બહેન રિયાએ શેયર કર્યો સોનમ કપૂરના પુત્રનો પ્રથમ ફોટો
તાજેત્તરમાં જ બોલિવૂડ અભિનેત્રી સોનમ કપૂરે ચાહકો સાથે માતા બનવાની ખુશખબરી શેયર કરી છે. હવે તેમના પુત્રની પ્રથમ ઝલક સામે આવી છે. તમને જણાવી દઈએ કે 20 ઓગસ્ટ 2022ના રોજ સોનમ કપૂરનો પુત્ર આ દુનિયામાં આવ્યો હતો. આ સારા સમાચાર બાદ તમામ ચાહકો સોનમના બાળકની પહેલી ઝલકની આતુરતાથી રાહ જોઈ રહ્યા હતા.
વર્ષ 2018માં લંડન સ્થિત ઉદ્યોગપતિ આનંદ આહુજા લગ્ન કર્યા
સોનમની પ્રોફેશનલ લાઇફ વિશે વાત કરવામાં આવે તો તે છેલ્લે વર્ષ 2019 માં રિલીઝ થયેલી ફિલ્મ ઝોયા ફેક્ટરમાં જોવા મળી હતી. આ ફિલ્મમાં દુલકર સલમાન મુખ્ય ભૂમિકામાં હતા. જોકે ફિલ્મને સારો પ્રતિસાદ મળ્યો નહોતો.અભિનેત્રી સોનમ કપૂર અને પતિ આનંદ આહુજા એ બોલીવુડના લોકપ્રિય સ્ટાર કપલમાંના એક ગણાય છે.તમને જણાવી દઈએ કે, સોનમ કપૂર વર્ષ 2018માં લંડન સ્થિત ઉદ્યોગપતિ આનંદ આહુજા સાથે એક પ્રાયવેટ સેરેમનીમાં લગ્નના બંધને બંધાઈ હતી. આજે સોનમે બાળકને જન્મ આપતા જ તેના ચાહકો ખુબ જ પ્રેમ વરસાવી રહ્યા છે.
એક પુત્રને આપ્યો જન્મ
સોનમ કપૂર તેની પ્રેગ્નન્સીને લઈને ઘણા સમયથી ચર્ચામાં હતી. પરંતુ લાંબી રાહ જોયા બાદ આખરે શનિવારે તે માતા બની છે અને તેણે એક સુંદર પુત્રને જન્મ આપ્યો છે. સોનમ કપૂરની ડિલિવરીનો ખુલાસો રણબીર કપૂરની માતા નીતુ કપૂરે કર્યો છે. તેણે સોનમ અને આનંદ દ્વારા જાહેર કરાયેલી પોસ્ટ શેર કરીને તેણીને અભિનંદન પાઠવ્યા હતા.સોનમ કપૂર (Sonam Kapoor) અને આનંદ આહુજા અવારનવાર સોશિયલ મીડિયા પર પોતાની તસવીરો શેયર કરતા રહે છે. તે બંને સોશિયલ મીડિયા પર ખૂબ જ એક્ટિવ રહે છે.
સોનમ-આનંદના લગ્નના ચાર વર્ષ
સોનમ કપૂર અને આનંદ આહુજાના લગ્નને ચાર વર્ષ થઈ ગયા છે. બંને કપલે તાજેતરમાં જ તેમના લગ્નની ચોથી વર્ષગાંઠની ઉજવણી કરી હતી. આ પ્રસંગે આનંદે સોનમ કપૂર માટે એક સુંદર પોસ્ટ પણ લખી હતી. સોશિયલ મીડિયા પર પોસ્ટ શેયર કરતા આનંદે લખ્યું, ‘દુનિયાના સૌથી નિઃસ્વાર્થ અને ઉદાર વ્યક્તિ. તમે ખૂબ જ દયાળુ વ્યક્તિ છો. તમે હંમેશા મને પ્રેરણા આપી છે. લગ્નની વર્ષગાંઠ પર ખૂબ ખૂબ અભિનંદન.
