પેટ્રોલ પંપ બની રહ્યા છે ક્રેડિટ કાર્ડ છેતરપિંડીનું હોટસ્પોટ, જુઓ વાયરલ વીડિયો
નવી દિલ્હી, તા.29 માર્ચ, 2025: આજકાલ અનેક પ્રકારના કૌભાંડો વધી રહ્યા છે. આમાં ક્રેડિટ કાર્ડ છેતરપિંડીનો પણ સમાવેશ થાય છે. આજના સમયમાં ક્રેકિડ કાર્ડ સ્કેમ એક મોટી સમસ્યા બની ગઈ છે. જેમાં કાર્ડની માહિતી સ્કિમિંગ ડિવાઇસ અથવા અન્ય માધ્યમથી ચોરી કરવામાં આવે છે. જો તમે પણ ક્રેડિટ કાર્ડનો ઉપયોગ પેટ્રોલ પંપ પર કરો છો તો તમારે સાવધાન થઈ જવું જોઈએ, નહીંતર ક્યારેક તમે પણ મુસીબતમાં મુકાઈ શકો છો. પેટ્રોલ પંપ ક્રેડિટ કાર્ડની છેતરપિંડીનો એક વીડિયો હાલ સોશિયલ મીડિયામાં વાયરલ થયો છે. જે બાદ લોકો મુંઝવણમાં મુકાઈ ગયા છે.
છેતરપિંડી માટે સ્કેમર્સ આ પદ્ધતિઓ અપનાવી રહ્યા છે
- સ્કિમિંગ ડિવાઇસ દ્વારા ડેટા એકત્રિત કરીને છેતરપિંડી કરવામાં આવી રહી છે. આમાં, પંપના કાર્ડ રીડર પર નકલી ઉપકરણ લગાવવામાં આવ્યું હતું.
- પેટ્રોલ ભર્યા પછી, કર્મચારી ખોટી રકમ સ્વાઇપ કરી શકે છે.
- તમારા કાર્ડની માહિતીની નકલ કરી શકાય છે અને છેતરપિંડી કરવા માટે નકલી કાર્ડ બનાવી શકાય છે.
- કર્મચારીને કોઈ વાતચીતમાં વ્યસ્ત કરીને તમારું ધ્યાન ભટકાવીને ખોટી રકમ વસૂલ કરી શકે છે
View this post on Instagram
પેટ્રોલ પંપ પર ડેબિટ કાર્ડ અને ક્રેડિટ કાર્ડ દ્વારા થતી છેતરપિંડીથી બચવા માટેની ટિપ્સ
1.કાર્ડ રીડર તપાસો
તમે તમારું કાર્ડ સ્વાઇપ કરતા પહેલા કાર્ડ રીડર ચકાસી શકો છો. જો રીડર ઢીલો, અસામાન્ય અથવા શંકાસ્પદ લાગે, તો તે પંપનો ઉપયોગ કરશો નહીં. જો કાર્ડ રીડર વાંકો હોય અથવા કોઈપણ રીતે છેડછાડ કરવામાં આવી હોય તેવું લાગે, તો તાત્કાલિક તેની જાણ કરો.
2. કોન્ટેક્ટલેસ ચુકવણી તમને છેતરપિંડીથી બચાવશે
જો તમે આવી છેતરપિંડીથી બચવા માંગતા હો, તો ટેપ-ટુ-પે અથવા મોબાઇલ વોલેટ જેવા કોન્ટેક્ટલેસ પેમેન્ટ વિકલ્પોનો ઉપયોગ કરો. આમ કરવાથી કાર્ડ સ્કિમિંગનું જોખમ ઓછું થશે.
૩. વ્યવહારો પર નજર રાખો
જ્યારે પણ તમે ચુકવણી કરો છો, ત્યારે તેના પર નજર રાખો. ખાતરી કરો કે વ્યવહાર તમારી હાજરીમાં થાય છે અને વ્યવહારની રકમ સાચી છે. વ્યવહાર પૂર્ણ થતાંની સાથે જ, કાર્ડ પાછું લો અને ચુકવણીની રસીદ મેળવો.
4. વ્યવહારો તપાસતા રહો
જ્યારે તમે ચુકવણી કરો છો, ત્યારે તમે બેંક તરફથી મળેલા ઇમેઇલ અથવા SMS દ્વારા પણ તપાસ કરી શકો છો. જો સમયસર છેતરપિંડી મળી આવે, તો ચુકવણીને ટ્રેક કરવાનું સરળ બને છે.
- વિશ્વાસુ પંપ પસંદ કરો
હંમેશા પ્રતિષ્ઠિત અને વિશ્વસનીય પેટ્રોલ પંપ પસંદ કરો. આવી જગ્યાએ, છેતરપિંડીની શક્યતા ઓછી હોય છે.
આ પણ વાંચોઃ મ્યાનમારમાં ભૂકંપથી સોનાનો બનેલો મહામુનિ પગોડા તબાહ, ભારતે કરાવ્યો હતો જીર્ણોદ્ધાર
