અમદાવાદમાં 13 કરોડ રૂપિયાથી વધારે સોનાની લૂંટ , રસ્તામાં બસ રોકાવી સોનુ લઇ થયા ફરાર

અમદાવાદ શહેરમાં 25 કિલો સોનાની લૂંટની ઘટના સામે આવી છે. જાણકારી મુજબ લૂંટારૂઓ 13.50 કરોડનું 25 કિલો સોનાની લૂંટ કરીને ફરાર થઇ ગયા હોવાનું જાણવા મળ રહ્યું છે. આ લૂંટારૂઓએ બસ ઉભી રખાવીને લૂંટ ચલાવી હતી.

કરોડનું 25 કિલો સોનું લઇને આરોપીઓ ફરાર

અમદાવાદ શહેરમાં અવાર નવાર ચોરીની ઘટનાઓ સામે આવતી હોય છે. ત્યારે ચોરીની વધુ એક ઘટના સામે આવી છે. જેમાં લૂંટારૂઓ 13.50 કરોડનું 25 કિલો સોનું લઇ ફરાર થઇ ગયા છે. ઘટના અંગે ક્રાઇમ બ્રાંચને જાણ કરતા ક્રાઈમ બ્રાન્ચે ઘટનાના પાંચ આરોપીઓની તપાસ હાથ ધરી છે.

જાણો કેવી કરાઈ લૂંટ ?

આ ઘટના અંગે પ્રાપ્ત વિગતો મુજબ 25 કિલો સોનાને બસ અમદાવાદથી મુંબઇ લઈ જવામાં આવી રહી હતી. તે દરમિયાન લૂંટારૂઓએ બસ ઉભી રખાવીને બસમાં ઘૂસીને ફિલ્મી ઢબે લૂંટ ચલાવીને ફરાર થઈ ગયા હતા. આ ઘટનામાં પાંચ આરોપીઓ હોવાનુ જાણવા મળી રહ્યું છે. આ મામલે ક્રાઈમ બ્રાન્ચને જાણ થતા ક્રાઈમ બ્રાન્ચે પાંચે આરોપીઓને ઝડપી પાડવા ચક્રો ગતિમાન કર્યા છે.

આ પણ વાંચો : કેન્દ્ર સરકારની માગ બાદ ભારતમાં પાકિસ્તાન સરકારનું ટ્વિટર એકાઉન્ટ કરાયું બ્લોક