હેઠળ 42 જળાશયો છે, જેની કુલ સંગ્રહ ક્ષમતા 53.334 BCM (બિલિયન ક્યુબિક મીટર) છે.

🚨Water Crisis: The southern region, including Andhra Pradesh, Telangana, Karnataka, Kerala, and Tamil Nadu, has much less water stored in its reservoirs than usual. Only 17% of the capacity is filled, as per the recent bulletin from the Central Water Commission (CWC). pic.twitter.com/8DCIZitZ7P

— The Przentu (@ThePrzentu) April 27, 2024

પૂર્વીય ક્ષેત્ર, જેમાં આસામ, ઓડિશા અને પશ્ચિમ બંગાળ જેવા રાજ્યોનો સમાવેશ થાય છે, ગયા વર્ષની સરખામણીમાં અને દસ વર્ષની સરેરાશની સરખામણીમાં જળ સંગ્રહ સ્તરમાં સકારાત્મક સુધારો નોંધાયો છે. કમિશને કહ્યું કે, આ વિસ્તારમાં 20.430 BCMની કુલ સંગ્રહ ક્ષમતા ધરાવતા 23 મોનિટરિંગ જળાશયોમાં હાલમાં 7.889 BCM પાણી છે.

જળાશયોમાં માત્ર 17% પાણી જ બચ્યું! 

તાજેતરના અહેવાલ મુજબ, આ જળાશયોમાં વર્તમાન કુલ સંગ્રહ 8.865 BCM છે, જે તેમની કુલ ક્ષમતાના માત્ર 17 ટકા છે. આ આંકડા ગયા વર્ષના સમાન સમયગાળા દરમિયાનના સંગ્રહના સ્તર (29 ટકા) અને આ જ સમયગાળામાં દસ વર્ષની સરેરાશ (23 ટકા) કરતાં ઘણા ઓછા છે. દક્ષિણ ક્ષેત્રના જળાશયોમાં સંગ્રહનું નીચું સ્તર આ રાજ્યોમાં વધતી જતી પાણીની અછત અને સિંચાઈ, પીવાના પાણી અને જળવિદ્યુત માટે સંભવિત પડકારોનું સંકેત છે.

પૂર્વ વિસ્તારના જળ સંગ્રહ સ્તરમાં સુધારો

તેનાથી વિપરીત, પૂર્વીય પ્રદેશ, જેમાં આસામ, ઓડિશા અને પશ્ચિમ બંગાળ જેવા રાજ્યોનો સમાવેશ થાય છે, ગયા વર્ષની સરખામણીમાં અને દસ વર્ષની સરેરાશની સરખામણીમાં જળ સંગ્રહ સ્તરમાં સકારાત્મક સુધારો નોંધાયો છે. કમિશને જણાવ્યું હતું કે, આ પ્રદેશમાં20.430 BCMની કુલ સંગ્રહ ક્ષમતા ધરાવતા 23 મોનિટરિંગ જળાશયોમાં હાલમાં 7.889 BCM પાણી છે, જે તેમની કુલ ક્ષમતાના 39 ટકા છે. આ ગયા વર્ષના સમાન સમયગાળા (34 ટકા) અને દસ વર્ષની સરેરાશ (34 ટકા) ની સરખામણીમાં સુધારો દર્શાવે છે.

પશ્ચિમ ક્ષેત્રમાં ગુજરાત અને મહારાષ્ટ્રનો સમાવેશ થાય છે અને ત્યાં સંગ્રહ સ્તર 11.771 BCM છે જે 49 મોનિટરિંગ જળાશયોની કુલ ક્ષમતાના 31.7 ટકા છે. આ ગયા વર્ષના સંગ્રહ સ્તર (38 ટકા) અને દસ વર્ષની સરેરાશ (32.1 ટકા) કરતાં ઓછું છે. તેવી જ રીતે, ઉત્તર અને મધ્ય પ્રદેશોમાં પણ જળ સંગ્રહ સ્તરમાં ઘટાડો જોવા મળ્યો છે.

આ પણ જુઓ: દેશના ચાર એરપોર્ટને બોમ્બથી ઉડાવી દેવાની ધમકી બાદ હડકંપ મચ્યો, CISFને મળ્યો ઈ-મેલ