મોટી રાહત: ગેસ સિલિન્ડરના ભાવમાં 59 રુપિયાનો ઘટાડો થયો, જાણો હવે કેટલામાં મળશે એક બાટલો

નવી દિલ્હી, 1 જૂલાઈ 2025: ઓઇલ માર્કેટિંગ કંપનીઓએ ફરી એકવાર કોમર્શિયલ એલપીજી ગેસ સિલિન્ડરના ભાવમાં સુધારો કર્યો છે. આ વખતે ૧૯ કિલોગ્રામના કોમર્શિયલ સિલિન્ડરના ભાવમાં ૫૮.૫૦ રૂપિયાનો ઘટાડો કરવામાં આવ્યો છે. આ નવા દર ૧ જુલાઈ એટલે કે આજથી દેશભરમાં લાગુ થશે. ત્યારબાદ દિલ્હીમાં ૧૯ કિલોગ્રામના કોમર્શિયલ એલપીજી સિલિન્ડરનો છૂટક વેચાણ ભાવ આજથી ૧૬૬૫ રૂપિયા થશે. ૧૪.૨ કિલોગ્રામના ઘરેલુ સિલિન્ડરના ભાવમાં કોઈ ફેરફાર કરવામાં આવ્યો નથી.

આ ઘટાડાથી હોટલ, રેસ્ટોરન્ટ, ઢાબા અને અન્ય કોમર્શિયલ સંસ્થાઓને થોડી રાહત મળી શકે છે, જે મોટા પ્રમાણમાં કોમર્શિયલ ગેસ સિલિન્ડરનો ઉપયોગ કરે છે. તે જ સમયે, ઘરેલુ LPG સિલિન્ડરના ભાવમાં કોઈ ફેરફાર કરવામાં આવ્યો નથી. ઘરેલુ સિલિન્ડર તેમના જૂના ભાવે જ મળતા રહેશે.

ગેસ સિલિન્ડરના ભાવમાં સુધારો

અહીં ઉલ્લેખનિય છે કે ઓયલ કંપનીઓએ અગાઉ 1 જૂને કોમર્શિયલ LPG ગેસ સિલિન્ડરના ભાવમાં સુધારો કર્યો હતો. આ દરમિયાન, 19 કિલોગ્રામ કોમર્શિયલ સિલિન્ડરના ભાવમાં 24 રૂપિયાનો ઘટાડો કરવામાં આવ્યો હતો. ત્યારબાદ હવે દિલ્હીમાં 19 કિલોગ્રામ કોમર્શિયલ LPG સિલિન્ડરનો ભાવ 1723.50 રૂપિયા થઈ ગયો છે. જ્યારે પહેલા તેની કિંમત 1747.50 રૂપિયા હતી.

LPG સિલિન્ડરના ભાવની સમીક્ષા

તેલ કંપનીઓ દર મહિનાની પહેલી તારીખે LPG સિલિન્ડરના ભાવની સમીક્ષા કરે છે અને આંતરરાષ્ટ્રીય ક્રૂડ ઓઇલના ભાવ, રૂપિયાની સ્થિતિ અને અન્ય બજારની સ્થિતિના આધારે તેમના દરમાં ફેરફાર કરે છે. મે 2024 માં પણ કોમર્શિયલ ગેસ સિલિન્ડરના ભાવમાં ઘટાડો કરવામાં આવ્યો હતો. સતત બે મહિનામાં આ ઘટાડો બજાર માટે, ખાસ કરીને રેસ્ટોરાં અને ખાદ્ય ઉદ્યોગ જેવા ક્ષેત્રો માટે રાહત માનવામાં આવે છે.

આ પણ વાંચો: હજારોનો ભોગ લેનારી ભોપાલ ગેસ દુર્ઘટનાનો અંત? ટનબદ્ધ યુનિયન કાર્બાઇડ ઝેરી કચરાનું શું કરાયું? વાંચો