હું ભલે ગમે ત્યાં રહું, દિલ્હીનું કામ અટકશે નહીં: કેજરીવાલનો સરેન્ડર પહેલા વીડિયો જાહેર

• હું દેશને સરમુખત્યારશાહીથી બચાવવા માટે જેલમાં જઈ રહ્યો છું: કેજરીવાલ

નવી દિલ્હી, 31 મે: દિલ્હીના મુખ્યમંત્રી અરવિંદ કેજરીવાલે જેલમાં આત્મસમર્પણ કરતા પહેલા આજે શુક્રવારે એક વીડિયો સંદેશ જારી કર્યો છે. કેજરીવાલે પોતાના આ સંદેશમાં કહ્યું છે કે, ‘હું ભલે ગમે ત્યાં રહું, અંદર કે બહાર. દિલ્હીનું કામ અટકશે નહીં. મને સુપ્રીમ કોર્ટ દ્વારા પ્રચાર કરવા માટે 21 દિવસની પરવાનગી આપવામાં આવી હતી. આવતીકાલે 1 જૂને 21 દિવસ પૂરા થઈ રહ્યા છે. મારે કાલે શરણે થવું પડશે. હું આવતીકાલે પાછો જેલમાં જઈશ. મને ખબર નથી કે, આ લોકો મને આ વખતે કેટલો સમય જેલમાં રાખશે, પરંતુ મારી એક વાત સાંભળો કે, હું દેશને સરમુખત્યારશાહીથી બચાવવા માટે જેલમાં જઈ રહ્યો છું.”

 

मुझे परसों सरेंडर करना है। माननीय सुप्रीम कोर्ट का बहुत-बहुत शुक्रिया। https://t.co/1uaCMKWFhV

— Arvind Kejriwal (@ArvindKejriwal) May 31, 2024

અરવિંદ કેજરીવાલે આગળ કહ્યું કે, ‘તેઓએ ઘણી વખત મને તોડવાનો પ્રયાસ કર્યો, મને વાળવાનો પ્રયાસ કર્યો. પણ હું નમ્યો નહિ. જ્યારે હું જેલમાં હતો ત્યારે તેઓએ મને ઘણી રીતે ત્રાસ આપ્યો. તેઓએ મારી દવાઓ બંધ કરી દીધી. હું 30 વર્ષથી ગંભીર ડાયાબિટીસનો દર્દી છું. હું દિવસમાં ચાર વખત ઇન્સ્યુલિનના ઇન્જેક્શન લઉં છું. તેઓએ ઘણા દિવસો સુધી મારું ઈન્જેક્શન બંધ કરી દીધું.”

વીડિયોમાં કેજરીવાલે શું કહ્યું? 

મુખ્યમંત્રી કેજરીવાલે વધુમાં કહ્યું કે, ‘હું 50 દિવસ જેલમાં રહ્યો અને આ 50 દિવસમાં મારું વજન 6 કિલો ઘટી ગયું. જ્યારે હું જેલમાં ગયો ત્યારે મારું વજન 70 કિલો હતું. આજે તે 64 કિલો છે. જેલમાંથી છૂટ્યા બાદ પણ મારું વજન વધી રહ્યું નથી. ડોક્ટર્સ કહી રહ્યા છે કે, શરીરમાં કોઈ મોટી બીમારી હોઈ શકે છે, ઘણા ટેસ્ટ કરવા પડશે. મારા પેશાબમાં કીટોનનું સ્તર પણ ખૂબ ઊંચું થઈ ગયું છે. હું શરણાગતિ સ્વીકારવા માટે બપોરે 3 વાગ્યે મારા ઘરેથી નીકળીશ. કદાચ આ વખતે તે મને વધુ ત્રાસ આપશે. પણ હું ઝૂકીશ નહિ.

સીએમ કેજરીવાલે દિલ્હીના લોકોને કહ્યું કે, ‘પોતાનું ધ્યાન રાખો. મને જેલમાં તમારી બહુ ચિંતા થાય છે. જો તમે ખુશ છો તો તમારા કેજરીવાલ પણ ખુશ થશે. અલબત્ત હું તમારી વચ્ચે નહીં રહું, પણ ચિંતા કરશો નહીં. તમારા બધા કામ ચાલતા રહેશે. હું ગમે ત્યાં રહું, અંદર રહું કે બહાર, દિલ્હીનું કામ અટકશે નહીં. તમારી મફત વીજળી, મહોલ્લા ક્લિનિક, હોસ્પિટલ, મફત દવા, સારવાર, મહિલાઓ માટે મફત બસ, મુસાફરી, 24 કલાક વીજળી અને અન્ય તમામ કાર્યો ચાલુ રહેશે.

અરવિંદ કેજરીવાલે વીડિયોમાં માતા-પિતા અને પત્ની વિશે શું કહ્યું?

આત્મસમર્પણ કરતા પહેલા કેજરીવાલે મોટી જાહેરાત કરી અને કહ્યું કે, ‘વાપસી બાદ હું દરેક માતા અને બહેનને દર મહિને હજાર રૂપિયા આપવાનું પણ શરૂ કરીશ. તમારા પરિવારના પુત્ર તરીકે મેં હંમેશા મારી ફરજ નિભાવી છે. આજે હું તમારા પરિવાર માટે કંઈક માંગું છું. મારા માતા-પિતા ખૂબ વૃદ્ધ છે. મારી માતા ખૂબ જ બીમાર રહે છે. હું જેલમાં તેના વિશે ખૂબ ચિંતિત છું. મારી પાછળથી મારા 6 માતા-પિતાની સંભાળ રાખો. તેમના માટે પ્રાર્થના કરો. ભગવાનને પ્રાર્થના કરજો. પ્રાર્થનામાં મોટી શક્તિ છે. જો તમે દરરોજ મારી માતા માટે પ્રાર્થના કરશો, તો તે ચોક્કસપણે સ્વસ્થ રહેશે.

સીએમ કેજરીવાલે વધુમાં કહ્યું કે, ‘મારી પત્ની સુનીતા ખૂબ જ મજબૂત છે. તેણીએ જીવનના દરેક મુશ્કેલ સમયમાં મારો સાથ આપ્યો છે. જ્યારે મુશ્કેલ સમય આવે છે, ત્યારે આખો પરિવાર એક સાથે આવે છે. મને ઘણો સાથ આપ્યો છે. દેશને બચાવવા માટે આપણે બધા સાથે મળીને સરમુખત્યારશાહી સામે લડી રહ્યા છીએ. જો મને કંઈક થાય, હું મરી જાઉં તો પણ દુઃખી ન થાઓ. તમારી પ્રાર્થનાને લીધે આજે હું જીવિત છું. તમારા આશીર્વાદ ભવિષ્યમાં પણ મારું રક્ષણ કરશે. અંતે હું આટલું જ કહેવા માંગુ છું. ભગવાન ઇચ્છશે તો તમારો આ દીકરો જલ્દી પાછો આવશે. ઉલ્લેખનીય છે કે, દિલ્હી દારૂ કૌભાંડ કેસમાં સીએમ અરવિંદ કેજરીવાલે 2 જૂને આત્મસમર્પણ કરવાનું છે.

આ પણ જુઓ: કેજરીવાલનું એ દિલ્હી, જ્યાં પાણી માટે દરરોજ ડોલ અને બેડાં લઈને દોડવું પડે…