‘તારક મહેતા કા ઉલટા ચશ્માં’માં નવા ટપ્પુની એન્ટ્રી, જાણો કોણ છે આ સ્ટાર

ભારતનાં દરેક ઘરમાં જોવાતી કૌટુંબિક ટીવી સિરીયલ ‘તારક મહેતા કા ઉલ્ટા ચશ્માં’નો ટપ્પુ હવે બદલાઈ જશે એટલે કે ગડા પરિવારનો ટપ્પૂુ હવે બદલાઈ જશે. ગોકુલધામ સોસાયટીનો લાડકો અને સૌથી તોફાની ટપ્પુની ભૂમિકામાં હવે નવો ટપ્પૂ કોણ હશે તે જાણવાની સૌની ઈચ્છા છે. નવો ટપ્પુ અગાઉ હિન્દી ટીવી સિરીયલ ‘મેરી ડોલી મેરે અંગના’ માં પણ અભિનય કરી ચુક્યો છે. સૌથી હિટ ટીવી ‘તારક મહેતા કા ઉલ્ટા ચશ્માં’ ટીવી સિરીયલનો નવો ટપ્પુ કોણ છે? આવો જાણીએ નવો ટપ્પુ કોણ છે.

આ પણ વાંચો:‘તારક મહેતા’ની ‘દયાબેને’ બિકીની ટોપમાં કર્યો ડાન્સ, વીડિયો જોઇને ભડક્યા લોકો

દેશની લોકપ્રિય ટીવી સિરીયલ ‘તારક મહેતા કા ઉલ્ટા ચશ્માં’ના દર્શકો માટે દુ:ખદ સમાચાર છે. દર્શકોને આ સમાચારથી ઝટકો લાગ્યો હતો જયારે રાજ અનાદકટ એટલે કે ટપ્પુએ શોને છોડવાની વાત કરી હતી. રાજએ સોશિયલ મીડિયાના માધ્યમથી આ ખબર આપી હતી. સિરીયલના નિર્માતા પણ સુનિશ્ચિત કર્યું હતું કે તેઓ ટૂંક સમયમાં નવા ટપ્પુને લઈને આવશે અને તેઓએ આ વાયદો પૂરો પણ કર્યો. નિર્માતાએ નવા ટપ્પુ સાથે સિરીયલને આગળ વધારવાનું નક્કી કર્યું છે. નવા ટપ્પુ તરીકે નીતિશ ભલૂનીને પસંદ કરવામાં આવ્યો છે ટૂંક સમયમાં નીતીશ ભલૂની ટપ્પુ બનીને દર્શકોનું મનોરંજન કરતો જોવા મળશે.

આ પણ વાંચો:નવા તારક મહેતાની એન્ટ્રી પર શૈલેષ લોઢાએ કર્યો કટાક્ષ

નીતિશ નવો ટપ્પુ હશે

ટૂંક સમયમાં નીતિશ ભલૂની શૂટિંગ શરુ કરશે અને નવા ટપ્પુ તરીકે ટીવી સ્ક્રિન પર આવી દર્શકોનું દિલ જીતવામાં સફળ થયા છે કે નહી તે તો આવનારો સમય જ બતાવશે. આ સાથે જ તમને જણાવી દઈએ કે નવો ટપ્પૂ નીતિશ ભલૂની હિન્દી ટીવી સિરીયલ ‘મેરી ડોલી મેરે આંગન’માં અભિનય કરી ચુક્યો છે. ટીવી ઉદ્યોગમાં નીતીશ માટે આ બહુ મોટો બ્રેક હશે કારણકે 14 વર્ષથી આ ટીવી સિરીયલ દર્શકો માટે નંબર 1 ટીવી સીરીયલ છે.

આ પણ વાંધો:તારક મહેતા કા ઉલ્ટા ચશ્મા ફેમ અભિનેતાનું નિધન, 40 વર્ષની વયે દુનિયાને અલવિદા કહ્યું

ગત ડિસેમ્બરમાં રાજ અનાડકટે આ શો ને અલવિદા કરી દીધો હતો. તે લગભગ 5 વર્ષ સુધી આ ભૂમિકા ભજવતો રહ્યો. જોકે ડિસેમ્બરના થોડા મહિના પહેલાથી રાજ અનાદકટની આ સિરીયલ છોડવાની ચર્ચા ચાલી રહી હતી પરંતુ રાજે કન્ફર્મ કહ્યું ન હતું. પોતાના સોશિયલ મીડિયા પેજ પર પોસ્ટ કરતા લખ્યું હતું કે હેલ્લો દોસ્તો, સમય બધી જ ખબર પર બ્રેક લગાવવાનો સમય આવી ગયો છે, નીલા ફિલ્મ પ્રોડક્શન અને ‘તારક મહેતા કા ઉલ્ટા ચશ્માં’ સાથેની સફર પૂરી થઇ ગઈ છે. આ સફર મારા માટે ખૂબ જ સારી રહી, મે ઘણાબધા મિત્રો બનાવ્યા અને મારા કરિયરનો આ સૌથી શ્રેષ્ઠ તબ્બકો રહ્યો છે.