ધોનીના ખોળામાં દીકરી ઝીવા સાથે સુશાંત સિંહ રાજપૂતની જૂની તસવીર વાયરલ
- સુશાંત સિંહ રાજપૂતની એક જૂની તસવીર સોશિયલ મીડિયા ઉપર થઈ રહી છે વાયરલ
- તસવીરમાં સુશાંત સિંહ ધોનીની દીકરી ઝીવા સાથે મસ્તી કરતો જોવા મળી રહ્યો છે
HD ન્યૂઝ ડેસ્ક, 24 એપ્રિલ: દિવંગત બોલિવૂડ સ્ટાર સુશાંત સિંહ રાજપૂતની એક જૂની તસવીર સોશિયલ મીડિયા પર વાયરલ થઈ રહી છે. વાયરલ તસવીરમાં દિવંગત અભિનેતા સ્ટાર ક્રિકેટર મહેન્દ્ર સિંહ ધોનીની પુત્રી ઝીવાને ગળે લગાવતો જોવા મળી રહ્યો છે. આ બ્લેક એન્ડ વ્હાઇટ તસવીરમાં સુશાંત હસતો જોવા મળી રહ્યો છે, જ્યારે પાછળ બેઠેલો ધોની બંનેને જોઈને હસતો જોવા મળે છે. તસવીર જોઈને સોશિયલ મીડિયા યુઝર્સ ઈમોશનલ થઈ ગયા હતા.
લોકોએ કહ્યું સુશાંતને કોઈ ક્યારેય ભૂલી શકતા નથી
સુશાંત સિંહ રાજપૂતની જૂની તસવીર સોશિયલ મીડિયા પર વાયરલ થયા બાદ લોકો સુશાંતને યાદ કરી રહ્યા છે. યુઝર્ષ કહી લખી રહ્યા છે કે, ‘તમને હું ખૂબ યાદ કરું છું.’ અન્ય એક યુઝરે લખ્યું છે કે, ‘લિજેન્ડ્સ ક્યારેય મરતા નથી, અન્ય એકએ લખ્યું છે કે, ‘સુશાંત એક એવું નામ છે જેને લોકો ક્યારેય ભૂલી શકતા નથી.’
View this post on Instagram
સોશિયલ મીડિયામાં વાયરલ થઈ રહેલો આ ફોટો 2016નો છે, જ્યારે સુશાંત સિંહ રાજપૂતે બાયોપિક ‘એમએસ ધોનીઃ ધ અનટોલ્ડ સ્ટોરી’માં ધોનીની ભૂમિકા ભજવી હતી. આ ફિલ્મમાં કિયારા અડવાણી અને દિશા પટણી પણ જોવા મળ્યા હતા.
સુશાંત સિંહ અંકિતાને પણ લઈ ગયો હતો ધોનીના ઘરે
સુશાંત તેની ગર્લફ્રેન્ડ અંકિતા લોખંડે સાથે ધોનીના ઘરે પહોંચ્યો હતો. જોકે, બાયોપિક બનાવતો હોવાના કારણે સુશાંત સિંહ ધોનીના ઘરે અવાર નવાર જતો હતો અને અંકિતાને પણ એક વખત ધોનીના ઘરે મળવા માટે લઈ ગયો હતો. આ સમયે સુશાંત અને અંકિતાએ ધોનીની દિકરી ઝીવા સાથે ઘણો સમય વિતાવ્યો હતો અને તેમની તસવીરો આજે પણ સોશિયલ મીડિયા પર દરેકનું દિલ જીતી રહી છે.
સુશાંતના મૃત્યુને 4 વર્ષ થઈ ગયા
સુશાંત સિંહ રાજપૂત જૂન 2020 માં તેમના મુંબઈના ઘરે મૃત હાલતમાં મળી આવ્યો હતો. સુશાંતના મૃત્યુના 4 વર્ષ પછી પણ આ કેસમાં સીબીઆઈની તપાસ હજુ સુધી કોઈ નિષ્કર્ષ પર પહોંચી નથી. અભિનેતાના ચાહકો અને પરિવારનું કહેવું છે કે તેમના પ્રિય સુશાંત સિંહ રાજપૂતને ન્યાય મળ્યો નથી અને તેઓ સતત તેમના માટે ન્યાયની માંગ કરી રહ્યા છે.
આ પણ વાંચો: માધુરી અને કરિશ્માની અદા અને એનર્જી આજે પણ અકબંધ, જૂઓ વીડિયો
