વાંદરાને રેલવે કે મેટ્રોમાં મુસાફરી કરતો જોયો? જૂઓ આ વાયરલ વીડિયો
HD ન્યૂઝ ડેસ્ક, 31 જુલાઈ: સોશિયલ મીડિયા પ્લેટફોર્મ પર દિવસભર કંઇક ને કંઇક વાયરલ થતું રહે છે. ક્યારેક કોઈ વીડિયો વાયરલ થાય છે તો ક્યારેક ફની પોસ્ટ વાઈરલ થાય છે. જો તમે સોશિયલ મીડિયા પ્લેટફોર્મ પર એક્ટિવ છો તો તમે પણ આવા વીડિયો જોયા જ હશે. અને તમે એ પણ જાણતા હશો કે દર થોડા દિવસે દિલ્હી મેટ્રોનો કોઈને કોઈ વીડિયો વાયરલ થાય છે. હાલમાં જ એક વીડિયો વાયરલ થયો હતો જેમાં બે લોકો એકબીજા સાથે લડતા જોવા મળ્યા હતા. જે બાદ હવે સોશિયલ મીડિયા પ્લેટફોર્મ પર વધુ એક વીડિયો પ્રકાશમાં આવ્યો છે જેમાં એક અલગ જ દ્રશ્ય જોવા મળી રહ્યું છે. આવો તમને આ નવા વાયરલ વીડિયો વિશે જણાવીએ.
વાયરલ વીડિયોમાં શું જોવા મળ્યું?
તમે બધાએ મેટ્રોમાં મુસાફરી કરી જ હશે. દિલ્હી મેટ્રોમાં પણ મુસાફરી કરી હશે. ક્યારેક તમે મેટ્રોમાં ઘણી ભીડ જોઈ હશે તો ક્યારેક તમે બહુ ઓછા મુસાફરો પણ જોયા જ હશે. પરંતુ શું તમે ક્યારેય વાંદરાને મેટ્રોમાં મુસાફરી કરતા જોયા છે? હાલમાં સોશિયલ મીડિયા પર વાયરલ થઈ રહેલા વીડિયોમાં મેટ્રોની અંદર એક વાંદરો દેખાઈ રહ્યો છે. ડ્રાઇવર વિનાની મેટ્રોમાં આ વાંદરો ક્યારેક સીટ પર આવતો જોવા મળે છે તો ક્યારેક કૂદીને બીજે ક્યાંક જતો જોવા મળે છે. શક્ય છે કે આ વાંદરો મેટ્રોની અંદર આવ્યો હોય અને બહાર જતા પહેલા તેના દરવાજા બંધ થઈ ગયા હશે. અત્યારે આ વીડિયો સોશિયલ મીડિયા પર વાયરલ થઈ રહ્યો છે.
અહીં જૂઓ વાયરલ વીડિયો:
View this post on Instagram
આ વીડિયોને ઈન્સ્ટાગ્રામ પર Nationalcapitaldelhi નામના પેજ પરથી શેર કરવામાં આવ્યો છે. સમાચાર લખાય છે ત્યાં સુધી આ વીડિયોને 26 હજારથી વધુ લોકો જોઈ ચૂક્યા છે. વીડિયો જોયા બાદ એક યુઝરે લખ્યું- આ ટિકિટ વિનાનો પ્રવાસી છે. તો અન્ય એક યુઝરે લખ્યું- તેને દર્શન માટે ઝંડેવાલન જવું હશે. એક યુઝરે જય શ્રી રામ લખ્યું અને બીજા યુઝરે હસતું ઈમોજી શેર કર્યું છે.
આ પણ વાંચો: એક ફોટાની ઘેલછામાં માતાએ બાળકોની જિંદગી કેવી રીતે જોખમમાં મૂકી, જૂઓ
