અમેરિકી રાષ્ટ્રપતિની સુરક્ષામાં ચૂક ! વ્હાઇટ હાઉસના ગેટ સાથે અથડાઇ કાર, ડ્રાઇવરનું મોત
ન્યુયોર્ક, 5 મે : અમેરિકાની રાજધાની વોશિંગ્ટનમાં એક કાર વ્હાઇટ હાઉસના બહારના દરવાજા સાથે અથડાઈ હતી. શનિવારે રાત્રે લગભગ 10.30 વાગ્યાનો સમય છે. અથડામણ થતાં જ બિલ્ડિંગની સુરક્ષા માટે તૈનાત જવાનોના હોશ ઉડી ગયા હતા. જણાવવામાં આવી રહ્યું છે કે કાર ચાલકનું ઘટનાસ્થળે જ મોત નીપજ્યું હતું. અથડામણનો અવાજ દૂર સુધી સંભળાયો. વોશિંગ્ટન પોલીસ અને વ્હાઇટ હાઉસે હજુ સુધી આ મામલે કોઈ પ્રતિક્રિયા આપી નથી. આ સુરક્ષામાં ખામી છે કે અકસ્માત હતો તે કહેવું વહેલું છે. વ્હાઇટ હાઉસ એ યુએસ પ્રમુખનું સત્તાવાર નિવાસસ્થાન અને કાર્યાલય છે.
અથડામણ બાદ ગેટ સંપૂર્ણપણે ક્ષતિગ્રસ્ત થઈ ગયો છે. અમેરિકન ગુપ્તચર એજન્સી દ્વારા કહેવામાં આવ્યું છે કે કાર વ્હાઇટ હાઉસના એક ગેટ સાથે ટકરાઈ છે. જ્યારે અધિકારીઓ ઘટના સ્થળે પહોંચ્યા ત્યારે ડ્રાઈવર મૃત હાલતમાં મળી આવ્યો હતો. સુરક્ષા પ્રોટોકોલ મુજબ વ્હાઇટ હાઉસને કોઇ ખતરો નથી. ડ્રાઈવરની ઓળખ હજુ થઈ નથી. આ ડ્રાઈવર કોણ હતો અને તે વાહન લઈને અહીં કેવી રીતે પહોંચ્યો? આ અંગે હજુ તપાસ ચાલી રહી છે.
Hmm..Just a traffic accident?
Driver dies after crashing into White House perimeter gate, Secret Service says https://t.co/1PKYIYrGz4 via @69News— Judith Smith (@s66554694) May 5, 2024
અકસ્માત કે હુમલો, હજુ નક્કી નથી
પોલીસ હજુ સુધી એ કહી શકી નથી કે અથડામણ આયોજનબદ્ધ હતી કે વાસ્તવિક અકસ્માત. ઘટનાની તપાસ હજુ ચાલુ છે. અમેરિકન ઈન્ટેલિજન્સ એજન્સીના જણાવ્યા અનુસાર, સિક્રેટ સર્વિસના લોકો આ મામલે તપાસ કરી રહ્યા છે. બાદમાં તપાસની જવાબદારી વોશિંગ્ટન મેટ્રોપોલિટન પોલીસ વિભાગને પણ આપવામાં આવી શકે છે. કાર ક્યારે ટકરાઈ તે હજુ સુધી જાણી શકાયું નથી. રાષ્ટ્રપતિ જો બિડેન તે સમયે અંદર હતા કે નહીં. આ અંગે કોઈ અધિકારી જણાવવા આગળ આવ્યા નથી. જોકે વ્હાઇટ હાઉસ અમેરિકામાં સૌથી સુરક્ષિત સ્થળ માનવામાં આવે છે. પરંતુ આવી ઘટના બાદ સુરક્ષાને લઈને પણ સવાલો ઉભા થયા છે.
આ પણ વાંચોઃ અજમલ કસાબ તો નિર્દોષ હતોઃ મહારાષ્ટ્રમાં કોંગ્રેસના ધારાસભ્યે કર્યો આતંકીનો બચાવ
