પ્રિયંકા ચોપરાએ આ સ્ટાર કિડને ગણાવી બોલિવૂડની આગામી સુપરસ્ટાર

પ્રિયંકા ચોપરા આ દિવસોમાં તેની આગામી વેબ સિરીઝ ‘સિટાડેલ’ના પ્રમોશનમાં વ્યસ્ત છે. આવનારા સમયમાં પ્રિયંકા ચોપરા પાસે ઘણા મોટા પ્રોજેક્ટ છે જેમાં ફિલ્મ ‘જી લે જરા’નું નામ પણ સામેલ છે. ત્યારે તાજેતરમાં જ પ્રિયંકા ચોપરા બોલિવૂડની આગામી સુપરસ્ટાર કોણ હશે તેને લઈને નિવેદન આપ્યું છે.

બોલિવૂડની આગામી સુપરસ્ટારનું નામ પ્રિયંકાએ કર્યું જાહેર

બોલિવૂડથી હોલિવૂડની સફર કરી ચૂકેલી પ્રિયંકા ચોપરા હંમેશા કોઈને કોઈ કારણસર ચર્ચામાં રહે છે. ત્યારે તાજેતરમાં જ પ્રિયંકા ચોપરાનો એક વીડિયો સોશિયલ મીડિયા પર ખુબ વાયરલ થઈ રહ્યો છે જેમાં પ્રિયંકા ચોપરા બોલિવૂડની આગામી સુપરસ્ટારનું નામ લઈ રહી છે.

પ્રિયંકા ચોપરાએ અભિનેત્રી અલાયા એફનું નામ આપ્યું

એક ઈન્ટરવ્યુ દરમિયાન જ્યારે પ્રિયંકા ચોપરાને પૂછવામાં આવ્યું કે બોલિવૂડની આગામી સુપરસ્ટાર કોણ હશે તો તેણે અભિનેત્રી અલાયા એફનું નામ લીધું. પ્રિયંકા ચોપરાનો આ વીડિયો સોશિયલ મીડિયા પર છવાયેલો છે, જેને જોઈને યુઝર્સ તેના પર પોતાની પ્રતિક્રિયા આપી રહ્યા છે.

પ્રિયંકા ચોપરાએ અલાયા વિશે કહી આ વાત

આ દિવસોમાં પ્રિયંકા ચોપરા તેની વેબ સિરીઝ ‘સિટાડેલ’ના પ્રમોશનમાં વ્યસ્ત છે. ત્યારે તાજેતરમાં જ એક ઇવેન્ટમાં તેણે બોલિવૂડની આગામી સુપરસ્ટારનું નામ આપ્યું છે. વાયરલ થઈ રહેલા વીડિયોમાં પ્રિયંકા ચોપરા કહી રહી છે કે ‘મને ખરેખર આલિયા ફર્નિચરવાલા ખુબ ગમે છે, તે પૂજા બેદીની દીકરી છે. મને લાગે છે કે થોડા વર્ષોમાં ખબર પડશે કે હું સાચો છું કે નહીં’

યુઝર્સે આપી આ પ્રતિક્રિયા

આ વીડિયો પર કોમેન્ટ કરતા યુઝર્સ લખી રહ્યા છે કે હવે અલાયા એફને સારી ફિલ્મો મળવા લાગશે કારણ કે પ્રિયંકા ચોપરાએ તેનું નામ લીધું છે. તમને જણાવી દઈએ કે આલિયાએ બોલિવૂડ એક્ટર સૈફ અલી ખાન સાથે બોલિવૂડમાં ડેબ્યૂ કર્યું હતું.

અલાયાએ પ્રિયંકાનો આભાર માનતી પોસ્ટ કરી

પ્રિયંકાની આ જાહેરાત બાદ અલાયાના આનંદનો પાર નથી. તેણે પ્રિયંકાનો ખાસ આભાર માન્યો છે. પ્રિયંકાની આ વાતથી આનંદિત અલાયાએ તેની ઇન્સ્ટાગ્રામ સ્ટોરી પર પ્રિયંકા ચોપરાનો આ વીડિયો શેર કરતી વખતે એક ખાસ નોંધ લખી છે. આલિયાએ લખ્યું, ‘હું કેવું અનુભવું છું તે શબ્દોમાં વર્ણવી શકતી નથી. જ્યારે તમારો સૌથી પ્રિય સ્ટાર તમારું નામ લે છે જ્યારે કોઈ તેને પૂછે છે કે આગામી સુપરસ્ટાર કોણ હશે, તો આનાથી વધુ સારી લાગણી દુનિયામાં કોઈ હોઈ શકે નહીં… આભાર-આભાર પ્રિયંકા ચોપરા”

આ પણ વાંચો : માણેકચોક બજારને લઈને મોટા સમાચાર, આ દિવસથી મળશે ટેબલ-ખુરશી