રામનવમી પર ‘આદિપુરુષ’નું નવું પોસ્ટર રિલીઝ, પોસ્ટરમાં રામ દરબારમાં છે આ સુપર સ્ટાર

• રામ નવમીના અવસર પર ‘આદિપુરુષ’ ફિલ્મનું પોસ્ટર રિલીઝ.
• ‘આદિપુરુષ’ 16 જૂન, 2023ના રોજ IMAX અને 3Dમાં રિલીઝ થશે.
• આ ફિલ્માં પ્રભાસ, કૃતિ સેનન અને સની સિંહ રામ દરબાર પોઝમાં જોવા મળે છે.
• ફિલ્મમાં ભગવાન રામના ધર્મ, બલિદાન અને પરાક્રમની કહાની.

ભગવાન શ્રી રામની જન્મજયંતિ એટલે કે રામ નવમીના અવસરે સમગ્ર દેશમાં જયશ્રી રામનું નામ ગુંજી રહ્યું છે. રામ નામનો ગુંજ ફિલ્મ ઈન્ડસ્ટ્રીમાં પણ સંભળાઈ રહ્યો છે. રામ નવમીના અવસર પર આજે પ્રભાસની ફિલ્મ ‘આદિપુરુષ‘નું નવું પોસ્ટર રિલીઝ કરવામાં આવ્યું છે. મંત્રોના જાપ સાથે ફિલ્મનું નવું પોસ્ટર રિલીઝ કરવામાં આવ્યું છે, જેમાં સાઉથ સુપર સ્ટાર પ્રભાસ, કૃતિ સેનન અને સની સિંહ રામ દરબાર પોઝમાં જોવા મળે છે. પોસ્ટરમાં રામ ભક્ત હનુમાન નીચે બેઠેલા જોવા મળે છે. આ પોસ્ટર સોશિયલ મીડિયા પર આવતાની સાથે જ વાયરલ થઈ ગયું છે.

దుష్ట శిక్షణ శిష్ట రక్షణ కోసం వస్తున్నాడు ఆదిపురుషుడు
జై శ్రీరామ్ జై శ్రీరామ్ రాజా రామ్ ????
#Prabhas #JaiShriRam #Adipursh pic.twitter.com/qXA0GpfNhv

— Prabhas Trends™ (@TrendsPrabhas) March 30, 2023

આદિપુરુષના નવા પોસ્ટરમાં શું છે ખાસ

આદિપુરુષના આ નવા પોસ્ટરમાં પ્રભાસને રાઘવ, કૃતિ સેનનને જાનકી અને સન્ની સિંહને લક્ષ્મણ તરીકે દર્શાવવામાં આવ્યા છે. પોસ્ટરમાં રામ દરબારનો પોઝ બતાવવામાં આવ્યો છે. પોસ્ટરમાં દેવદત્ત નાગે બજરંગબલી તરીકે જોવા મળે છે, જે રાઘવ, જાનકી અને શેષને પ્રણામ કરતા જોવા મળે છે. ફિલ્મમાં ભગવાન રામના ધર્મ, બલિદાન અને પરાક્રમની કહાની બતાવવાનો પ્રયત્ન કરવામાં આવ્યો છે.

આ પણ વાંચો : બાબા રામદેવનો મોટો નિર્ણય, રામ નવમી પર 100 યુવક-યુવતીને બનાવશે સંન્યાસી

PRABHAS: ‘ADIPURUSH’ NEW POSTER IS HERE… On the auspicious occasion of #RamNavni, here’s the #NewPoster of #Adipurush… Stars #Prabhas, #SaifAliKhan, #KritiSanon and #SunnySingh… Directed by #OmRaut… 16 June 2023 release in #IMAX and #3D.#BhushanKumar pic.twitter.com/o0Af4f5ulW

— taran adarsh (@taran_adarsh) March 30, 2023

રામ નવમીથી આદિપુરુષનું પ્રમોશન શરૂ

રામ નવમીનો દિવસ ખૂબ જ શુભ માનવામાં આવે છે. આ જ કારણ છે કે ‘આદિપુરુષ’ની ટીમે ફિલ્મના પ્રમોશન માટે રામ જન્મજયંતિનો દિવસ પસંદ કર્યો છે. ફિલ્મનું પ્રમોશન પણ આજથી શરૂ થશે. આદિપુરુષ એક મોટા બજેટની ફિલ્મ છે. ફિલ્મમાં પ્રભાસના દેખાવની ખૂબ પ્રશંસા થઈ રહી છે. ચાહકો ‘આદિપુરુષ’ની આતુરતાથી રાહ જોઈ રહ્યા છે.

આ પણ વાંચો : 700 વર્ષ બાદ રામનવમી પર ત્રેતાયુગ જેવો શુભ સંયોગ, જાણો તેની ખાસિયત

ફિલ્મ 16 જૂને રિલીઝ થશે

‘આદિપુરુષ’ 16 જૂન, 2023ના રોજ IMAX અને 3Dમાં રિલીઝ થશે. આ ફિલ્મમાં પહેલીવાર પ્રભાસ અને કૃતિ સેનનની જોડી જોવા મળશે. જો કે આ ફિલ્મ રિલીઝ થયા પહેલા જ ઘણા વિવાદોમાં રહી છે. સૈફ અલી ખાને આદિપુરુષમાં રાવણનું પાત્ર ભજવ્યું છે, જેને લઈને ઘણો વિવાદ થયો હતો. આ ફિલ્મનું નિર્દેશન ઓમ રાઉતે કર્યું છે.