‘નામદાર સદીઓથી કામદારો સાથે દુર્વ્યવહાર કરતા આવ્યા છે’, કોંગ્રેસ પર વરસ્યા PM મોદી

મુરૈના (મધ્ય પ્રદેશ), 25 એપ્રિલ: વડાપ્રધાન નરેન્દ્ર મોદીએ ગુરુવારે મધ્યપ્રદેશના મુરેનામાં એક જાહેરસભાને સંબોધી હતી. આ દરમિયાન તેમણે કોંગ્રેસ નેતા રાહુલ ગાંધી પર આકરા પ્રહારો કર્યા હતા. PMએ કહ્યું, કોંગ્રેસના શહેજાદાને મોદીનું અપમાન કરવામાં મજા આવે છે. તે નામદાર છે. હું એક કામદાર છું. હું નામદારના અપમાનને સહન કરીશ. મોદી વિશે ખરીખોટી વાતો કરવામાં તેમને મજા આવે છે. તે કંઈપણ વિચાર્યા વગર બોલી દે છે. હું જોઈ રહ્યો છું કે, સોશિયલ મીડિયામાં, ટીવીમાં, ઘણા બધા લોકો ચિંતા વ્યક્ત કરી રહ્યા છે કે આવી ભાષા સારી નથી. આવી ભાષા દેશના વડાપ્રધાન માટે બોલવી ઠીક નથી.

#WATCH | Addressing the Vijay Sankalp Rally in Morena, Madhya Pradesh, Prime Minister Narendra Modi says, “These days, the prince of Congress is enjoying insulting Modi every day. He keeps on saying anything. Some people are unhappy with such language being used for the Prime… pic.twitter.com/sgVaKhD0Xu

— ANI (@ANI) April 25, 2024

તેઓ નામદાર છે, તો અમે કામદાર છીએ: PM મોદી

તેમણે કહ્યું કે, કેટલાક લોકો ખૂબ જ દુ:ખી છે કે મોદીજીને આ કેમ બોલ્યા. દેશના વડાપ્રધાન માટે આવી ભાષા કેમ વાપરવામાં આવી? શું કોઈ દેશના વડાપ્રધાન વિશે આવું બોલાવે છે? મારી સૌથી મોટી વિનંતી છે કે મહેરબાની કરીને ઉદાસ ન થાઓ. ગુસ્સે થશો નહીં. પીએમ મોદીએ કોંગ્રેસને આડેહાથે લેતા કહ્યું કે,  તમે જાણો છો કે તેઓ નામદાર છે. અમે કામદારો છીએ. નામદાર સદીઓથી આ રીતે કામદારો સાથે દુર્વ્યવહાર કરે છે. તેઓ આ રીતે ઠોકર ખાતા આવ્યા છે.

નમ્ર વિનંતી છે કે નામદારને કંઈ બોલશો નહીં: PM મોદી

પીએમએ કહ્યું, ભાઈ, હું તમારી વચ્ચેથી આવ્યો છું, હું ગરીબીમાંથી બહાર આવ્યો છું. જો ત્યાં 5-50 અપશબ્દો સાંભળવા પડશે તો પણ કોઈ વાંધો નથી. તમે ગુસ્સે થશો નહીં. હું દરેકને કહું છું કે તેઓ તેમની નારાજગી વ્યક્ત ન કરે. તેઓ એટલા નિરાશ છે કે, આગળ પણ વધું કંઈ બોલવાના છે. તમે તમારો સમય બગાડશો નહીં. મારી નમ્ર વિનંતી છે કે નામદારને કંઈ બોલશો નહીં. આપણે કામદાર સહન કરવા જન્મ્યા છીએ. અમે સહન કરીશું અને ભારત માતાની સેવા પણ કરીશું. અમે બિલકુલ પીછેહઠ નહીં કરીએ.”

આ પણ વાંચો: ‘કાન ખોલીને સાંભળી લો, જ્યાં સુધી મોદી જીવિત છે’, PM મોદીએ યુપીના ‘બે છોકરા’ને લીધા આડેહાથ