મુનવ્વર ફારુકીએ મહઝબીન કોટવાલા સાથેના લગ્નને કન્ફર્મ કર્યા, પહેલી વાર સ્વીકાર્યું
- હાલમાં જ મુનવ્વર ફારુકીએ બીજી વખત ગુપચુપ લગ્ન કરીને બધાને ચોંકાવી દીધા હતા. મુનવ્વરે 26 મે 2024ના રોજ મેકઅપ આર્ટિસ્ટ મહઝબીન કોટવાલા સાથે બીજા લગ્ન કર્યા હતા
8 જૂન, મુંબઈઃ ‘બિગ બોસ 17’ના વિજેતા અને સ્ટેન્ડઅપ કોમેડિયન મુનવ્વર ફારુકી હંમેશા પોતાની પ્રોફેશનલ અને પર્સનલ લાઈફને લઈને ચર્ચામાં રહે છે. ઘણીવાર તેના વ્યાવસાયિક અને અંગત જીવન માટે હેડલાઇન્સમાં રહે છે. ક્યારેક તેના કોમેડી શોના કારણે તો ક્યારેક તેના પ્રેમપ્રકરણના કારણે મુનવ્વરે ઘણી લાઈમલાઈટ મેળવી છે. હાલમાં જ મુનવ્વર ફારુકીએ બીજી વખત ગુપચુપ લગ્ન કરીને બધાને ચોંકાવી દીધા હતા. મુનવ્વરે 26 મે 2024ના રોજ મેકઅપ આર્ટિસ્ટ મહઝબીન કોટવાલા સાથે બીજા લગ્ન કર્યા હતા.
ગુપચુપ કર્યા લગ્ન
આ એક ઈન્ટિમેટ વેડિંગ સેરેમની હતી, જેમાં મુનવ્વર અને મહઝબીનના પરિવારના સભ્યો અને અત્યંત નજીકના સંબંધીઓએ હાજરી આપી હતી. લોકોને આ લગ્ન વિશે કોઈ જાણકારી નહોતી. થોડા દિવસો પહેલા આ લગ્ન સમારંભના કેટલાક ફોટા સામે આવ્યા હતા જેમાં મુનવ્વર અને મહઝબીન કેક કાપતા જોવા મળ્યા હતા. આ તસવીરો ખૂબ વાયરલ થઈ હતી, બિગ બોસના વિજેતાએ તેના પર મૌન જાળવ્યું હતું, પરંતુ હવે એક વીડિયો સામે આવ્યો છે જેમાં તેણે તેના બીજા લગ્નને કન્ફર્મ કર્યા છે.
Mashallah 😍🥀✨#MunawarFaruqui #MunawarKiJanta pic.twitter.com/u2lLr3joyE
— 𝙎𝙆 𝘼𝙁𝙍𝙊𝙕 𝘼𝙃𝙈𝙀𝘿 (@SKAFROZAHMED3) May 29, 2024
મુનવ્વરે લગ્ન પર શું કહ્યું?
તાજેતરમાં, મુનવ્વર ફારૂકી તેના બીજા લગ્ન પછી પહેલી વખત મુંબઈમાં જોવા મળ્યો હતો. આ સમય દરમિયાન તેણે તેના બીજા લગ્નની પુષ્ટિ કરી હતી. સોશિયલ મીડિયા પર એક વીડિયો સામે આવ્યો છે જેમાં પાપારાઝી તેને લગ્ન માટે અભિનંદન આપી રહ્યા છે. આ પછી મુનવ્વર હસતો અને આભાર માનતો જોવા મળે છે. આ સાથે તેણે સ્પષ્ટ કર્યું છે કે તેણે મહઝબીન કોટવાલા સાથે તેના બીજા લગ્નને સમર્થન આપ્યું છે.
View this post on Instagram
લગ્નના ફોટા થયા હતા વાઈરલ
ઓફિશિયલી જોવા જઈએ તો મુનવ્વર કે મહઝબીને પોતાના લગ્નની જાહેરાત કરી નથી. ન તો કપલે પોતાના કોઈ ફોટો સોશિયલ મીડિયાપર પોસ્ટ કર્યા છે, પરંતુ થોડા દિવસ પહેલા કપલની પહેલી ઝલક જોવા મળી હતી, જેની તસવીરો સોશિયલ મીડિયા પર વાયરલ થઈ હતી. આ ફોટોઝમાં કપલ વેડિંગ કેક કાપતા જોવા મળ્યું હતું.
આ પણ વાંચોઃ ‘એનિમલ ગર્લ’ તૃપ્તિ ડિમરી બનશે શાહરૂખ-સલમાન, રણબીરની પડોશણ, જાણો ઘરની કિંમત
