‘સોનાની ખાણ’ છે આ વૃક્ષ! જેનું તેલ કહેવાય છે લિક્વિડ ગોલ્ડ, હજારોમાં છે 1 લિટરની કિંમત
HD NEWS DESK: 19 ઓગસ્ટ, 2025: Liquid Gold: આફ્રિકાના મોરોક્કોમાં એક ઝાડ પર નાના ફળો ઉગે છે. આ ફળોમાંથી એક પ્રકારનું તેલ કાઢવામાં આવે છે. આ તેલ વાળ અને ત્વચા માટે એટલું ફાયદાકારક છે કે આખી દુનિયામાં તેની ખૂબ માંગ છે. તેને ‘આર્ગન તેલ’ તરીકે જાણીએ છીએ.
કેમ કહેવાય છે ‘લિક્વિડ ગોલ્ડ’?
આ આર્ગન તેલનો ઉપયોગ વૈભવી સૌંદર્ય પ્રસાધનો, સ્કિન કેર અને હેર ઓઇલ તરીકે થાય છે. વિશ્વભરમાં તેની ભારે માંગ અને ઊંચી કિંમતને કારણે, તેને ‘લિક્વિડ ગોલ્ડ’ પણ કહેવામાં આવે છે. આ તેલ બનાવવાની પ્રક્રિયા ખૂબ જ મુશ્કેલ છે અને તે આફ્રિકાના દૂરના વિસ્તારમાં જોવા મળતા આર્ગન વૃક્ષના બીજમાંથી બનાવવામાં આવે છે. તેથી જ તે ખૂબ જ દુર્લભ અને મોંઘા છે.
એક અહેવાલ અનુસાર, મોરક્કોના જંગલોમાં આર્ગન ફ્રૂટ્સના સૌથી વધુ વૃક્ષ જોવા મળે છે. આ જ કારણ છે કે, અહીં સ્થાનિક મહિલાઓ માટે આર્ગન વૃક્ષ એક મહત્ત્વનો જીવન સ્ત્રોત માનવામાં આવે છે.
ખૂબ જ અઘરી છે આર્ગન તેલ બનાવવાની પ્રક્રિયા
મોરોક્કોની મહિલાઓ જંગલમાંથી આર્ગનના ફળો એકત્રિત કરે છે અને પછી તેને પથ્થરની મિલમાં પીસીને તેનો બીજ કાઢે છે. બે દિવસની મહેનત પછી, એક કિલોગ્રામ બીજ એકત્રિત કરી શકાય છે. એક કિલોગ્રામ બીજની કિંમત લગભગ 3 ડોલર એટલે કે લગભગ 260 રૂપિયા હોય છે.
સહકારી મંડળીઓ દ્વારા તૈયાર કરવામાં આવે છે આર્ગન તેલ
મોરોક્કોમાં, ઘણી સહકારી મંડળીઓ આ વૃક્ષોમાંથી બીજ કાઢવાનું અને બહાર મોકલવાનું કામ કરે છે. આ મંડળીઓમાં સ્થાનિક મહિલાઓ છે, જેઓ જંગલમાં જઈને આર્ગન ફળો વીણે છે અને પછી તેમાંથી બીજ કાઢીને મંડળીમાં જમા કરે છે અને તેમને આ બીજના બદલામાં ખૂબ ઓછા પૈસા આપવામાં આવે છે.
કેમ કહેવાય છે ‘લિક્વિડ ગોલ્ડ’?
આર્ગન બીજ મોરોક્કોના ગામડાઓમાંથી મોટી કોસ્મેટિક્સ કંપનીઓ દ્વારા ખરીદવામાં આવે છે. ત્યારબાદ, આ આર્ગન બીજમાંથી તેલ કાઢવામાં આવે છે. આ તેલની 50 મિલીની કિંમત 350થી 400 રૂપિયા સુધીની હોય છે. 250 ગ્રામની કિંમત 4000 થી 4500 રૂપિયા હોય છે અને વૈશ્વિક બજારમાં એક લિટરની કિંમત લગભગ 12000 રૂપિયા હોય છે.
આવી સ્થિતિમાં, આફ્રિકાના દૂરના જંગલોમાં રહેતી મહિલાઓ આ આર્ગન તેલ બનાવવામાં શું ભૂમિકા ભજવે છે અને તેને ‘લિક્વિડ ગોલ્ડ’ કેમ કહેવામાં આવે છે તે સમજી શકાય છે.
શું છે તેની વિશેષતા?
આર્ગન તેલ વિટામિન ઈથી ભરપૂર હોય છે. તેને શુષ્ક વાળ અને ત્વચા પર લગાવીને તેને નરમ બનાવવામાં આવે છે. તે વાળને નુકસાનથી બચાવે છે. કેટલાક લોકો તેનો ઉપયોગ ખરજવું મટાડવા અથવા ચિકનપોક્સની સારવાર માટે કરે છે.
આ પણ વાંચોઃ પુલની વચ્ચોવચ ફસાઈ ગઈ મોનો રેલ, મુસાફરોને સુરક્ષિત બહાર કાઢવા ફાયર વિભાગે હાથ ધરી કાર્યવાહી
આ પણ વાંચોઃ ઓનલાઈન સટ્ટાબાજી રમતો પર પ્રતિબંધ મૂકવાની મોદી સરકારની તૈયારી, સંસદમાં રજૂ કરાશે બિલ
