માત્ર ₹20 માં ₹2 લાખનું કવર: મોદી સરકારની આ યોજના છે જબરદસ્ત સ્કીમ!

કેન્દ્ર સરકારની ઘણી એવી યોજનાઓ છે જે ગરીબો અને સામાન્ય જનતાને ધ્યાનમાં રાખીને શરૂ કરવામાં આવી હતી. આવી જ એક યોજના છે પ્રધાનમંત્રી સુરક્ષા વીમા યોજના (PMSBY). આ યોજના હેઠળ માત્ર ₹20 પ્રતિ વર્ષ ના પ્રીમિયમ પર ₹2 લાખ નું વીમા કવર મળે છે. ચાલો આ યોજનાઓ વિશે વિગતવાર જાણીએ.

 પ્રધાનમંત્રી સુરક્ષા વીમા યોજના (PMSBY)

• કવર: અકસ્માતને કારણે મૃત્યુ અથવા વિકલાંગતાની સ્થિતિમાં ₹2 લાખ સુધીનું આકસ્મિક મૃત્યુ અને વિકલાંગતા કવર આપવામાં આવે છે.

• પાત્રતા: 18 થી 70 વર્ષની વયના લોકો.

• પ્રીમિયમ: માત્ર ₹20 પ્રતિ વર્ષ (જે પ્રતિ માસ ₹2 કરતાં પણ ઓછું છે).

• સમયગાળો: આ યોજનાનું કવર 1 જૂનથી 31 મે સુધી એક વર્ષના સમયગાળા માટે હોય છે.

• નોંધણી પ્રક્રિયા: દર વર્ષે 31 મે સુધી નિર્ધારિત ફોર્મ્સ પર નામાંકિત વ્યક્તિગત બેંક/પોસ્ટ ઓફિસ ખાતામાંથી ઓટો-ડેબિટ દ્વારા જોડાવાનો વિકલ્પ આપવો પડે છે.

• નોંધ: કોઈ વ્યક્તિ એક કે વિવિધ બેંકો/પોસ્ટ ઓફિસોમાં અનેક ખાતા ધરાવતી હોય તો પણ, તે વ્યક્તિ માત્ર એક જ બેંક/પોસ્ટ ઓફિસ ખાતા દ્વારા આ યોજનામાં જોડાવા માટે પાત્ર છે.

પ્રધાનમંત્રી જીવન જ્યોતિ વીમા યોજના (PMJJBY)

પ્રધાનમંત્રી સુરક્ષા વીમા યોજનાની જેમ જ, પ્રધાનમંત્રી જીવન જ્યોતિ વીમા (PMJJBY) પણ એક મહત્ત્વપૂર્ણ યોજના છે:

• કવર: આ યોજના હેઠળ ₹2 લાખનું જીવન વીમા કવર મળે છે.

• પાત્રતા: 18 થી 50 વર્ષની વયના તમામ વ્યક્તિગત બેંક/પોસ્ટ ઓફિસ ખાતાધારકો, જેઓ જોડાવા/ઓટો-ડેબિટ માટે પોતાની સંમતિ આપે છે.

• પ્રીમિયમ: ₹436 પ્રતિ વર્ષ.

• પ્રીમિયમ ચૂકવણી: ખાતાધારકના બેંક/પોસ્ટ ઓફિસ ખાતામાંથી ‘ઓટો ડેબિટ’ સુવિધા દ્વારા એક હપ્તામાં પ્રીમિયમ કાપવામાં આવે છે.

• દાવા રકમ: કોઈપણ કારણોસર ગ્રાહકનું મૃત્યુ થાય તો નોમિનીને ₹2 લાખ નું ચૂકવણું કરવામાં આવશે.

• ગ્રેસ પિરિયડ: નોંધણીની તારીખથી 30 દિવસની ક્લેમ ન કરી શકાય તેવી અવધિ (lock-in period) લાગુ થશે.

આ બંને યોજનાઓ ખૂબ જ ઓછા પ્રીમિયમે સામાન્ય લોકોને આર્થિક સુરક્ષા પૂરી પાડવાનો કેન્દ્ર સરકારનો મોટો પ્રયાસ છે.